talib_al_borkie

(( عتب چايد))
          	
          	يكلبي من الزعل حاذر
          	ماهو امعاتبك جايد.
          	
          	ولحد اخر نفس من رفسة المذبوح
          	خل مواددك زايد.
          	
          	يذباح العشك بالروح 
          	تره كبل الذبح واجب
          	ماي المنذبح وارد.
          	ماحس بالذبح لو ضوكتني اشفاك
          	لو السيف الذبح بايد.
          	
          	حبارة هم تجيب وتكطف بكلبي
          	من دون الخلك صايد.
          	
          	الك ماضل عشك جامد
          	دم يامنذبح بارد.
          	
          	ضفيرة من الوجع كلبي
          	بطراف السبح مشدود
          	ومن دون الخرز شارد.
          	
          	نهر منه الكمر يغتاض
          	من ايشح بخت مايه
          	
          	تشرب كل ضواه الكاع
          	وين ايشوفله امرايه
          	
          	ومحد يكرب ايشله
          	جرحك جن شجخ ثايه
          	وراه اطلايب اهوايه
          	
          	وجرح لو ردت مرخوص
          	لوما تنجرح تنذب
          	يشككهه الهوه الرايه.
          	
          	وبحجة الصلاة انداس
          	ثلث اوكات. ابنادم لو مصلايه
          	
          	بس الكلبه متعلك.
          	بالله عليك مو ياهو اليجي يدنك.
          	مثل تربة صلاه كلبك
          	مو كل ناسك اتحبك
          	بس عليك تتندم...كلما تكبر وتفهم
          	
          	كبر ماميزت ناسك
          	زين وشين ضيفك ماترد واحد.
          	
          	يعشاك البرك شاهد
          	كمر ثاريك ماتهوى الجزر والمد
          	وانه بروحي خورة ماي
          	وجهك بيهه ماراكد
          	
          	فزاعة زرع خلصت عمري اوكوف.
          	حضي بناسي ماكاعد.
          	
          	ولوذ بسد المخضرين
          	مچن عود اليبس ساند.
          	ونطميت مثل خية احبال اخيام
          	رغم اجدام مالي بسجة الفاسد.
          	
          	يساجني
          	تره المسجون يداره
          	لجنهه عليه وحشه اصير بدياره.
          	وكلها عليه تتفكر لحد ماتطلع اسفاره
          	كلب فانوس من تنام ناسه يكوم
          	ينطر وادمه بناره.
          	
          	وضمني بكلبك المحروس.
          	تره المصيوب جنحه 
          	عله الشجر معذور
          	يامن بالقفص محبوس.
          	
          	مو صاحب طويله وياي
          	حدك ليل المعرسين
          	ثوب عروس.
          	
          	ولا بالكيف صار افراكنه المنحوس.
          	مثل كسرت اضلوع الموس.
          	
          	كلبي قماش بازه من الحزن بايد.
          	وكلبك ثوب المعرسين
          	كاضيهه بفرح من واحد الواحد.
          	الشاعر طالب البركي

talib_al_borkie

(( عتب چايد))
          
          يكلبي من الزعل حاذر
          ماهو امعاتبك جايد.
          
          ولحد اخر نفس من رفسة المذبوح
          خل مواددك زايد.
          
          يذباح العشك بالروح 
          تره كبل الذبح واجب
          ماي المنذبح وارد.
          ماحس بالذبح لو ضوكتني اشفاك
          لو السيف الذبح بايد.
          
          حبارة هم تجيب وتكطف بكلبي
          من دون الخلك صايد.
          
          الك ماضل عشك جامد
          دم يامنذبح بارد.
          
          ضفيرة من الوجع كلبي
          بطراف السبح مشدود
          ومن دون الخرز شارد.
          
          نهر منه الكمر يغتاض
          من ايشح بخت مايه
          
          تشرب كل ضواه الكاع
          وين ايشوفله امرايه
          
          ومحد يكرب ايشله
          جرحك جن شجخ ثايه
          وراه اطلايب اهوايه
          
          وجرح لو ردت مرخوص
          لوما تنجرح تنذب
          يشككهه الهوه الرايه.
          
          وبحجة الصلاة انداس
          ثلث اوكات. ابنادم لو مصلايه
          
          بس الكلبه متعلك.
          بالله عليك مو ياهو اليجي يدنك.
          مثل تربة صلاه كلبك
          مو كل ناسك اتحبك
          بس عليك تتندم...كلما تكبر وتفهم
          
          كبر ماميزت ناسك
          زين وشين ضيفك ماترد واحد.
          
          يعشاك البرك شاهد
          كمر ثاريك ماتهوى الجزر والمد
          وانه بروحي خورة ماي
          وجهك بيهه ماراكد
          
          فزاعة زرع خلصت عمري اوكوف.
          حضي بناسي ماكاعد.
          
          ولوذ بسد المخضرين
          مچن عود اليبس ساند.
          ونطميت مثل خية احبال اخيام
          رغم اجدام مالي بسجة الفاسد.
          
          يساجني
          تره المسجون يداره
          لجنهه عليه وحشه اصير بدياره.
          وكلها عليه تتفكر لحد ماتطلع اسفاره
          كلب فانوس من تنام ناسه يكوم
          ينطر وادمه بناره.
          
          وضمني بكلبك المحروس.
          تره المصيوب جنحه 
          عله الشجر معذور
          يامن بالقفص محبوس.
          
          مو صاحب طويله وياي
          حدك ليل المعرسين
          ثوب عروس.
          
          ولا بالكيف صار افراكنه المنحوس.
          مثل كسرت اضلوع الموس.
          
          كلبي قماش بازه من الحزن بايد.
          وكلبك ثوب المعرسين
          كاضيهه بفرح من واحد الواحد.
          الشاعر طالب البركي