user37223639
احلى شي من انتي عائلتج صغيره واهلج قريبين عليج هسه اني مثلا ماعندي اطفال واهلي نفس الشارع فهاي كول يوم الصبح اطلع زوجي للدوام واروح لأهلي الكه امي وابوي يتريكون اتريك وياهم وارجع لبيتي واعرف الوقت الي يخبزن بي امي ومرت اخوي فأطفر اجيب خبز حار وابوي عنده محل بالسوك فما يوم طب للبيت وايده خاليه واعرف وقت رجعته للبيت كبل اطفر عليهم اجيب المقسوم وارجع والعصر اذا حسيت عدهم شي او يمهم احد لازم اروح واشاركهم وبعدين بالليل هم اروح بس شنو اكعد عاقله كأنما خطار واشاركهم بالفواكه والحلويات الي يسونه اختي ومرت اخوي وامي عده عبايه مخصصته للطلعه فهاي العبايه اشتم ريحته على بعد خمس كيلوات فكبل اروحله لو اطلع وياها لو اوصيه على شغلات ومن تجي من السوك لازم افتش العلاليك واخذ حصتي وفوك كول هذا مخصصه يوم بالاسبوع ابات يمهم
منو متونسه مثلي بس اشو مرت اخويه مرات اشوفها تضوج مسويه شي غلط اني