بقلمي زهراء الموسوي💛
ظلم- جابر
ـــــــــــــــــــــــــ
اتحدى البعد يجبرني يوم انساك
وعمت عين الصدف غيرك تشوفني
رغم بعد المسافة وانته ترس العين
والناس الشفتهم ما جزوا جفني
خيالي شگد صور ماخذلك ولقطات
ومن اشتاگ كلش هوه يسعفني
شلت حبك حرز يحفظني من السوء
واحلف گمت بأسمك لليحلفني
اتمنه امتلك طاقية الأخفاء
واجي لبيتك شبح بس انته تعرفني
ابچي بحضرتك بچية طفل مفطوم
وأتوسد احضانك لو تچتفني
وأشعلك بالحنان من الجدم للراس
مثل ما انته شاعل ابو الخلفني
(للشاعر يحيى العلاق)❤
ـــــــــــــــــــــــــــــــــــــــــــــــــــ
فاطمه: گعدت العصر مخنوگه وضايجه گمت طلعت من الغرفه رحت للمطبخ يم البنات گعدت
هاجر: هاا خاتون گعدتي شمالچ هلگد تنامين
فاطمه: شسوي ضوجه وين اروح انام احسن
هاجر: اي والله كلش ضوجه
جنات: خل نسوي كيكه نلتهي بيها وننسه الضوجه
فاطمه: اي هم صدگ خل نسوي..گامن البنات جابن المواد وگعدنه نسوي وشمس بنصنه وكحه كلش كل شوي جاره شي ومخربه علينه صاحت هاجر..
هاجر: لووو اعرف عليييمن طااالعه هيچ وكحه والگاع ماتحملچ ولچ
فاطمه: بضحك..هههههه عليچ
هاجر: هااا چاا انه هيچ وكحه
فاطمه: اي واكثر منها بعد چنتي شالعه گلب أمي
هاجر: اااووفففف والله مشتاقتلها هوااااي گلبي طاگ عليها حته ما زايرينها
