بقلمي زهراء الموسوي💛
ظلم- جابر
ــــــــــــــــــــــ
ضم جرحك....تره يملوك
لمن تشكي....يوميه
لذلك من....يسئلوني
اگول بخير....مابيه
شويه هموم....عاديه
حرگه بگلبي....والتفكير
وخنگه شويه....بالريه
شويه احلام....صارن سود
ما صارلي....ورديه
وأذا يعني....شنو شبيه؟؟
انه السكت....جروحه وگلهن
كافي ماتحچن
انه اليخزر عيونه....ويگلهن والله ماتبچن
ـــــــــــــــــــــــــــــــــــــــــــــــــــــــــــــــــــــــــ
هاجر: سويت التمن گوه ماعرف اسويه بس علمود محمد خطيه كملت وصبيت أخذت الصينيه للغرفه لگيته نايم بقيت محتاره هسه شلون اگعده لو اعوفه نايم طگيتلي صفنه گلت خل اگعده واذا ما راد اعوفه ندهته حمودي...حمودي
محمد: هم
هاجر: كملت تتغده
محمد: اي ميت جوع
هاجر: گوم غسل وتعال گبل لايبرد الاكل
محمد: اي گايم
هاجر: شبي ضهرك ليش كاضه
محمد: مادري وجع موتني
هاجر: هاذه دهن اعصاب عدنه ادهنه الك
محمد: خل نخلص غده وحطيلي بلكي يروح الوجع
هاجر: اباوعله كسر خاطري جاي يتعب هواي بالشغل وغير الكتل الي ماخذه من ابوي وفوگ تعبه وكسران ضهره ياخذ نص شغله اااااااخ منك يابويه شوكت تبطل ظلمك هاذه وتصير عادل
محمد: شبيچ صافنه ما تاكلين
هاجر: اي هسه بدينه ناكل اگلك حمودي
محمد: ها
هاجر: هاي حمدية ما راح تسكت صحيح تخاف ماتحجي بالي سويناه بيها بس راح تسوي غير سالفه
محمد: شتريد تسوي خل تسوي مليت منها المهم محد تتأذه منچن اااااخ لو شغلي شويه زين وبس الي چان اجرت بيت وطلعنه بس ابوي شسويله
