بقلمي زهراء الموسوي💛
ظلم- جاير
ــــــــــــــــــــ
وانت
تدري....كل لحضه....بغيابك
ينهدم....ثلثين.... عمري
ــــــــــــــــــــــــــــــــــــــــــــــــــ
هاجر: البيت ضوجه وخنگه ومحمد راح للعماره وبس انه وجنات بقيت محتاره بين دوامي وبين شمس وجنات هم دوام اوففففف
احمد: شبيج ولچ
هاجر: باجر عندي دوام صبحي وجنات هم شلون بشمس وين تضل
احمد: ليش ما نوديها يم فاطمه ومن ارجع الضهر من الشغل اجيبها وياي
هاجر: وهاذه رجلها الغثه خاف مايرضه وعمتي الغثه اكيد ماترضه
احمد: هوه بس الصبح اوديها ومن ارجع اجيبها وياي
هاجر: هفففف شلون مشكله
احمد: لا مشكله ولا شي حضري غراضها حته اوديها الصبح بدربي
هاجر: اي رحت حضرت غراضها حته الصبح ياخذها احمد الفاطمه بوستها يروحي انتي راح تتبهذلين من مكان المكان بس شسوي وين اخليج ام حلگ اضحكين وانه محتاره بيچ هههههه ام حلگ گولي محمد يله محمد
شمس: مد(محمد)
هاجر: فدووووه رحت للتگول مد شبگتها حيل ولچ احبج امووت علييييج شموستي گوه نومتها تريد تلعب گعدنه الصبح بدلت الها وبدلنه انه وجنات
احمد: ها ولچن كملتن
هاجر: اي كملنه طلعنه ورحنه وصلنه للمدرسه وأخذ شمس الفاطمه خلص الدوام ورجعنه انه وجنات للبيت شويه وأجه احمد ورانه سئلته..چا وين شمس؟
احمد: فطيم گالت عوفها يمي اليوم
هاجر: اي رحت بدلت وسويت طماطه وچاي وگعدنه نتغده وحدنه وضوجه....
فاطمه: طبعن حياتي وي علاء جحيم عله اقل شي يضربني وعمتي شامره شغل البيت كله عليه گوه متحمله عايشه وياهم وماعرف شلون اخلص منهم وصدگ مثل ما گال محمد
شمرت روحي بنص النار وجاي احترگ ومحد حاس بيه ولا
اگدر اتحمل اضل وياهم ولا اگدر اخلص منهم اااااااخ يا هشام هسه شتگول عليه من عرفت ازوجت شماخذ من فكره
