" أحببت ملتزماََ"
اسكريبت 1
الأم : ليان يا بنتي قومي يالا الضهر أذن
ليان :يووووه يا ماما سيبيني انام شوية
الأم :قومي يا بت بطلي دلع وبعدين قومي عشان تصلي كفايه الفجر مبترديش تصحى
ليان : منا ببقى عايزه انام
الأم : طب يا ختي ابقى قولي ل ربنا ببقى عايزه انام
ليان : بردو يا ماما انا عارفه اني مش هخلص معاكي روحي وانا هاجي وراكي
الأم : طب ياختي خارجة اهو
.................................................
( ليان عندها 19 سنه في كلية حقوق وحيدة امها وابوها وعشان كده مدلعه شوية الحقيقه مدلعه كتير معندهاش أصحاب ف بتحاول تصاحب اي حد)
* ليان خرجت ولقت باباها قاعد بيقرأ الجرنال زي كل يوم
ليان : صباح الخير يا بابا
الاب : صباح الخير يا حبيبة بابا ده كله نوم
ليان : منا صدقت اني مفيش كلية النهارده بقى
الاب : طب ماشي
ليان : بابا انا عايزه اغير جو
الاب : تروحي فين يعني
ليان : مكاني المفضل
الاب : عند جدتك بردو
ليان : ايوه يا بابا ما انت عارف انا بحب الريف جدا بلاقي هناك راحة نفسيه كبيرة
الاب : طب والكلية يا ليان
ليان : ده هما يومين بس
الاب : بس يا ليان.. ..
ليان : كده يا بابا عشان خاطري طيب
الاب : خلاص موافق
ليان : هيييييه بحبك يا حجوج
الاب : طب يالا ادخلي البسي عشان اوديكي
ليان : هوا يا بابتي
................
الأم : مينفعش توافق ع كل طلباتها كده يا حسام
الاب : يا نهى ما انتي عارفه اني مبحبش ازعلها ولا ارفضلها طلب دي جت بعد 10 سنين من غير خلفة
الأم : ايوه بس خايفه من الدلع الزياده ده
الاب : لا يا ستي متقلقيش
* خرجت ليان بعد ما لبست بنطلون ضيق شوية وبلوزه مش طويلة
ليان : يالا يا بابا انا جاهزه
الأم : ادخلي البسي بلوزة طويلة يا ليان
ليان : لا يا ماما دي حلوه
الأم : لا مينفعش انتي رايحة قرية يعني بالنسبه ليهم لبسك ده مش محترم
ليان : يووووه يا ماما ماله كده بس
الاب : خلاص يا نهى سيبيها براحتها
الأم : ماشي
الاب : يالا يا ليان
* ليان نزلت مع باباها وركبوا العربية وبعد شوية وصلوا القرية
ليان اول ما شافت جدتها راحت حضنتها جامد ( ليان بتحب جدتها جدا وجدتها كمان بتحبها عشان هي حفيدتها الوحيدة)
ليان : وحشتيني اوي يا تيتة
الجدة : يا بكاشة لو وحشتك كنتي سألتي
ليان : الكلية بقى يا تيتة
الجدة :ماشي... ازيك يا حسام
الاب : الله يسلمك يا أمي عامله اي
الجدة : الحمدلله بخير ونهي ازيها
الاب : بتسلم عليكي
ليان : طب اي يا تيتة مش هندخل
الجدة : اه صح تعالوا ادخلوا
* دخلوا البيت مع الجدة ونادت على عزيزة اللي بتساعدها في شغل البيت
الجدة : عزيزة حضري الاكل
عزيزة : دقايق ويبقى جاهز
* وفجأه الجرس رن
ليان : هقوم افتح انا
الجدة : ماشي يا حبيبتي
* ليان قامت فتحت الباب واستغربت جدا من اللي شافته
يتبع..............
لو لاقيت عليها تفاعل هنزل الباقي بسرعه ♥️
