اسكريب 3
" أحببت ملتزماََ"
ليان وصلت للسكشن وكانت في قمة الخوف من الدكتور الجديد
ليان : انا اسفه جدا يا دكتور.. ورفعت عينيها كانت مصدومه لما لقت أمجد قدامها
أمجد : انا محدش يدخل بعدي اتفضلي بره
ليان :..........
أمجد : انتي يا انسه مش سامعه
* ليان فاقت من شرودها وطلعت بره من غير ولا كلمه وحاسه انها اتهانت وسط اصحابها
راحت عند الكفتيريا وعيونها كلها دموع
بنت : السلام عليكم
ليان بصت ع البنت لقتها مختمره وملامحها جميله ولبسها فضفاض
ليان : عليكم السلام ورحمة الله وبركاته
بنت : انا اسمي تقي تحبي نبقى أصحاب
ليان : اشمعنا جيتي ليا انا
تقي : حسيتك طيبه من جوه هو بس طريقة لبسك تتظبط شوية
ليان ( بغضب) : يعني اي مش عاجبك لبسي
تقي : اهدي بس انا قصدي مش هو ده اللبس اللي ربنا يحبه وامرنا بيه
ليان : انتي كلامك غريب انتي غريبه زيه
تقي : هو مين
* وفي الوقت ده جت رنا
رنا : ليان تعالي اعرفك على صحابنا
ليان : ماشي... عن اذنك يا انسه تقي
رنا : انتي اي اللي قعدك مع تقي دي
ليان : هي اللي طلبت مني نبقى صحاب
رنا : لا اوعي دي معقده
ليان : ازاي يعني
رنا : يعني ماشيه في الجامعه وكل حاجه حلال وحرام
ليان : اه شكلها قريبة من ربنا يبختها
رنا : يبختها اي يا بنتي ده اسمه تعقيد ما كلنا عارفين ربنا بس مش معنى كده اننا نلبس لبس مبهدل كده
* ليان بصت في الساعه
ليان : طب يا رنا انا هروح بقى عندي محاضره
رنا : بردو محاضره
ليان : معلش بقى عن اذنك
ليان ( لنفسها) : في فرق كبير جدا بين تقي ورنا بس يا ترى مين فيهم الصح وليه حسيت براحه وانا قاعده مع تقي رغم اني معرفهاش.... اااه
أمجد : انا اسف جدا انتي كويسه
ليان ( وهي باصه على ايديها اللي اتحرقت من القهوه) : مش تفتح يا حيوان
أمجد : نعم!!
ليان ( بصت لمصدر الصوت) : اااا.. أنا.. أنا اسفه بس اصل معرفش أن ده حضرتك
أمجد : ع العموم انا متأسف لاني كنت مستعجل عن اذنك
ليان : اي ده ده مشي وزي كل مره كان باصص في الأرض مش عارفه ليه في حاجة بتشدني ليه بس واضح اني مش في باله اصلا... يالهوي المحاضره
* ودخلت ليان على محاضرتها
...........................................
احمد : اي يا أمجد سرحان في اي
أمجد :....
احمد : انت يابني
أمجد : هه
احمد : اي رحت فين
أمجد : معلش يا احمد مخدتش بالي انك بتكلمني
احمد : طب قولي كنت سرحان في اي
أمجد : مش عارف يا احمد حاسس باحساس غريب
احمد : احكيلي
أمجد : في بنت قبل ما اجي ع القاهره هنا شوفتها صدفه واول ما شوفتها حسيت احساس غريب جدا معرفتش افسره بس تمالكت نفسي وغضيت بصري
احمد : طب كويس امال في اي بقي
أمجد : المشكلة انها طلعت طالبه هنا وكل ما اشوفها احس بنفس الاحساس الغريب
احمد : طب ما يمكن حبيتها
أمجد : لا طبعا يا أحمد مش دي اللي انا أحبها انا دايما بتمنى واحدة تكون ملتزمة عارفه الحلال والحرام لكن دي العكس تماما
احمد : مبقتش فاهمك
أمجد : انا بس خايف احسن يكون باحساسي ده بعمل حاجة تغضب ربنا
احمد : لا يا عم م انت قولت انك بتغض بصرك يبقى خلاص متقلقش
أمجد : طب انا هقوم اروح بقى
احمد : ماشي
.....................................................
* أنهت ليا محاضرتها وهمت بالذهاب الي المنزل
تقي : ليان ليان
ليان : تقي ازيك
تقي : اي خلصتي محاضرات
ليان : ايوه في حاجة
تقي : لا بس مخدناش أرقام بعض
ليان : وناخد أرقام بعض ليه
تقي : عشان نبقى صحاب
ليان : ماشي اكتبي
* تبادلوا الأرقام وذهبت كلا منهم الي منزلها
................................................
ليان : ماما انا جيت
الأم : طب ماشي ادخلي غيري وصلي يكون الاكل جهز
ليان : ماشي
* دخلت ليان الي غرفتها ولكنها نست ان تصلي وخرجت لتأكل
ليان : ازيك يا بابا
الاب : حبيبة بابا جيتي من الكلية امتى
ليان : من شوية
الأم : يالا ع السفره الاكل جهز
* أنهت ليان طعامها ودخلت الي غرفتها ذاكرت دروسها وفي الليل أعلن تليفونها عن متصل
ليان : مين اللي بيتصل ده اي ده تقي
تقي : السلام عليكم
ليان : وعليكم السلام
تقي : ازيك يا ليان
ليان : الحمدلله.... في حاجة يا تقي
تقي : هو لازم عشان اكلم صديقتي يبقى في حاجة
ليان : اصل يعني لسه مخدناش ع بعض وكده
تقي : يا ستي انا حبيتك والله
ليان : بسرعه كده ده انتي الصبح مكنش عاجبك لبسي
تقي : لا يا ليان انا قولتلك ان لبسك ده ربنا مش حابه انا عارفه انك من جواكي كويسه وعشان كده هحاول معاكي لحد ما تتغيري بس لازم انتي تبقى عايزه ده
ليان : اتغير ليه منا كده كويسه
تقي : لا مش كويسه لازم تتغيري عشان ربنا يرضى عنك
ليان : مش فاهمه
تقي : بصي بكره في الجامعه افهمك كل حاجه
ليان : ماشي
تقي : تصبحي على خير بقى
ليان : وانتي من اهله
* قامت ليان وذهبت ل تنام ولكنها ظلت تفكر في ما قالته تقي
...........................
" تاني يوم"
* في كافتيريا الكلية
تقي : السلام عليكم يا ليلو
ليان : وعليكم السلام.. قولتي اي ؟!
تقي : اي بدلعك لو ضايقتك انا اسفه
ليان : لا اصل اول مره حد يقولي كده
تقي : اصل بيقولوا ان اللي بيحبك هيخترعلك اسم هو بس اللي يناديك بيه وانا بحبك
ليان ( وقد تضاعف عندها شعور الراحة ل تقي) : ماشي يا ستي
تقي : طب تعالي بقى نكمل كلامنا بتاع امبارح
ليان : المحاضره هتبدأ نحضر الأول بعدين نتقابل ونتكلم
تقي : ماشي يالا
* كان هناك عيون تراقبهم بغيره وغضب
.....................................
* دخلت ليان محاضرتها واذا به أمجد هو من سيقوم بالشرح في هذه المحاضره
ليان ( لنفسها) : ده ورايا ورايا يا ربي هو انا المفروض اعتذر منه على شتيمة امبارح ولا لا... لا يا ليان لازم طبعا انتي غلطي فيه وهو اعتذر يبقى انا انتي اعتذري
* وبعد المحاضره ذهبت ليان للقاء تقي
...................
تقي : تعالي نقعد بقى كده ونتكلم
ليان : ماشي يالا
تقي : بصي بقى يا ستي تعرفي اي عن ربنا
ليان : نعم حد قالك اني كافره
تقي : العياذ بالله لا طبعا اقصد يعني كلميني عن ربنا
ليان : طب ما تكلميني انتي
تقي : ماشي اسمعي يا ستي
* ظلت تقي تتحدث معها عن عظمة الله وكم هو رؤوف ورحيم بعباده وأننا يجب أن نتابع اوامره ونبعتد عن ما ينهانا عنه
ليان ( بدموع) : ياااه اد اي ربنا عظيم
تقي : متعيطيش بس حاولي تقربي منه هتعرفي بجد معنى السعاده الحقيقية
* وجاء وقت صلاة الظهر
تقي : ليان يالا تعالي نصلي
ليان : بس... بس انا عمري ما صليت
تقي : تعالي بس هنصلي مع بعض دي الصلاة دي أكبر راحة في الدنيا ومن غيرها العبد يبقى تايه تعرفي ان اللي يفرق المؤمن عن الكافر هي الصلاة يعني مهما كنتي بتعملي ذنوب متقطعيش صلاتك ابدا
ليان : طب يالا انا مشتاقه اصلي اوي
* ودخلت ليان وتقى الي مسجد الجامعه ليؤدوا صلاة الظهر بعدما ارتدت ليان جيبه اخذتها من المسجد لتصلي بها
* بعد الصلاة ليان انهارت بالبكاء وكانت بجانبها صديقتها تقي تخفف عنها وتدعو الله كثيرا ان يهديها ويتقبلها
..............
* ليان اتجهت نحو السكشن لتحضر محاضرتها بعدما هدأت تماما وفي طريقها...
ليان : اي ده دكتور أمجد اهو انا هروح اعتذرله
ليان : دكتور أمجد...
يتبع..........
