اسكريبت 5
" أحببت ملتزماََ"
أمجد : انسه ليان استنى من فضلك
ليان وقد التفتت خلفها ونظرت اليه تذكرت ذلك الموقف عندما نادته هي وكيف عاملها ف قررت أن تتجاهله
أمجد : يا انسه انا بنادي عليكي
ليان : نعم في حاجة
أمجد : ايوه كنت عايز اقول.....
ليان مقاطعه له : اسفه بس مضطره امشي عن اذنك
* ذهبت ليان من أمامه متجهه الي تقي وفي داخلها شعور بالانتصار وشعور آخر بفضول حول ما كان يقوله أمجد
*أمجد وهو غير مستوعب لما فعلته ليان ولم يعرف تفسير ل ذلك
تقي : ليان يالا عشان نروح نشتري لبس زي ما اتفقنا
ليان : ما تأجيلها شوية يا تقي حاسه اني مش مستعده
تقي : ازاي بقى يالا يا حبيبتي هتحبي الموضوع والله
ليان لنفسها : يا ترى يا أمجد لما اظبط لبسي ممكن تفكر فيا اكيد اه لأنه قال لبسي مش مناسب معناها كان طول الوقت بيتجاهلني عشانه
تقي : ليان رحتي فين
ليان : هه... معاكي اهو يالا
* خرجت تقي وليان من الكلية واتجهوا الي إحدى المحلات ليقوموا بشراء بعض الدريسات التي تناسب ليان
..........................
أمجد : احمد اقعد عايزك
احمد : هاا قول
* قص أمجد كل شئ ل أحمد
احمد : انت غلطت يا أمجد وكان رد فعل طبيعي انها تسيبك وتمشي
أمجد : المشكله دلوقتي ان مش هعرف اوصلها النوت
احمد : ممكن تديها لأي صديقه معاها في السكشن
أمجد : منا فكرت كده بس هي ملهاش أصحاب باين
احمد : خلاص حاول تاني أو اديها للأمن وهما يبلغوها
أمجد : خلاص ماشي هشوف كده
...................
* بعد عدة ساعات
تقي : اه رجلي مش قادرة
ليان : وانا كمان تعالي ندخل كافيه
تقي : لا ده لازم اروح مفيش وقت المهم الحاجة عجبتك
ليان : ايوه شكلهم جميل بس حاسه شكلي هيبقى اهبل حبتين
تقي : مين قالك كده ده شكلك جميل جدا
ليان : هبقي اجربهم بقى في البيت
تقي : اه ع فكره عميد الكلية بيقول ان في اجازه اسبوع
ليان : اي ده ليه انا اول مره اسمع كده
تقي : الدكتور عندنا في السكشن قال كده
ليان : متأكدة
تقي : ايوه.. هتوحشيني جدا
ليان : هنتكلم ع طول في الموبايل
تقي : ان شاء الله.. همشي انا بقى
ليان : ماشي مع السلامة
.....................................
* جالس في غرفته بعدما ادي صلاته وقرأ ورده اليومي من القرآن وقد وقع نظره على النوت
أمجد لنفسه : يا ترى فيها أي عندي فضول كبير جدا اعرف اي جواها بس لا طبعا امانه مينفعش بس منا اللي هقرأه هخليه سر بيني وبين نفسي وكأني مقرأتش حاجة
* ظل هكذا فتره من الوقت حتى غلبته نفسه وشيطانه وفتح النوت
اخذ يقرأ كل ما كتبته ليان وصُدِم عندما عرف بمشاعرها وانها منجذبه له مثلما هو منجذب إليها ولكن سرعان ما أغلق النوت واستغفر ربه ولام نفسه على فعلته
علي الهاتف
أمجد : السلام عليكم
احمد : وعليكم السلام خير يا أمجد
أمجد : احمد اسمعني اللي حصل.........
احمد : طب ما ده كويس طالما الشعور متبادل كلمها واتقدملها
أمجد : انت مستوعب بتقول اي يا احمد انا طول عمري بتمنى بنت ملتزمه
احمد : وفيها اي يا أمجد ما ممكن تلتزم على ايديك
أمجد : احمد انا خلاص خدت قرار لان كده بدأنا ندخل في الحرام
احمد : قرار اي
أمجد : انا هخطب
احمد : هتخطبها
أمجد : انا قولت هخطب مش هخطبها
...............
* عند ليان
جالسه في غرفتها تبحث عن النوت الخاصه بها لتفرغ بيها مشاعرها وكم قررت أن تلتزم لعل أمجد يفكر بها
