اسكريبت 2
" أحببت ملتزماََ"
* ليان قامت وفتحت الباب استغربت جدا من اللي شافته
لقت قدامها شاب لابس بدلة شيك جدا وعنده لحية وملامحه هاديه جدا وبسيطه
ليان ( لنفسها) : اي ده هو ازاي شيك كده وفي نفس الوقت عنده دقن وتحسه دقه قديمة ده حتى مرفعش عينه يبصلي
الشاب ( وهو باصص في الأرض) : لو سمحتي ممكن تنادي الجدة
ليان : طب اقولها مين
الشاب : أمجد
ليان : حاضر ثواني
* راحت ليان قالت للجدة ان أمجد ع الباب
الجدة : تعالي يا أمجد يا ابني
أمجد : لا معلش يا جدة انا بس كنت جاي ان شغلي اتنقل للقاهرة واسلم عليكي قبل ما امشي
الجدة : يااا يابني ده انا اتعودت على وجودك معانا
أمجد : معلش يا جدة الظروف بقى بس هسأل عليكي ع طول ان شاء الله
الجدة : ربنا يوفقك يابني
أمجد : اللهم امين.. عن اذنك
.......................
* مشي أمجد وليان كانت سامعه كل الحوار وكانت مستغربه ازاي شاب زي ده قادر انه يتحكم في نفسه وميبصش ليها وطول الوقت باصص في الأرض وبرغم كده تحس ان عنده هيبه كده من كلامه
* استأذن والد ليان عشان يمشي وليان قعدت مع جدتها
ليان : هو مين أمجد ده يا جدة
الجدة : ده يا بنتي شاب محترم جدا وعارف ربنا جه هنا لما عرف خبر موت أهله
ليان : موت أهله!!
الجدة : ايوه اصل أهله ماتوا كان في حريق في بيتهم وللأسف اتوفوا وهو جه لما عرف الخير وكان مقرر مش هيسيب بيت اهله ويرجع القاهره تاني بس شغله بقى
ليان : يس هو عارفك منين يا جده
الجدة ( بضحك) : انتي أسئلتك كتير ليه يا بت
ليان ( اتوترت) : لاااا.. اصل يعني حسيته غريب
الجدة : غريب ازاي يعني
ليان : مش عارفه بقى انا هقوم انام
الجدة : ماشي يالا اطلعي ارتاحي
.................
* ليان طلعت اوضتها عشان ترتاح او هي فكرت كده
ليان ( لنفسها) : انا ليه مهتمه ب ان اعرف تفاصيل عنه ده اكيد فضول يعني مش اكتر بس هو فعلا غريب يعني مقبلتش حد من النوعيه دي قبل كده او يمكن هو مختلف
خلاص بقى انا هنام
* وغطت ليان في نوم عميق
...........
تاني يوم
* قامت ليان من النوم وكالعاده مصلتش ونزلت ع طول
ليان : صباح الخير يا جده
الجدة : صباح الخير يا حبيبتي تعالي افطري
ليان : حاضر
* بعد الأكل
ليان : انا هخرج اتمشى شوية وحشتني ايام الريف والخضره
الجدة : طب يا حبيبتي بس متتأخريش واوعى تبعدي
ليان : حاضر
.............
خرجت ليان تتمشى وحست براحه نفسيه كانت مفتقداها في القاهرة
وبعد شوية وقت رجعت ليان وطلعت اوضتها طلعت النوت بتاعتها وبدأت تكتب
" لا أعلم من انت او حتى لما تحتل تفكيري هكذا لا أعلم ما سبب تلك الطمأنينة التي تجتاحني عندما انظر لوجهك اظن لأنك متميز ولكن ما شأني انا ان كنت متيمز ام لا في النهاية انه ليس ما يسمى بالحب انه فقط مجرد شعور بالطمأنينه"
* قفلت ليان النوت ورنت على صاحبتها " رنا "
ليان : الو
رنا: ليان ازيك
ليان : انا كويسه ازيك انتي
رنا : انا تمام
( ليان اتعرفت على رنا من فتره صغيره وبتحاول تتقرب منها اكتر عشان يبقى عندها صحاب في الجامعه)
ليان : عملتوا اي النهارده في الكلية فاتتني محاضره مهمه
رنا : يابنتي محاضرات اي هو حد بيحضر اصلا بس سمعت ان في دكتور جديد جه وشكله جد جداا
ليان : اي ده بجد ده انا لازم اجي بقى
رنا : لااا ده انتي باين عليكي من الناس الدحيحه
ليان : لا بس يعني مش بحب افوت محاضرات
رنا : لا لما تيجي الكلية ابقى كلميني بس وهتعيشي ايام الجامعه بشكل تاني
ليان : ان شاء الله
رنا: طب سلام بقى
ليان : سلام
...........
نزلت ليان تقعد مع جدتها
ليان : ازيك يا جدة
الجدة : كويسه يا حبيبتي هااا قوليلي مبسوطه
ليان : اه يا جدة بس خايفه اصل فاتني محاضرات وبيقولوا الدكتور الجديد جد شوية
الجدة : طب يا حبيبتي ما ترجعي لكليتك وابقى تعالي في الإجازات بس
ليان : شكلي هعمل كده
الجدة : ربنا معاكي يا حبيبتي.. اتصلي على باباكي بقى خليه يحي ياخدك
ليان : حاضر
في التليفون
ليان : الو يا بابا
الاب : اي يا ليان يا حبيبتي
ليان : كنت عايزاك تيجي تاخدني
الاب : اي ده بسرعه كده
ليان : عشان الكليه بقى
الاب : ماشي بكره الصبح هكون عندك
* طلعت ليان اوضتها تحضر حاجتها وحطتها جمبها ونامت
تاني يوم
ليان : صباح الخير يا جدة
الجدة : اي جهزتي حاجتك
ليان : ايوه هتوحشيني اوي
الجدة : وانتي كمان يا حبيبتي بس مستقبلك اهم
ليان : هجيلك في الاجازه ان شاء الله
الجدة : هستناكي يا حبيبتي
* بعد شوية جه حسام واخد ليان ومشيوا وبعد ما وصلوا البيت ليان دخلت اوضتها ترتاح شوية
الأم : ليان يا حبيبتي مش هتاكلي
ليان : لا يا ماما انا هنام عشان عندي كليه بكره
الأم : طب ماشي
.................................
تانى يوم
* ليان قامت من النوم نشيطه عكس كل مره وجواها احساس غريب ف قامت ولبست وبعدين مشيت ع الكلية
جه وقت المحاضره وليان داخله قابلت رنا
ليان : ازيك يا رنا
رنا : انا كويسه انتي رايحه فين.
ليان : هحضر المحاضره
رنا : تحضري اي تعالي نقعد في الكافيه
ليان : بس دي محاضره مهمه
رنا : لا مش مهمه وبعدين عادي مش عايزه تيجي براحتك
ليان حست ان رنا زعلت ف رجعت في كلامها
ليان : خلاص يالا
رنا : ها بقى انتي متعوده تحضري ع طول كده
ليان : ايوه
رنا : يا بنتي دي محاضرات ممله وبعدين ده الدكتور الجديد اللي جوه
ليان ( بصدمه) : اي مش ده اللي بتقولي عليه جد
رنا : ايوه في اي
ليان : انا هقوم اروح احسن يسقطني
رنا : يا بنتي اهدي عادي
* بس ليان قامت جري ومشيت و وصلت السكشن وهي خايفه
ليان : انا اسفه جدا يا دكتور... ورفعت عينيها...
يتبع...........
