تماره ....اني هسه عمري 30سنه مواليد1987راح ارجع وياكم واحجيلكم قصتي من جنت صغيره جان عمري17حبيت واحد هاني ولد حلو ومرتب اكمل تعريف عن نفسي واخلي هاني هو يحجيلكم عنه .....اني جسمي كووولش حلو بدون مبالغه الكل يتعجب عليه وكل بنات العداديه الي ويايه يكلولي نحسدج على هيج جسم بطن ممسوحه معالم انوثه واضحه بنزاكه وجمال اني بيضه كولش على امي شعري اسود فحم وعيوني بني طولي168وزني60 ماعدي اخوان وحيده لا اهلي امي بعد معانات 7سنين يالله اجيت اني مصار عدهم بعد عدي صديقتي سرى من البتدائيه متعلقه بيها احبها كولش وهاني اخو سرى جنه صغار صف5ابتدائي سافر هاني للخارج وره 5سنين رجع من رجع جان شكله متغير وصاير شاب هاني اكبر مني ب5سنين خلي هسه هو يعرف عن نفسه
سلاام اني هاني مواليد1983 طولي 175 وزني 80 عدي اخوان سرى وحيدر سافرت للخارج لغرض الدراسه كملت ورجعت مشتاق لا اهلي الغربه تذبح ماتنجرع شكد نضافه ونضام وترتيب بس مو مثل هوه بغداد مومثل ناسنه تسوه الدنيا عدي كعدت الصبح وي امي وهوستنه واحنه نطلع للدوام وابويه يصيح علينه ويحاسبنه خوف علينه الغربه خلتني اشتاق حتى للرزاله مال ابويه ودهرت اخواني رجعت نصدمت ب سرى كبرانه وصايره مره ....ماشاء الله شصايره ولج راح نزوجج
سرى....ازوج انت اول معليك بيه
هاني.....ال مخبل ازوج بعد وكت ..... ياصف صرتي
سرى....5اعدادي
هاني....مبقه شي بس السنه وراها سادس
سرى.....هيه السنه صار الها كم يوم من بدت شيخلصها
هاني....بس تجيج نص السنه حسبيها السنه خلصت......يمه مشتهي فاصوليه رحمه لا اهلج
الام....والله محضرتها ومسويتها ادري بيك مشتهيها
سرى...ماما تماره حتجي تاخذ كتاب الجغرافيه من تجي صيحيني
هاني....هاي شنو بعدج وي تماره الزقجه
الام....يمه يازقج عيب لا اسمعك صارت مره
هاني....والله ما اتخيلها غير زقجه وزعطوطه
سرى....هسه انت من طولك تحجي عليها
هاني....بعدج ادافعيلها .....
حيدر....لك هاي تطي بامها وابوها ومتطي بتماره
هاني.....ههههههههه همزين كتلي بس اطب بالمصياده اضربها من فوك
سرى.....ماما شوفيهم والله هسه اخابرها اخليها متجي
حيدر.....لا بربج خليها تجي خلي هاني يشوف الزقجه شصايره😉
تماره....ماما حروح لسرى علمود الكتاب عدي تحاضير بي مدام كملت منه
الام....انتضري ابوج يجي يوصلج
تماره....هو بابا كوه يمشي من رجله هايته بيتهم براس الشارع خطوتين
الام...روحي ولاتنسين روحج يمها
تماره....لا.....رحت دكيت الباب طلع حيدر
حيدر.....ها توته تعاي
تماره.....شلونك لعد وين سرى
حيدر....فوتي هسه تجي
تماره....اوكي...حيدر مواليد1977ممزوج اعتبره اخويه الجبير مثل ميعامل سرى يعاملني واي مشكله تصير او احد يضوجني بشارع هو يوكفلي يكلي انتي اختي اي شي يصير تعاي
حيدر.....تماره احسها مثل سرى اختي الصغيره احبها حيل لان فقيره وخوش بنيه مودب ومتربيه بيتنه هيه كولش حلوه وبيضه تجذب النضر اراقبهم من بعيد مو شك بس خوف عليهم اشوف الولد يتحارشون بيهم والاخص تماره بس همه ولايمهم اني اصرف بدون ميحسون واي شي تجي تكلي تماره معتبرتني اخوها ......سرررررى تعاي اجتي تكج الثاني
سرى.....خلي تصعد ....تعاي توته صعدي
حيدر....يوم اني صاعد اكعد هاني طول بسبح
هاني ....سمعت سرى تكلها اصعدي كلت خلي اداهرهم
طلعت من الغرفه وصار بوجهي كمر لا حشاها من الكمر بعد احله ياربي منين هاي البنيه نسيت الدنيا كلها بقيت فاك حلكي اويلي يابه غير عيون اطير العقل من الراس
حيدر....اني احميها من الشارع طلعلي هذا الاثول .....خليت ايدي على فكه رفعته وسديت حلكه فضحتنه يالاثول
تماره.....من صعدت صار بوجهي هاني صاير شاب حلو ومرتب ريحت العطر مالته تجنن بقه فاك حله اني متت من المستحه وحيدر رزله بصوت ناصي ....عفته وصعدت حتى مسلمة من المستحه
حيدر.....شبيك متكلي شبيك فضحتنه كدام البنيه
هاني.....اويلي لك شنو هاي كارثه مو بشر
حيدر....انجب واسكت لا اكسر سنونك بحلكك
هاني....لاتكلي حاط عينك عليها
حيدر.....دروح بابا هاي اختي شحط عيني عليها
هاني.....رحم الله والديك ريحتني لعد بعد اخوك اعتبرها مرت اخوك هاي
حيدر....انت مو هسه كلت ما ازوج
هاني....اي مو قبل شويه جنت زمال والحر ماثر عليه هسه سبحت ردت روحي صحيت...بعدين مجنت متوقع اشوف هيج شي
الام....مخلصتو سوالف تعالو شربو جاي
هاني....يمه هاي سالفتنه طويله 😅
سرى....شبيج مثل الثوله صايره
تماره.....والله متت مستحه اخوج شلون فك حلكه حتى عبالي وجهي بي شي
سرى....احسن يستاهل
تماره....ليش
سرى....لا هيج عوفي ....
تماره....بقيت نص ساعه يم سرى ونزلنه سوه نسولف ونضحك على الدرج
هاني....يمه كلبي كمر يمشي مو بشر ...
حيدر....ها رايحه اوصلج
تماره....لا اني اروح
هاني...كلت خلي استغل الفرصه ...سلام مسلمتي انتي اني اسلم
تماره...سلام اسفه بس جنت مستعجله
هاني....شلونج اهلج اخبارهم
تماره...الحمد الله
هاني....وي سرى صرتي مو
تماره....اي ما اكدر افاركها
هاني....ان شاءالله
تتفاركون دوم ..ماشاءالله معرفتج كبرانه
سرى.....امشي اوصلج يالزعطوطه
تماره...زعطوطه !!!؟؟
سرى.....زعطوطه وزقجه هم
تماره....هاي شبيج
سرى ....بعدين افهمج
هاني.....عرفة هاي تقصدني ....راحت واني احس اخذت كلبي معقوله حبيتها ما اصدك
تماره....شبي اخوج بس يباوع خلاني اشك بنفسي عبالي اكو شي بوجهي
سرى.....لاتخافين حيدر موجود هو يربيه😉
هاني.....كمت اكعد من الصبح انتضر تماره تجي على سرى واوكف يم الشباك واحس نفسي طاير
تماره....حسيت بنضرات هاني احس عيونه تحاوطني
اني كمت احس اشياء غريبه احس كلبي يدك بسرعه من اشوفه واي كلمه منه اتاثر بيها اذا مشفته ابقه اليوم كله ضايجه قربت نص السنه امتحنه وخلصنه امتحانات واجت العطله وره العطل بسبوع اشتاقيت لسرى خابرت على بيتهم طلعلي حيدر كال مريضه ستاذنت اهلي ورحتلهم .....
هاني.....منووووو
تماره....سرى موجوده
هاني.....كلبي كام يدك صوتها طلعت اركض فتحت الباب اي موجوده فوتي ...شلونج
تماره....الحمد الله انت شلونك
هاني....مدام شفتج بخير فوتي فوك سرى
مريضه
تماره.....ادري بيها اجيت اشوفها.....ها سراوي شبيج سلامتج
سرى.....اووووي يمه راح اموت صخونه كتلتني كله من وره هاني الله لايطيه
تماره....ليش شبي
سرى....وج نهار كله محتر موتني طلعت من الحمام سابحه لكيته فاتح البنكه بهذا البرد واخذتني الفلاونزه ماعده الدعاوي كل ما افوت يكلي صخونه عاد اني صخنت
تماره....ههههههههه الله يخلي الج اتمنه عدي اخ او اخت اتعارك وياهم
سرى....اني وحيدر اخوانج....
تماره.....لعد وهاني
سرى....ما انصحج يكون اخوج يطيح حظ حظج😢هم دعاوي وهم كفخات وهم دهره وهم يمرضج ويضحك عليج😣
تماره...بقينه نسولف اني وسرى ساعه ....سرو اروح تنامين
سرى....لا ابقي بس اريد ماي شويه
تماره....راح اجيبلج نسكافه وماي
سرى....لا نفسي تلعب بس ماي
تماره.....طلعت من غرفة سرى ما احس ال واحد جرني
هاني....كاعد وافكر لازم اعترف الها احبه اموت عليها ما اتحمل فراكها شفت حيدر طلع بقيت انتضرها يم غرفة سرى بصف غرفتي بس طلعت من الغرفه جريتها ودخلتها غرفتي دفعتها على الباب وصارت قريبه عليه كلش ما ادري شنو الي صارلي اريد بس احجي وياها ليش هيج وضعي تخربط ....تماره....اريد احجي وياج بموضوع
تماره.....صخنت وكلبي يرجف ...احجي بسرعه اريد اروح
هاني......اخذت ايدها وهيه جرتها رجعت جريتها وخليتها على كلبي كتلها انتي هنا مكانج وهذا الشي مو بيدي كلبي حبج ومستعد اسوي اي شي علمودج
تماره....خفت منه حيل ومن اعترف بحبه فرحت وطرت من الفرح هذا الي جنت انتضره منه ردت احضنه واكله اني احبك اكثر بس الخجل الي عدي خلاني اطلع اركض بدون اي كلمه...
