تماره.....دموعي كامت تنزل علي انت مصدك اني هيج جاوبني لاتضل ساكت انت مصدك احجي علي مجاوب
علي....بقيت تماره تبجي وتباوع بعيوني اني اعرف هذني العيون ميخونن ابد وفة للميت متوفي للعدل وهيه كامت تحبني مستحيل اصدك هذا ملعوب نلعب على تماره واكيد وراه هند بس لازم الكي اثبات على هند حتى اكدر اطلكها وتبطل تحجي على تماره مكدرت اكول لتماره اني مصدكج ادري نجرحت مني بس اذا كتلها هند راح اسوي شي
تماره......ابوس ايدك لاتسكت احجي جاوبني كلي مصدكج
مياده....لاتتوسلين باحد بنتي انتي اشرف من الشرف والي يطعن بسمعتج وشرفج هو ناقص شرف
علي...عفتهم وطلعت رحت على ياسر حجيتله كلشي ما اكدر افكر وحدي
ياسر....علي انت اشوف هذا اسلوب تماره بالحجي
علي.....دا اكلك متاكد مو تماره هاي سوالف هند هيه جريئه بالحجي كولش تماره مزوجه قبل وخجوله من كلشي ما عدها حيه ومستحه هاي نازعه ثوب المستحه كولش حتى كامت تلعب نفسي منها معبالك عروس صار كم شهر وتستحي عبالك صار عشرين سنه مزوجين هذا اسلوبها وحجيها بس اريد اثب هذا حجيها حتى اطلكها بسرعه وحتى اخلي ضميري منها
ياسر....تعال نحلها اكعد واسمعني لازم تذكر طبتك وطلعتك للبيت ونحسب الوقت وتذكر الوقت الي تكعد بي يم هند ويم تماره
علي.....اكو رسائل بنهار اني بشغل واكو رسائل بليل ساعه1 اني ساعه وحده تنام هند اطلع اشوف تماره
ياسر....يعني انت ساعه وحده تماره وياك
علي....اي استغلها بنومت هند ابقه ساعه مرات نكعد ناكل سوه يعني نتاخر
ياسر.....دقيقه اوكف .....علي حسبت الوقت باع هاي الرسائل 3 خلال نص ساعه ونفس اليوم وهاي هم4 رسائل خلال ساعه بنفس اليوم وهاي 2 خلال نص ساعه وهم نفس اليوم وكلهم وره الوحده بليل
علي....يعني الجهاز مال هند ومن اطلع يم تماره هيه منايمه تكعد تكتب رسائل واسوي خطط هيه واخوها
ياسر.....عدي صديق يشتغل بشركه بلكي يطلع التسجيلات مال الحجي
علي....ماكو حجي هوي اطول شي 5 دقايق
ياسر....حتى لو بلكي هند واخوها حاجين بيها بس هسه تاكدت انت مظالم هند والحمد الله مظلمت تماره
علي.....اثق بتماره اكثر من روحي ....عفته وكمت شايط على هند اريد بس اوصل
تماره.....كمنه نلوب لل12ونص واحنه بصاله ننتضر علي وخاله اسكت بيه وهند كاعده بصفي تضحك وتشمت طب علي صاير نار كمت وكفت اني وهو عاط من الباب
علي......لج عااااار اليوم اذبحج وين ترحين مني
تماره.....كمت اجر النفس كوه علي والله ممسويه شي اني ما اسويها شو هذا جيت على هند
علي.....من الباب عطت على هند تماره خافت عبالها عليها تتوسل مو اني من الاعصاب الي بيه مجاوبتها جيت على هند وضربتها وجريتها من شعرها ....
هند....عوفني اني شعليه هاي مرتك الفضحتك مو اني
علي.....لج كم مره كتلج احترمي نفسج لاتخلين امد ايدي عليج انت ولا يمج سكتت هواي بس اطعنين بشرف مرتي وبت عمي يعني اطعني بشرفي واخلاقي لا ما اسكت
تماره خط احمر تماره محد يوصلها اليوم اذبحج انتي واخوج العار لج شنو انتي من مره لا والله شيطان مو مره حتى الشيطان تبره من افعالج
تماره....ما اصدك الي اشوفه والي اسمعه حسيت كمت اختنك اريد اتنفس ماكو
علي....امي اصيح يمه بتي نداريت تماره بالكاع وتشهك متكدر تتنفس ركضت عليها تماره احجي شبيج تماره ركضت جبتلها ماي لكيتها مغمي عليها وتشهك غسلت وجها وماكو فايده لفيتها بجرجف وركضت بيها للمستشفى حتى امي عفتها
الدكتور.....لاتخاف عدها انهيار عصبي حاد متعرضه لموقف صعب او صاير عليها ضغط
علي.....دكتور كول شنو مصار بيها مو زين عدها بس انهيار عصبي
دكتور.....الله يكون بعونها اطناها مهدئات يخلص المغذي واخذتها اذا صحت بس تبقه مرتاحه ماكو توتر وضعها ميسمح وهاي ادويه ومهدئات تاخذونها الها
علي....خلص المغذي واخذت تماره رجعتها للبيت ساعه3 لكيت امي كاعده يم الباب وتبجي
مياده.....يم بتي خلصت العمر كله مظلومه سوده عليه اشفتي من عمرج بس قهر واذيه
علي.....يوم يراد راحه راح اوديها غرفتها ومن الصبح خابري ضحى تجي يمها ....دخلت تماره لغرفتها ورحت لغرفتي ابدل لكيت هند كاعده تبجي تقربت عليه وجريتها من شعرها سمعي لج خليتين انزل لمستوج خليتين اضرب مره ومو من عوايدي اسويها بس انتي مو مال احترام حذرتج هواي وماكو فايده اذا ساكت هسه لخاطر تماره متتحمل اي صوت اريدج تلمين كلشي الج بهذا البيت الصبح تنكلعين لبيت اهلج وجهرتج ماريد اشوفها عفتها ورحت تمددت بصف تماره تعبانه حيل تاذت هواي شافت بحياتها اني رجال وما اتحمل كل الي مر عليها .....غافي وفزيت تماره تبجي هيه ونايمه علي احبك والله احبك حضنتها..... حبيبي اني اموت عليج
تماره.....اااخ راسي علي حموت والله تعبت ليش بس اني التعب عليه
علي.....بقيت امسد على راسها وكل متحجي اسكتها اش اش اشششششش حبيبي اش سكتي نامي يمج اني
تماره،....وجه الصبح حسيت نفسي واحد حاضني كمت اعيط وادفع بي....يمه منو منووو انت وخر عوفني
علي.....اش اش لج اني علي شبيج تماره اسم الله
تماره......جريت نفس وكعدت بالكاع لزم
ت كلبي
علي....تقربت كعدت كبالها شربتها ماي شبيج حبيبي وخرت ايدها ولزمت كلبها يدك بسرعه
تماره.....متت من الخوف ما ادري منو حاضني انت شجابك هنا...صفنت اذكرت الي صار بس شجابني للجربايه اخر شي اذكره من علي دخل للبيت وكام يصيح
علي.....تخربطتي واخذتج للمستشفى
تماره.....راسي ثكيل حيل واحس نفسي بايده
علي....من المهدئات شلتها خليتها بفراشها
تماره....بقيت اباوع عليه بعيونه بقينه ساكتين فتره
علي....م العب بشعرها كتلها اسف الي صار بسببي
تماره.....لا تتاسف بس شنو الي صار
علي.....هند وره كلشي حجيتلها كلشي صار وشلون عرفت
تماره....اي صح بيومها فزيت لكيتها جاي تطلع من الغرفه ومن كتلها شتردين كالت عساس خاله تريدني طلعت خاله مدازه عليه
علي.....اسف بسبب صياحي وعصبيتي الزايده انهارت اعصابج وتخربطتي
تماره.....علي انت صدكت لو شكيت اني هيج اسوي
علي.....وعيونج مشكيت بيج لحضه وحده ....بس مكدرت احجي ردت اخليها اصدك بنفسها نجحت بالي سوته حتى اكسب وكت واعرف التفاصيل ومردت اغلط بساعة العصبيه كلشي غلط رحت على ياسر كعدنه وسولفنه وطلعنه الحجي اكوالرسائل وعرفنه كلشي الصوت الوحد اغلاطه هواي لازم اسمع من احد
تماره....واثقه من نفسي بس خفت عليه ومنك شلون صرت عصبي تخوف والي قهرني احساس الظلم الي حسيت بي موتني
علي.....ماعاش الي يظلمج واني موجود دومج بعز ودلال
تماره.....احجي وي علي كمت اغفي ما احس بنفسي
علي.....شفتها نامت كمت سبحت واخذت هند لا اهلها ....يالله نزلي وصيحيلي اخوج العار
هند....نزلت دكيت باب اهلي واني خايفه من علي لايسوي شي اهلي بحجايتين اقشمرهم
علي....كاعد انتضرها تدخل طلع ايهاب فتح الباب الها
ايهاب....ها ولج وين من البارحه تلفونج مغلق شصار .....شبيج ساكته احجي
علي....تعال اكلك اني شصار لزمته ومن ياخته الي يوصل يم مرتي انهي نهي لك انت تحط عينك على مرتي وتطعن بشرفها والله اليوم اسويك عبره
ايهاب.....انت شعليك بيها انت ازوجة هند وتماره بس على الورق اطينياها اني اشيلها بعيوني
علي.....ابن ال...... شنو هيه سلعه اليوم اصكطك تساومني على مرتي تريد تاخذ مرتي مني لك عار يبق عار شبعته كتل دميته وهو يضرب ما اهتمله اني فقدت
هند ....التمو الناس علينه وهوسه بشارع كوه فكو ايهاب من علي
علي.....انداريت على هند نتلاكه بالمحكمه عفتهم وطلعت......رجعت للبيت سبحت وبدلت خشمي طك دم من ركعته كله سبحت ورحت لتماره
تماره....نايمه حسيت علي اجه كعدت حبيبي تاخرت ...😳هاي شنو شبيك
علي....لوتدرين شكد تحملت حتى اسمعها منج
تماره....شبي خشمك ...تعاركت
علي....لا بس سلمت على ايهاب وسلامي جان حار شويه😉
تماره...كعدت على حيلي صخام الصخمني خاف خشمك مكسور كوم
علي......تعاي حضنتها ومسحت على راسها مابيه شي بس تعاي بحضني شويه مشتاقلج حيل .....
