علي....ثاني يوم الصبح كعدنه بدلنه ونريد نسافر سلمت على الكل وعيني على باب تماره اريد بس تفتح الباب اريد بس اسلم عليها حتى لو اعتذر حطيتها بموقف صعب كدام الناس عطت بيها وهيه يتيمه تحسها ذله
تماره.....سمعتهم يسلمون على خاله ويطلعون باغراضهم بقيت اصنط اريد اسمع صوته بس ما اكدر اطلع سمعته يكول لامه تماره نايمه
علي....خلصنه كلشي وتماره مطلعت ولا سمعت صوتها سالتي امي اذا نايمه
مياده....اي يمه نايمه من البارحه مطلعت من غرفتها
علي....يمه ديري بالج عليها ومن تكعد اطيها هذني مصرف خاف تحتاج شي تطلع وي ضحى واحجي وين ضحى البارحه زعلت مني لان عطت بيها بس متحملت الي صار انتي ادره بكلشي
مياده....ضحى اختك متزعل منك حتى لو تنقهر شويه وتنسه لايضل بالك
علي....بست امي وطلعت صعدنه بسياره وشغلته طلعتها بره الكراج مكدرت لازم اشوف تماره وكفت السياره
هند.....ها علي وين نازل
علي....هسه اجي اخذ فلوس احتياط .....دخلت امي راجعه لغرفتها دكيت الباب على تماره
تماره....ندكت الباب هاي دكت علي هو يدك الباب دكه سريعه بقيت وره الباب
علي....الباب مقفول ....تماره تماره اسمعيني فتحي بس احجي وياج واروح والله اسفه حقج زعلتج وعطت بيج بس تدرين بيه ما اتحمل وهذا مو خوش ولد خفت عليج.....فتحي الباب بس اشوفج ورايه سفر وطريق .....ماكو مجاوب
تماره.....تماره وره الباب اسمع حجيه اختنكت
علي.....زين لاتفتحين الباب بس اسمع صوتج من وره الباب بس احجي تماره اسفه وعيونج موقصدي افشلج لو اقلل من قيمتج ....برروح العزاز حاجيني حتى لو من وره الباب راضي
تماره.....يحجي ومخليه ايدي على حلكي لحد محلفني بروح العزاز مسحت دموعي وحجيت بخنكه روح الله وياك
علي....صح ردت روحي من سمعت صوتها بس صوتها مخنوك ودتبجي .....ديري بالج على نفسج وعينج على امي عفتها وطلعت واني مختنك حيل
تماره....راح علي سافر يومين واني اختنكت البيت عبالك اضلم الليل اكثر المرات ناكل ونبش بثلاجه لو نسوي شاميه لو نكعد نتفرج فلم كمت حتى اكل ما اشتهي خاله متاكل هواي واكثر المرات متتعشه واني اضوج وحدي
علي.....سافرنه وصلنه للفندق وتم زواجنه اني وهند بس مجرد رغبه مثل اي رجال ما احبها وماعدي مشاعر اتجاها هند جريئه عكس تماره مع العلم هيه مزوجه قبل بس بستها بصف شفتها ماتت وجها صار احمر وخجلت هند لا هيه تجيني ما اكول محبيت الي اسوي بس احب تماره وخجل تماره عيون تماره ضحكت تماره احساسي وياها يختلف كلشي بيها يثيرني اني احبها ما اشوف غيرها بحياتي بس ليش الدنيا تعاكس ويايه
تماره.....مشت الايام كوه عليه اسبوع على سفر علي واحسها سبع سنين احتصرت من البيت
علي.....متحملت كمت الوب هند نامت واني افتر بالغرفه اتمنه اشوفها اسمع صوتها طلعت وهيه تبجي ومخنوكه وزعلانه عليه اخذت التلفون وطلعت من الغرفه دكيت عليها مرتين مجاوبت الثالثه ردت
تماره....دك عليه رقم غريب عفته لح انتبهت رقم خارجي طار كلبي هذا علي شلته
علي....الووو الووو تماره اني علي الو سمعت صوت نفسها تبجي
تماره.....بس سمعت صوته كمت ابجي حسيت نفسي طفله مضيعه ابوها
علي....مشتاقلج احجي اريد اسمع صوتج .....لخاطري لاتبجي احجي ولو كلمه
تماره....البيت وحشه كلشي بي يخنك
علي......اووووووف ردت روحي من فدوه لهالصوت ياروحي اسم الله عليج من الوحشه باجر احجز وارجع ولايهمج
تماره....لا ابقو على راحتكم
علي....لا اني هم ضجت هاي طلعت روحي لاتونسنه ولا شي مخلصتها بس سوك وتشتري اغراض وهدوم باجر احجز واجي
تماره.....براحتكم
علي.....امي شلونها
تماره.....زينه الحمد الله
علي.....جاي تاكلين لو رجعتي مثل قبل
تماره....لا لا اكل
علي......اني اعرفها هاي ال لا مالتج ....ضحى جتكم
تماره.....اي البارحه جانت عدنه
علي....بعدها زعلانه عليه
تماره.....لاخطيه مشتاقتلك منتضره جيتك حتى كالت بيوم الي يجي علي حسوي بسبوسه لان انت تحبها
علي.....تماره اني هذاك اليوم مجان لازم هيج اصرف بس هذا ايهاب اني اعرفه عوينجي وانتبهلت بالحفله بس يبصبص فقدت اعصابي
تماره.....حتى اني مرتاحيتله بس اضطرينه لان انتو جاي ترحون واحنه ماكو احد يوصلنه
علي.....بوكتها مفروض اسالوني واني ادبرلكم سياره
تماره....والله اني مقبلت وكلت لضحى بس هيه خطيه كالت هو عريس وملتهي بروحه مرادت ادوخك ويانه
علي.....ومع هذا مجان لازم اعيط بيكم بشارع
تماره.....انسه بعد صارت وراحت
علي.....مشتاقتلي؟؟؟
تماره......ضايجه كولش ماكو احد ويايه ينبش بثلاجه تالي الليل
علي.......يعني مراح تعترفين مشتاقتلي
تماره.....منعست يالله روح نام
علي....اوكي اني باجر اشوف شوكت اكدر ادبر حجز واطيكم خبر مشتهي لفة خميره من ايدج
تماره....بعيوني بس كول اطيني خبر شوكت تجي حتى احضرها
علي....ان شاءالله يالله تصبحين على خير
تماره.....اجمعين ....علي
علي....عيون علي
تماره....مشتاقتلك وسديت الخط
علي.....كلتلي مشتاقتلك وسدت التلفون بقيت صافن😲 معقوله كامت تحبني حب يعني مو بس ابن خالي
لها يعني تحبني وتشتاقلي 😍 دزيتلها رساله على الي سمعته راح احجز طياره خاصه واجيج
تماره.....دزلي مسج متت ضحك عليه دزيتله مخبل اسويها ..دير بالك على نفسك سديته ونمت مرتاحه بصوته ومرتاحه راح يجي صفنت على نفسي شلون كمت اشتاقله وانتضره وضايجه لان هو ماكو كمت احس بفراغ يكتل بغيابه فراغ محسيت بي حتى من مات هاني يمكن لان احتواني بوكت عازتي لعون وسند
علي....صبح الصبح طلعت هند نايمه رجعت لكيتها كاعده
هند...ووين جنت
علي.... رحت حجزت
همد....شتحجز
علي....حجزت رجعه لبغداد عدي شغل
هند....يا شغل احنه شهر عسل صار اسبوع اهنانه وانت اتفقت ويايه اسبوعين
علي.....كتلج صار عدي شغل ضروري لمي هدومج ا
ب4طيارتنه هند بقت ادردم وخابرت امها وسوتها لغوه اني مداير بال كل بالي اريد اشوف تماره واحس اكو تغيير صاير دزيتلها مسج
تماره...وصلني مسج من علي طيارتنه ب5 فد ب8 ونص نوصل يعني حسبي حسابج نتعشه سوه
تماره...طرت وركضت على خاله كتلها
وضحى جانت جايه
مياده....ها عيني الاخبار صارت عدج مو عدي 😉
تماره.......لا خاله بصدفه والله ما كو شي
ضحى....مدام بصدفه كومي حضر نفسج ورتبي روحج رجلج جاي من سفر
تماره....ماعدي شي بس اسبح
ضحى....كومي عيني ام بس تسبح عدج ضره حبيبتي وهاي مو بس ضرتج ضرتي اني هم كومي لبسي شي مرتب وسوي شعرج مكياج حلو ولو انتي ميحتاح مكياج مو مثل هذيج اليابسه
تماره....ههههههه شبيها تره حلوه جسمها وطولها شكلها مرتب
ضحى....خربحظي شوف هاي تتغزل بضرتها اني بمكانج انتف راسها
تماره.....انتي تعرفين زواجنه يختلف بكلشي
ضحى....تكدرين تغيرين كلشي سمعي تماره هاي امي وانتي اختي ماكو غريب بينه علي يحبج من الصغر وانتي تعرفين مستعد يسوي كلشي بس يشوفج مرتاحه وانتي هم احسج تعودتي عليه باعي وجهج شلون ورد من سمعتي راح يرجع وين هذيج الايام كسبي تقربيله اذا كلش مكدرتي خلي هو يتقرب لا اصدينه سمعي مني تره هند تهجم بيتنه مبينه وكحه واحنه ماعدنه بس علي لاتخلينها اضيعه من عدنه
تماره....اني ما اوعدج بشي لان اني ما اعرف شنو مشاعري بضبط اتجاه علي بس احاول احافظ عليه علي يستاهل حباب وكلبه طيب
ضحى....باعي يوم وتكول متعرف مشاعرها وهيه كاعده تتغزل بي😏
تماره.....اووي اكوم انتي سوالفج متخلص ...كمت سبحت وبدلت لبست بنطرون وتيشرت
ضحى...وينج كملتي
تماره....اي
ضحى......لا تماره هاي هدومج الحلوه حبيبتي اشخلعي شويه
تماره......شلبس ولج
ضحى....بربج الشورت الاسود والبدي الازرك يججنن عليج هذاك اليوم مفصل جسمج تفصال
تماره.....وج والله استحي فوك الركبه
ضحى.....وج هن محجبات ويلبسون اشكال بالبيت انتي تلبسين كله طويل فكي شويه
تماره....ىالله اخاف اسمع كلامج خاف اترزل مثل يوم الزفه😅
ضحى....لا هاي مابيه رزال كاعده بالبيت
تماره....بدلت شورت ستريج وبدي ازرك جويتي ورتبت شعري وحضرنه العشه وسويت فطاير وكملنه
علي....وصلنه المطر وطلعنه اريد بس اوصل الطريق شطوله صار عليه
