تماره......ما اكدر اتقبله بحياتي ما اكدر اخون هاني
حيدر......تماره انتو عمركم مجان زواجكم كامل حتى تخونينه
تماره....شنو مو كامل
حيدر......وتكولين اخونه هو انتي ميت ومتطين بي ....اني اعرف كلشي اعرف جنتو عايشين مثل الاخوه هاني كلي يوم كتله اخذك على حسابي انت ومرتك بره ونشوفلكم علاج عبالنه الصوج منج وجنتو تكولون كولشي ماكو بس هو حجه كلشي .....انتي كفيتي وفيتي لازم تريحين امج بكبرها وتزوجين علي حتى هاني يرتاح من جان عدل كلج عوفيني وازوجي بس انتي مقبلتي تعوفيه هسه هو راح لدار الحق وانتي تعرفين بيه اشيلج على راسي واخاف عليج من الحجي والناس كامت تحجي على كعدتج عدنه غلط
تماره.....موافقه بس عدي شروط دز على علي يجي
حيدر....صار هسه اخابره ....ساعتين واجه علي
علي....دازه عليه
تماره......موافقه على وصيت امي بس عدي شروط
علي....كولي اسمعج
تماره...اول شي متكطع علاقتي وي بيت عمي متمنعني من سرى وحيدر هذوله اخواني
علي.....سهله ومكدور عليها
تماره.....منعقد لحد متطلع السنه مال بابا وهاني
علي.....براحتج
تماره....زواجنه على الورق وبس مالك علاقه بيه ابد
علي....يعني شلون
تماره....يعني انت بغرفه واني بغرفه وما فد يوم تعتبرني زوجه الك بس علمود انفذ وصيت امي وحتى كعدتي يمكم ميحجون بيها الناس
علي.....براحتج عادي اني هم عدي الج خبر يطمنج من هاي الناحيه
تماره...شنو؟؟
علي...بس تطلع السنه مال عمي اخطب وازوج بنيه احبها
حيدر....شنو شتحجي انت
تماره....حيدر هو هذا الي اريده هذا الصح
حيدر....الي اشوفينها سوي واي شي تحتاجين باي وكت اني مو جوده ولاتكول ما عدها احد هاي اختي اطيها عيوني لو رادت
علي.....لاتخاف عليها بعيوني حضري نفسج نروح
تماره....هسه
علي.....اي هسه انتضرج
تماره....لميت هدومي واني اشهك من البجي صعدت السياره ودمعتي واني الطريق كله اشهك
علي.....عبالك ماخذها للعدام صح هيه مقهور بس هوواي جرحتني حبيتها حيل وجرحها جان بكد حبها ......كافي تبجين هسه امي عبالها اني وياج.....
تماره.....وصلنه لبيت عمي تلكتنه خالتي دخلنه ودلوني على غرفتي
مياده.....ماما تماره هاي الغرفه خليتها الج حتى قريبه عليه وهاي غرفة علي كبالج وبينكم هذا الحمام مشترك هو نهار كله طالع
تماره......هاي هيه خاله الي اشوفينه بيتهم جبير وحلو كولش غرفتي جبيره ومرتبه مخليلي اثاث جديد بيها اخذت اغراضي وطبيت ارتاح
علي،...جنت اتمنه يوم الي اجيبها يمي وهسه فرحانه بجيتها يمي بس غصه بكلبي واحس نفسي حاقد عليها سنين واني اتعذب بدونها وهيه ولا يمها ولاحاسه بيه
تماره....كعدت بيت عمي واستقريت علي اجنب شوفته كل ميجي للبيت ادخل لغرفتي وبنهار وي خالتي افتر بالبيت انضف واشتغل
علي.....تماره متطلع من اني موجود مرات اشتاقلها ادخل للغرفه وابقه انتضرها تطلع مرات اسمع صوتها تضحك واسولف وي ضحى من تجينه كلبي يرف عليها احب اسمع ضحكتها بس من اذكر عمري الراح وحركت كلبي ومن اتخيل صارت لغيري ولزمها غيري افور وانقهر واحقد عليها
تماره...خاله تتعشين
مياده....اي ماما كلي وحسبي حساب علي ويانه يتعشه
تماره....اهووووو هم هذ المكروه
علي....صاحتني امي على العشه استغربت اليوم منتضريني وتماره ويانه خلت الاكل وكعدت.....شلونج تماره
تماره....هلو شلونك
علي....مجنه كاعدين بيت واحد
تماره....شسوي انت عدك شغل ومن تجي اكون بغرفتي
علي....متملين بغرفتج
تماره....لا اكعد اقره قران لا اهلي وهاني ويخلص الوكت
علي.....هو مات وبعدني من اجيب سيرته اموت قهر كلبي تكب ناره عبالك تحط نفط على النار
تماره.....اتقصد اذكر هاني كدامه حتى يايس مني
علي....اني شبعت دايمه
مياده....يمه شكلت
علي....لا يوم عدي روحه للنادي صار يومين ممتمرن
تماره....كملت اكلي مدرتله بال .....طلع علي واني كملت المطبخ ورحت لغرفتي....لو تدرون شلون يمر عليه الليل بجي ونوح وقهر وحشه تذبح لام ولاب ولا زوج كلهم راحو مني يا كلب اليتحمل هاي المصيبه علي ابد مبالي واحس كارهته يمكن اطلع قهري بي ويمكن لان ادري بي يحبني ويمكن لان اعتبرها خيانه بحق هاني ....غفيت ودمعتي على خدي مثل كل مره
علي....كل يوم اسمع بجي تماره وكلبي يشب نار مدري مقهور عليها مدري مقهور منها ما اكدر اسويلها اي شي لان تتحسس مني واي شي اسوي تاخذه بغير شي فابقه بعيد احسن بس لزمت امي وكتلها تحجي وياها
مياده....اني احجي وياها ابني لاتخاف .....
علي.....اني رايح وانتي حاجيها
مياده....تماره ماما عوفي الشغل ليش اتعبين نفسج البيت نضيف وجبير يتعب لاتنضفبن يوميه
تماره....والله يا خاله اني ادور الشغل التهي من اكعد اخلصها بجي وعيوني كمت ما اشوف بيهن
مياده....حبيبتي انتي مؤمنه صلي اقري قران لاتبجي هذا اعتراض على امر ربج الله اذا احب عبد ابتلاه اني اتاذه من اشوفج مقهور وتبجي والله الليل كله كلبي يوجعني من قهري عليج
تماره....لا خاله فدوه لاتكولين هيج اسم الله عليج من الوجع ماعدي غيرج
مياده.....حبيبتي عينيني واعينج
...تعودي على هذا الوضع وطلعي كعدي ويانه ادري بيج متردين تكعدين وي علي بس هو نسه كلشي وهسه ناوي يخطب بس تطلع السنه سوي الموضوع عادي وخلينه نلتم بكعدتنه باكلنه هو منو بقه بس احنه ال3 وضحى كل شكد يالله تجي ريحيني حبيبتي
تماره.....صار خاله ولايهمج اهم شي راحتج ....كمت اطلع واكعد وياهم وبديت اتعود على علي والسوالف وياه شفت خالتي ارتاحت
علي....تماره وين الكهوه مالتج
تماره....مسويت اليوم البارحه للصبح بقيت كاعده
علي.....حتى اني بس احس راسي دايخ
تماره....بس اسويها اشرب ما اكدر اقاوم الريحه
علي.....دسوي بربج بين ما اسبح واذب وصخ القاعه
تماره....اوكي بس تخلص صيحني .....حضرت الكهوه وخليت الشوكلاته وياها شويه وصاحني علي وديت الكهوه
علي....لعد امي متشرب
مياده....لا ماما شاشرب ما انام للصبح واتخربط مو زين عليه
تماره....لاتتخربط مو زين عليها السهر.....شربنه الكهوه صارت ساعه 11ونص نامت خاله ورحت اني لغرفتي وماكو نوم لساعه 2 اشتهيت شي بارد كمت ادور بالمطبخ البيت اضلم دخلت للمطبخ على اطراف اصابعي
علي....مجاني نوم والابتوب خلص شحن ذبيته على الشحن وكمت اكل.....انتبهت ضوه تماره مفتوح كله لان هيه من تنام تخلي التيبلام مفتوح تخاف من لضلمه بس هسه مفتوحه كول الاضويه عفتها ورحت للمطبخ جان تجي تماره تمشي على اطراف اصابعها اني واكف بصف الثلاجه على صفحه ممبين وضلمه ضوه خفيف من الصاله والكراج .....كتلها جنج حراميه
تماره....يمه لزمت كلبي وكعدت بالكاع اجيت اموت من الخرعه
علي....شبيج لج تماره احجي بيج شي
تماره.....كلبي اخ يمه كلبي راح يوكف
علي....شبيج مشفتيني جان فتحتي الضوه
تماره.....ماي اريد ماي
علي....شربي ....شربتها ماي وغسلتلها وهيه كاعده بالكاع بمكانها ....شبيج يمعوده خرعتيني
تماره.....اجه يوكف كلبي
علي....هو اني الي اجه يوكف كلبي مو انتي كعدت بصفها ...
تماره....اخاف من الضلمه وانت ممبين بس شي اسود خفت
علي....ليش متفتحين الضوه مدام تخافين من الضلمه
تماره....مو اكو ضوه من الصاله والكراج واني بس اشرب ماي واروح
علي......تقربت عليها هسه شلون صرتي
تماره.....الحمد الله بس عفيه بعد لاتعيدها حباب
علي.....اول مره تماره اباوع عليها عين بعين وجها كبالي وقريب عليه طول عمرها تتهرب مني بقينه ساكتين وضوه هادء وضلمه شويه و بدون شعور لزمت خدها برقه هيه بقت صافنه بستها من الخد الثاني هاي مثل الفزت ضربتني راشدي وكامت
تماره.....نسولف اني وعلي وصار هدوء بقينه واحد يباوع للثاني اول مره انتبه على علي حلو عيونه كبار ورموشه طوال نسيت نفسي وصافنه بشكلها محسيت ال لازم خد وباسني من خدي الثاني كمزت ضربته راشدي وركضت لغرفتي
علي....من كامت لحكته وقبل لا اسد الباب خليت رجلي
تماره....روح اطلع لا اصيح واكعد خاله
علي....دفعت الباب ولزمتها من عكسها وجريتها عليه حيل ....تمدين ايدج عليه مو😠
تماره....خفت حيل منه شكله عصبي حيل مشايفته هيج عصبي
علي...والله اذا تنعاد مره ثاني راسج اكسره....صدكي اذا اريد اسويلج شي بدون ما احد يحس اسويلج الي اريده ومحد يعرف انتي مزوجه قبل وتفتهمين شنوقصدي
تماره......محسيت بدموعي ال تجري
علي.....انتبهت على نفسي فاقد وعصبي وهيه دموعها تجري رخيت ايدي ....تماره اني اسف متنعاد اخذيها كلمه مني محسيت ساعة شيطان منتبهت على نفسي انتي حتى مو مرتي مفكرت حتى بالحرام
تماره.....حتى من اصير مرتك ماريد هذا الشي يصير
علي.....الي تردينه يصير بس لازعلين عليه وعده ما اعيدها
تماره.....عفيه عوفني اريد انام
علي....ماشي .....طلعت وضايج من نفسي ليش هيج اذيتها رحت لفراشي واني افكر بالي سويته لحضه اذكرت نعومت خدها وترافته طعم خدها بشفافي لزمت شفافي وجريت حصره رفعت راسي للسمه ربي طول عمري رايدها ويوم الي تقرب اصير الي هيج اصير عوجه بعوجه
تماره....راح علي واني خليت راسي على المخده وكمت ابجي تخيلت هاني يعاتبني وزعلان مني حسيت اني خنت الحب والعشره ......مشت الايام وقربت السنه مال بابا وهاني واني اجنب اكعد وي علي وحدنه
علي....من يوم الي بستها واني دايخ بيها ....
مياده....علي اجه عمك طالب يكول لو يعقد على تماره لو ياخذها يمه
علي.....شنو ياخذها يمه مرته الله ميجرعها تماره تتبهذل هناك وهو هم عده ولد شباب
مياده....يكول ازوجها لواحد من ولدي
علي....يمه تماره تنذل وتتبهذل هناك متكدر تعيش عيشتهم شافوها يتيمه يردون يسوونها خدامه وبعدين انتي اكثر وحده تعرفين عمي هذا تفكيره علمود البيت الي بقه التماره يصير الهم اهم شي عدهم الفلوس كاتلهم الطمع
مياده....هو هم عمها ما اكدر احجي ميصير ابني لو تعقد عليها لو نشوف رايها بواحد من ولد طالب تزوجه شلون تبقه هيج
علي.....ما اكدر افتح الموضوع خاف عبالها طمعان بيها لو تجي افكار بالها وانتي تعرفينها
تماره.....سمعت كل الحجي الي صار بين خالتي وعلي دخلت الهم وكتلهم اني موافقه ازوج علي
علي.....تماره محد يكدر يفرض عليج شي
تماره....
.هذا القرار الصح ولو اثكل عليك وانت شاب ومن حقك تزوج وخاف هذا يسببلكً مشاكل بس ماعدي غيرك
علي.....تماره اني كتلج قبل واعيدها ابن عمج اني حزام ضهرج وعونج وسندج عيوني الج معليج بحجي الناس سوي الي تردينه
تماره....موافقه بس عد ي شرطين
