✨تخطيط ٢٠٢١✨
كل سنة نخطط لأهداف ونخلي لستة طويله والنهايه كلشي ما نسوي!!
زين ممكن نغير الطريقة... حتى نحصل نتائج احسن
🔅أول شي نجي نفرغ كل الي بالنه من أفكار وأهداف بدون تقييد ابد حتى تكون الصورة لنفسنه المستقبلية واضحة... تمام
اجي اسأل نفسي منو اريد اكون السنة الجايه _طلاب السادس يفيدكم هالسؤال تحددون حلمكم اكثر وحتى الباقين مو ضروري تكتبون اهداف عاليه مثلاً اريد اكون الإنسانة الأكثر صبراً... أنجز أكثر... اساعد اكثر اقرأ ادرس و و....
🔅النقطة الثانيه إثبات النية شنو يعني مثلاً يعني عندي نية اغير نفسي (بصحتي ب دراستي بنفسي بشكل عام) لازم اثبت نيتي واخلي حد انو ما اتكاسل، اني ارد اغير هاي هي اغير وخطوة بخطوة
(أن الله لا يغير ما بقوم حتى يغيروا ما بأنفسهم)
🔅الشي الثاني اسمي السنة، شنو يعني
كل سنة نخلي اله اسم من نقرأ نتحفز أكثر مثلاً اني خليت اسم _التزم_ حابة التزم هالسنة أكثر
وبعد الاسم اخلي توكيدة هماتين التوكيدة مثل الشعار او الحافز اي يشرح ويبسط رؤيتك هذه السنة وشنو تريد من سنينك ويكون مرتبط ب اسم السنة
مثلاً خليت (انا التزم بكل ما اخطط له ولا اتركه لأني لا اريد التكاسل ف دولة المهدي منظمه)
بالتوكيدة حافز ييخليني اشتغل اكثر
🔅الشي الثالث شنو هي الأمور الي حاب تسويه هالسنه تحددون كلشي تكتبون كل الامور الي حابين تسوونه هالسنة
هسه نجي للشغل الصدك
بعد ما كتبنه الأهداف بطريقة مخربطة
نجي نحدد جوانب الحياة (بالملف الي ينزل باجر حيكون اكو تفصيل لجوانب الحياة)
اختار ٣ جوانب اشوفة مهمه كلش بحياتي واحدد بيه أهداف شون يعني🤔
مثلاً جانب الدراسة او اسمه التعليم الذاتي
جانب الصحة
جانب الروحاني
اني اخذ الجانب الصحي
احدد هدفي بي ارد احافظ ع وزني و اعتني ب أكلي، اسوي رياضه، اعتني ببشرتي. هاي هي من كل جانب ٣ أهداف
الجانب الدراسه او التعليم.. ادرس أكثر، اقرأ كتب حسب مقدرتي، اتابع شي مفيد محاضرات او وثائقي
الروحاني اسوي جدول عبادي اقرأ قرآن اكثر
وهكذا كون وصلت الكم الفكرة😁💙
بعد ما سويت كل هالخريطة 😁👆
اجي لهدف هدف اخلي مهمة عندي
واحطه تحت هالاسئلة شوكت اسوي وليش اسوي وشلون اسوي هذا الهدف
شوكت اسوي يعني اخلي وقت معين للدراسه او الرياضه او قراءة قرآن.. اي هدف خلال الأسبوع
ليش اسوي هذا الدافع للهدف مثلاً ادرس أكثر حتى احصل معدل... وكل هدف واله دافع
شلون اسوي هذه عليكم بعد 😅💙
يعني هسه احنه سوينه هيج
السنة _جوانب_أهداف _مهمات يومية
هسه تحسونه صارت هوسه بس جددد اذا ماحددنه كلشي وخلينه خريطة كامله نتشتت...
⭕ملاحظات مهمه يعيوني 😁💙
موو لاازم كللل الشهر او السنه تكون مخططه وميه ميه لاا خلوا وقت للمزاج او الايام الما الكم خلك بيه تسون شي هي الحياة مد وجزر بس مو تاخذون راحتكم😅
خلووا اهداف واضحه وبسيطه واذا كان اكو اهداف أكثر قسموا السنه كل ٣ اشهر كم هدف تركزون عليهم وتخلون وقتكم الهن
إذا ركزت ع كم هدف اترك باقي حياتي؟ لاا عيني اتبعوا قاعده الأهم ثم المهم ثم الأقل أهمية.
واخيرا استمتعوا بالسنة وكلشي تحبوا وطلعوا نفسكم من دائرة ما التزم اسوي وما انضبط لااا
الإمام علي يكول (عليكم بنظم أمركم) والاية دكول (لكل منكم جعلنا شرعاً ومنهاجاً)
خلوا منهج لحياتكم وسنة حلوة عليكم يارب مليانه توفيق🤭💙
ملف بسيط باجر ينزل يكون اختصار لكل الشرح وبي مثل التمارين تسووهه وبس😁💙
تبقى عليكم تشترون مفكرة او تسوون واليوتيوب مليان
وشكرا للي قرأ من ذاك اليوم وينتظر الشرح البسيط
اي سؤال 🌚💙
أنت تقرأ
ريحانات🌱
General Fictionلطفاً للنساء فقط "الدين لا يعني الابتعاد عن الحياة❤" __نصائح ،نقاشات،تطوير ،عناية،مهام .. كل ما يخصكِ.. تنويه:مايذكر منقول 🌱 تجدونها ايضا في تليجرام 👇 @halabnatt @rasel313
