ريحانات🌱

تقسيم الوقت لنهاية وبداية سنة 😍

سلام عليكم
شلونكم 💙❤️

اليوم نحچي بموضوع التخطيط...
جيبوا دفتر واقلام وحضروا شي تشربوا واكعدوا يم الصوبه وخل نسولف😁😁😁💙
الكل هسه يفكر نخلي خطه للسنة ولسته أهداف بكل الجوانب ونحفز نفسنه واسبوع بالهواي شهر ويروح كل الواهس!!...❌❌
هيج ما استفاديت شي ابد
بالبداية نجي نصفي ٢٠٢٠ من كلشي
شون يعني نصفية
نجيب دفتر نكتب
١ الإنجازات الي صارت بهذه السنة من أصغر إنجاز
_فرحت شخص
_ضبطت فد شغله تحبه
_حاولت وحاولت تتعلم شي حتى لو ما كملته ع أتم وجه المهم حاولت
_استفاديت من دورة معينة
_شهادات الي حصلته بالدورات
_نشرت وبحثت عن موضوع معين واستفادوا الناس
وغيره وغيره كلنه عدنه انجازات خاصه بهذه السنه لان صرنه أقرب لأنفسنا 💙

هسه خلصنه من الإنجازات وكتبنه كلللشي بدون اي ترك لأن محد يعرف كل شغله نسويه وكميه الحماس والحب الي نخلي بأفعالنه وأقوالنه غيرنه احنه 💙

نجي للنقطة الثانيه
٢.معلقات السنة شنو يعني متعلقات السنة
كلشي ردنه نسوي وعفنا ع النص او ما بلشنه بي
شغله انظفة بالبيت او ارتبه
ديكور عاجبني
محاضرة اسمعة
مكان اكدر اروحلة، مشروع ابلش بي
اذا اكو وقت بالسنه اكمل هالمتعلق هذا اكمله اما لا لو احذفة حتى لا اضل افكر بي
او احاول اضيفة وي اعمال السنه الجديدة

النقطة الثالثة
٣.أهداف السنة الي هي ٢٠٢٠
اذا انتو محددين اهداف من بدايه السنة بس جيكوا عليهن شوفوا شنو الي اشتغلتوا علي شنو الي ضفتوا
واذا لا اكتبوا أهدافكم

٤.بالورقة الي ورا الأهداف نكتب كل شعور سلبي او موقف مأذينه بهذه السنه نكتب كلشي أفكار حول مواضيع صارن بهذه السنة بغض النظر عن الوضع العام بالعالم نحجي هسه عن الوضع الشخصي
ونجي نشوف الموقف علمنا وخله النه درس انو نصير اقوى عدنه صلة بالله اكثر او لا... هالشي تراجعوا وي نفسكم

بعد كل هذا نسوي شي ثاني شوي غريب 😅
تصفية للفون للناس الي متابعيهم،قنوات،صفحات، صور و حتى ناس بحياتكم علاقتكم بيهم مامنه فائدة هم تقللوهه وصدكوا هالشي كلش يخليكم بشعور راحة ورضى

آخر نقطه نثبت نيتنه وتسمى ثبات النية
مثلاً اني بعد الجرد الي سويته كله شنو النية الي لازم اثبته بالسنة الجديدة..

لهنا حبايب كملوا هذه النقاط وكون وصلت الكم الفكرة باجر نبدي بتخطيط لسنه ٢٠٢١ ونخلي نقاط وشرح لطيف مثلكم😁💙

سويته كل يوم موضوع حتى ما تملون
اي سؤال ؟