الالتزام غير حياتي

الفصل الثاني

#الفصل_الثاني

وطلعو من المسجد وقعدوا فى الكافيه بتاع الجامعه، وطلبو اتنين نسكافيه،
وبعد ما شربوا النسكافيه، طلعوا من الجامعه في طريقهم للبيت، وميار هنا اتكلمت
ميار: أنا تعبت النهارده من المحاضره الرخمه دى، ومن الدكتور اللى ارخم منها.

مها: عيب كدا يا ميار مينفعش نغتاب حد

ميار: مهو فعلا كدا والجامعه كلها بتقول كدا هيا جت عليا

مها: ميار انتى هتتحاسبي على نفسك محدش هيتحاسب عليكي

الله عز وجل قال:
( { يَوْمَ يَفِرُّ الْمَرْءُ مِنْ أَخِيهِ (34) وَأُمِّهِۦ وَأَبِيهِ (35) وَصٰحِبَتِهِۦ وَبَنِيهِ (36) لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ (37) }
[ سورة عبس : 34 الى 37 ])

انتى هتتحاسبي على كل حاجه بتعمليها اي نعم هما كمان هيتحاسبوا لو هما كانوا سبب فانك تعملى حاجه تغضب ربنا

({ وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْـَٔلُنَّ يَوْمَ الْقِيٰمَةِ عَمَّا كَانُوا يَفْتَرُونَ }
[ سورة العنكبوت : 13 ])
بس انتى كمان هتتعقبي.

ميار: أنا مكنتش أعرف كل دا مش عارفه أنا من غيرك كنت هعمل ايه

مها فى مرح: كنت هتلعبي بليه

ميار: أنا مستغربه ازاى أنتى ملتزمه وبتهزري كدا

مها: أولا أنا لسه ما وصلتش لدرجه الإلتزام أنا لسه بجاهد، بعدين الدين مش ابتعاد عن الحياه دا ابتعاد عن كل ما يغضب الله.

ميار: معاكي حق.

مها: نرجع لموضعنا وهو الغيبه
(لا تتكلموا بالسوء عن الناس في غيبتهم فمن فعل ذلك فريحه منتنة وأكل من لحم أخيه ميتا:
عرف رسول الله الغيبة بقوله: الغيبة ذكرك أخاك بما يكرهه.رواه مسلم(٢٥٨٩).
وقد ذم الله تعالي من يتكلم في عرض أخيه بالسوء في غيبته