بقلم....ام زينب
فرحانة واخير سمعت شي حلو بعد مدة عن بيبي
اخ يابيبي لو تدرين شكد محتاجتج كاعدة افكر واجت مرت خالو
هبة..... ها امولة لسة ماكملتي يلا لازم مانتأخر
امل.... اي خالة اشوي واكمل لبست احلى شي عندي وكلي امل ألگة بيبي كاعدة وتاخذني بحضنهة
طلعنة من البيت واجرنة تكسي للمستشفى
جان الطريق اشوي بعيد حدود نص ساعة واني متلهفة على شوفت بيبي
وصلنة للمستشفى ومرت خالو وياي ايدهة بأيدي
هبة... امول انشوف الدكتور بالاول يلا نروح لبيبي
امل... بس..... ماشي خالة
وصلنة يم الدكتور ودخلنة علية وضلت تسالة مرت خالو وهو يشرح حالت بيبي ضلو ساعة او اكثر يسولفون واني مافاهمة شي لحد ماصاحني الدكتور وكالي...
الدكتور..... بابا امل شوفي صح نزل سكر بيبيتج وكدرنة نسيطر على حالتهة بس مانعرف اذا تصحة اولا واذا دماغهة نسبة التأثر بي كبيرة
امل يعني شنو مافهمت دكتور ..
الدكتور... بابا اي شخص بعمر الحجية وعندة سكّر اذا سكرة صعد يصير عدة اختلال بالدماغ وممكن يفقد الذاكرة او يذكر شي بسيط او ينجلط كل هاي الاحتمالات موجودة...
امل.... الفرح والبسمة الجانت بكلبي راحت ياربي يعني شنو بيبي تضل هيج ونزلو دموعي دموع الم وقهر وحزن ضياع وين اروح بيبي
هبة... امل بنتي خلي ثقتج بالله يلا نشوف بيبي ونرجع للبيت لانتسين علاوي عد الجيران وخالج راح يشوف شيسوي وي هذاك الحقير يلا بنتي
امل... اي خالة يلا رحت شفت بيبي والاجهزة بكل مكان من جسمهة ومندخل الهة من الجامة نشوفهة غرفة وحدهة حاطيهة بيهة ومحد يدخل بس الاطباء
نزلو دموعي واني احس روحي رايحة ليش بيبي ماتكعدين ليش انتي وبابا رحتو ياربي رجعهة الي ودعتهة ودمعتي على خدي
هبة... يلا امولة نروح ويمتى ماتحبين نجي لان تأخرنة حيل
... رجعنة للبيت واني بالي يم بيبي مو كالو اكو تحسن زين ليش ماتصحة ياربي ساعدني كمت فرشت السجادة وكمت ادعي وابجي انو بيبي ترجع حتى غدة مااشتهيت مع انو مرت خالو اشكد رادت اكل وماقبلت ضليت لليل على هاي الحالة لحد مااجة خالو ابو علي
ابو علي... بنيتي امولة ليش كاعدة وحدج وهم مااكلتي ليش بنيتي اني گلت ترحين تشوفيهة ترتاحين مو تحزنين يلا بنتي ترة انتي الغالية بنت الغالية يلا حبيبة
امل... كمت واني الحزن اخذ كل زاوية بجسمي وكلبي وعقلي سلمت على خالو وكعدنة كلنة سوا
وبدة خالو يسولفنة شنو صار بالكعدة واشلون اخذ حقي منهم وخلا يدخل سجن فرحت لان حقي ماضاع رغم حزني على بيبي...
امل... خالو شكرآ لان انت سندي الله يخليك الي
هبة.... اممم واني شنو لو بس خالج الواضح ماتحبوني
أنت تقرأ
بعد العذاب..... أمل
Romanceكل الطريق امشي ودموعي مانشفت ليش بس اني بهاي الدنيا هيج حضي حتى الاحبهم يرحون عني..!. .. اسمي امل من الديوانية وحدية امي وابوي قصتي بدت وياكم اليوم امي بعد ولاتي بسنتين توفت وضل ابوي حاير بية واشلون يربيني بس بيبي كانت سند الي وتعلمني على كلشي ك...
