بقلم.....ام زينب
ياربي لا مستحيل هو اي هو ودموعي تصب والخوف
اخذني رجعني للماضي والسواه بية
هبة... امل يمة فهميني ياعمري شبيج
امل... خ خ خالة هو رجع ضليت اتمتم بالكوة احجي
وأشر علية
هبة... ابو علي شوف لوين اتأشر شوف منو خوفهة
امل... الكل ضل صافن اشعندة اجة مو جان بالسجن زين اشدلاه احنة اهنا...
ابو.علي... ولك حيوان شعندك هنا مو جنت مسجون
سعد..... هاي شنو نسيبي هيج السلام بعدين اجيت اشوفكم وهم الظفر مايطلع من اللحم مو هيج هباوي
هبة... سعد روح كلتلك انت مو اخوي من يوم السويتة روح الله وياك ويهديك
سعد.... ترة تغيرت صدگيني السجن سواني زلمة وغيرني واجيت اعتذر من امولة ومنكم ونفتح صفحة جديدة
ابو علي... سعد روح لخاطر الله البنية انهبطت من وراك روح واثبت من صدك تغيرت بس مو يمي
...... وراح سعد واني ضليت اسبوع خايفة بعدين رجعت اتحسنت ورجعت اسولف واضحك وضل سعد ايراسل بأختة وخالو ويقنع بيهم انو تغير
وصار يتصرف بحكمة ومايدخل للبيت الاذا الكل موجود وراسة دوم منزلة صح بالبداية ماتقبلت هذا الشي بعدين اشوي اشوي كمت مااخاف من يجي وصار الكل واني منهم نرحب بي وحتى للدوام رجعت وكامت خالتي تراجعلي وبيوم اقرأ فيزياء
ومافهمت ولاخالتي فهمت وكان سعد كاعد اجة اخذ الكتاب وكال سهلة شرح المادة وخلال دقائق فهمت المسألة وحليتهة وكام اذا عندي فيزياء او رياضيات هو يشرحلي صرت افهم المواد بسهولة وحتى بالامتحانات ماخفت لان اعرف الحل وكنت اجاوب اول وحدة واطلع ويوم توزيع النتائج كنت مرتبكة لكن متأكدة ناجحة وصدك نجحت بدرجات زينة
وخالي سوى احلى حفلة بمناسبة نجاحي والكل فرحان وهنا انصدمت بشي ماتوقعتة
سعد... ابو علي ادري بيك انت الوصي على امل واريد ااطلب ايد امل للزواج
امل.... ضليت صافنة شنو كاعد يحجي عقل مراهقة وماتفهم شي واجة واحد اهتم بيهة وضل يدرس ويعلم ويجيب الهداية الهة خلاهة تشوفة امير زمانهة
ابو علي... انت تعرف شكاعد تكول سعد ترة امل امانة حتى لو تغيرت اعذرني مااجبر بنتي على شي هي امانة الغالية
سعد... ادري ومااكلك اجبرهة اخذ رايهة وذا ماتوافق اسد على الموضوع.
ابو علي... بس انتى اكبر منهة بهواي سعد
هبة... سعد اني ادري تغيرت بس اريد اعرف انت
تحب امل لو شعور الذنب بالي سويتة بالماضي
وتريد تصححة
سعد..... لا اني حبيت امل لان ماكو وحدة هيج طيبة وتسامح
هبة.... زين سعد اشوف أمل واردلك خبر ولو اني راح انطيك رأيي بصراحة اني مااريدك ل امل وامل تستاهل واحد يصونهة طول العمر واني ما أشوف هذا الشي بيك
أنت تقرأ
بعد العذاب..... أمل
Romanceكل الطريق امشي ودموعي مانشفت ليش بس اني بهاي الدنيا هيج حضي حتى الاحبهم يرحون عني..!. .. اسمي امل من الديوانية وحدية امي وابوي قصتي بدت وياكم اليوم امي بعد ولاتي بسنتين توفت وضل ابوي حاير بية واشلون يربيني بس بيبي كانت سند الي وتعلمني على كلشي ك...
