الهبال 🤪کنز لا يفنى 😎*كاملة*

سحروني و خلوني نتعذب 😭

يااا بنات والله طفلة هذي محتاجتكم و محتاجة نصائحكم قسمتلي قلبي والله ...
بون طفلة راهي تقرى كومنتات .. انصحوها بليز ...راهي في امس حاجة ليكم .. متخيبونيش ..

ميساج مطبوع :
سلام البنات .. طلبت من اكرام تنشر هذا بروبلام لي حرقني و كوا داخلي .. ربي وكيلك يا احلام مشفت خير من وقت مكنتي معايا ..
بون اسمي فرح في عمري 23 سنة نقرى في جامعة مستار 2 في مجال ميكانيك نوجد للدكتورة تاعي و نكمل قرايتي ..
شوفوا يا بنات انا حبيت مرة في حياتي و هذا حب بالنسبة ليا كان جهنم حمراء دخلتلها .. عندي صحبتي بروش  لي هي احلام من وقت ما قريت معاها في ثانوية كان في عمري 17 سنة هكذا .. فوتنا باك مع بعض و طلعنا للجامعة مع بعض .. كنت نحكيلها كلش مام واش يصرى معايا مرات نوصل نحكيلها واش يصرى مع والديا و داخل دار كنت صغيرة و منعرفش .. مام هي كانت تشكيلي و تصبرني مهم .. طلعنا للعام متع باك و انا عجبني واحد وسموا كمال كان يعجبني بزااف هيا قلت لاحلام عاجبني هذا طفل و قاع هيا قاتلي نحكوا معاه قتلها اوك حكات ماه احلام في بداية و مش عارفة واش قاتلوا وانا نسيت موضوعوا و لتيهت بقرايتي حتى كي ربحت باك و قاع مام هو ربح باك .. رسلي انفي ميساج باركلي رديت عليه و حكيت معاه قاع صيف تشايخنا و زدت تعلقت بيه .. كنت نخبر احلام كل كبيرة و صغيرة تصرى في علاقتنا و كانت تقولي ديريلي كابتور و انا كنت نديرلها و نرسللها عادي يعني هكذا كنت حاسبة .. وحد خطرة قالي كمال ني نحبك و توالفتك و دومونداني انا قلت لاحلام قاتلي اقبلي قبلت و كملنا مع بعض .. حتى للدخلة قرينا نفس برونش كنت كل وقت معاه وحد خطرة تناشعنا انا وياه نعقل طيحلي ولا و انا زعفت و حكيت مع احلام قاتلي اعطيني مودباس فيس تاعك نوريله يطيحلك كنت دايرة ثقتي فيها و قبلت و عطيتهولها .. حكات معاه على غدوة لقيت ميساح من كمال قالي انتي قحبة و مكنتش حاسبك هكذا و سمونا نكميلوا تخلعت حبيت نفهم واش صرالوا عيطتلوا و بقا يطح بشرفي و يقولي عندي لي كابتور و انا مكنتش حابة نسمع لواه يحكي لي يهمني انوا نرجعوا ليا .. احلام كانت تستشفا ليا كي نقولها احكي معاه تقولي مدخلنيش بيناتكم حلوها .. فات عام و طلعت زاوج احلام تبدلت معايا و قاع مرة كنت راجعة للدار لقيت كمال و احلام مع بعض يمشوا و حاكمين يدين بعض !! تعجبت ؟ رحت ليهم حتى قالي كمال انتي قحبة بعدي عليا و شبعني سبان .. و احلام قاتلي خلاص راهوا معايا انا و قاااع انا تما تقول عطاولي كف و فيقوني سبيتها و بهدلتها معاه و زاد حقدي ليه .. من بعد فاتوا يامات بزااف و بزااف رجعت منحب نقرب لتاحد و نخاف من كلش و مكتئبة دايمن و خطاب لي يجي يخطب نقلب عليه دار و نسبوا حتى مرجع تاحد يشوف ليا ماما تخلعت داتني لراقي لقات ملي ربطوني على زواج و علاقات *سحروني* جامي نتزوج ولا ندير علاقة و لا نحكي مع حتى واحد و على حساب راقي ربطوني بقرة في كتفها كلما تتعذب بقرة هذيك نتعدب معاها و كي تموت نموت مام انا وسموا سحر موت بطيئ .. رقاتلي ماما شحال من خطرة   نحالي سحر راقي و رجعت نكمل قرايتي هذيك بيريود بلوكيت عامي مهم رجعت نقرى و قاع كانت عندي ليسونس كمال و احلام كانوا متناشعين و قاع .. هيا جا ليا كمال و انا خفت مسمعتوش و تهربت منوا ... فات عامي هذاك بطلوع روح و طلعت للمستار قريت من بعد بانوا خقايق كتشفت ملي احلام نهار تناشعت مع كمال و مديتلها مدباس تاعي حكات معاه  في مواضيع مخلة للحياء +18 هيجاتوا و سباتوتوا كل سبان .. و هذا هو سبب .. هذا هي خلعت اولى خلعة زاوجة .. عرفت ملي احلام و امها هي لي ربطتني كي كنت نروح ليها للدار يماها كانت تحطلي في ماكلة و انا ناكل كي بت عندهم داو من شعري و داولي دوبياس تاعي مي غير تحتاني برك نعقل قلبت عليه دار ملقيتوش .. ربطت احداث و عرفت انوا احلام سبابي .. كنت نتبع راقي دايمن .. كملت عامي و طلعت للعام تاني لي هو هذا عام 2020-2021 سمعت بخطبة كمال و احلام مفهمتش كيفاش ولالها مي من بعد ماتت امها و كي جات تروح روحها عيطتلي احلام و قاتلي ماما حابة تطلب سماح منك كي رحتلها حكاتلي واش دارت هي و بنتها و هذوا قاع حقائق لي حكيتلكم عليهم عرفتهم من عند امها .. قتلها نسامحك في دنيا مي في اخرة نخلي ربي يرجعلي حقي على طلمة مسامحة ماتت امها غير سمعت مني سماح ماتت فاتحة عيونها .. احلام طلبت مني سماح قاتلي كنتي مميزة و اسمك دايمن مسبق و ناس قاع تحبك قاتلي حسدتك.و غرت منك قاتلي انا حرضت ماما تربطك و انا ربطت كمال عليا باه يزوجني و قاتلي ملي ربطوني في كتف بقرة وحدخرى  و مدفون في مقبرة و قاتلي بقرة زاوجة كلما تتعذب نتعذب معاها حتى للموت .. و من بعدقالي عييت ما نفسد و نحبب نفسي اما انتي كنتي مميزة في قلوب ناس مام كمال مزالوا يحبك .. و من بعد قاتلي قاع هذا شيئ و زدت خسىة ماما تانيك *احلام تمها مطلقة بالخلع*
كمال من بعد سمع بالقصة و طلب مني سماح و هذا عام قاع و مزالوا لاحقني حاب يرجع معايا و اما مزال نحبوا و مش عارفة اذا نسامحوا ولا نو ..
عقلي يقولي متسامحيهش على واش قالك وواش عيشك و قلبي يحن عليه و يقولي سامحيه ؟؟
واش ندير يا بنات انصحوني ني ننكوا بهذي نار .. قد محكيت و ما شكيت متحسوش بيا

مكنتش مامنة ملي سحر يدير كامل هذوا حوايج مي انا من وقت ما صاحبت احلام و انا مسحورة حطولي في ماكلة و ربطوني و حبوا يعذبوني حتى نموت ...

واش نقولكم يا بنات قلبي تحرق على اول حب ليا واش صرى فيا و على صحبة لي درت فيها كونفيونس .. رجعت وحيدة و معقدة حتى لي يقروا معايا من صدمة حسيت كل صحابات خدارات و راح يسلبوا مني فرحتي .. بعدت عليهم و رجعت وحدانية مام في دار ناكل وحدي و نبقى وحدي .. براءة و روح طفولة لي كانت فيا و حيوية ماتت تحرقت .. ربي وكيل كل واحد كان له يد في جروحي و دموعي ..

اني حكيت بزاف مش عارفة واش نقول مي رجعت نلهي روحي بالقصص و مسلسلات باه منفكرش واش صرالي .. رجعت نتبع طبيب نفسي نحكيلوا و نبكي .. حسيتوا مام هو تفاجئ و حق صبر معايا مرات دجيني نوبات بكا هستيري رجعت ماما تمدلي دواء في ماكلتي باه نرقد و نتهدن .. حسابلها مش عارفة اما ني ساكتة برك .. شحال من مرة نسمع ماما تبكي على حالتي وين وصلت و بابا يصبر فيها حمد الله والديا وقفوا معايا حتى للتالي ربي يخليهملي و ميحرمني منهم ..

نخليكم بنات انضحوني واش ندير والله ني ضايعة ؟؟
خايفة نقبل نرجع معاه من بعد ترجع احلام تسحرني ولا كاش مدير !!!

شوفي اختي فرح راني نصحتك في خاص مي نرجع نكررلك مديريش ثقة مرة اخرى في ناس .. و كمال انسيه راح يرجع يذكرك بماضيك و يحرقك مرة اخرى .. لي تسبب في وجعك ارميه موراك .. تبعي نصائح طبيبك و ارجعي اقعدي مع عايلتك متضلميش روحك معندكش يد في موضوع انت ضحية هنا !! قوي صلتك بربي و عبادتوا و اطلبي ربي يوفقك و تكوني مستقبل شباب ان شاء الله كي اليوم تبلعي عامك و تدي شهادتك وتلقي بوست يوالمك و تدخلي تخدمي .. و تضمني مستقبل شباب ليك .. ربي يرجعلك حقك و نزيدلك اكتئاب و بكا يزيد يحطمك اكثر قوي نفسك بنفسك .. و فرحي ماماك و باباك متزيديش تغبنيهم سيرتوا الام قلبها يتحرق على ولادها كي تشوفهم مقهورين ..
ربي يرسلك سعد هنا لي ينسبك في ماضيك و يعيشك عيشة ملوك ..

يااا بنات انصحوها واش دير !!
دو عبرة منها : مديروش ثقة في لي جا تحكيلوا !! ها عينكم !!

نستناكم متحشمونيش ..

#love you ♥️