الهبال 🤪کنز لا يفنى 😎*كاملة*

احكولي ؟؟ 🤭

اهلا حبوباتي..
اولا نقولكم دخول موفق لهذي سنة ... صراحة راح دجينا صعيبة اما مع وقت كلشي راح يتصلح و نرجعوا كيما كنا و احسن ..
برك ادعوا ربي يبعدعلينا هذا فيروس ..

بون قلت نديرلكم هذا بارت و احكولنا كيفاه فوتوا نهاركم ؟؟
شحال من بروف تعرفتوا عليه ؟؟
شحال من ساعة ؟؟
هكذا زعما؟؟
مشب نلقاكم دايرين فوت و مكاتبينش كومنت و الله متفرى هكذا ..

تذكير:
متنسوش كمامة و معقم .. و مسافة امان متسلموش و لا تتعانقوا مديروش تبهديلة نتاعي خههه

مهم خليني نحكيلكم كيفاه كان نهاري ..
صراحة مكنتش متحمسة للقراية بسكوا نفس وجوه و نفس ليسي يعني متغير والوا .. بلاك بنتروه و لا داروا دوك لافتات للقاعات مقسمة و ليليست لصحاب لي دخلوا اول مرة لليسي ..

حنا عدنا قرينا صباح برك يعني من 8-10 جاو اولى ثانوي
و من 10-12 قرينا حنا ثانية و ثالثة ثانوي ..
و عشية مقريناش و غدوة خميس منقراش تاني يبدا كلش نهار احد ..
يعيني راح نكون موجودة هنا خخخخ

و كي شفت استعمال زمان درك نقروا مرة صباح و مرة عشية مكتبوش صورتوا من عند بروف نتع انكلزية .. و من بعد نرسلوا لل pc و imprimé برك

مهم جاني رقاد في ديك حصة نتع هم هيا و بدات تحكي على covide 19 (كورونا) مسكتتش ههههه ..

من بعد كي كملت عطلتنا نجيبوا كراس و زعما قاتلك les lesson imprimé مطبوعين منكتبوش زعما و حصة 45min برك ...

مهم انا عندي اثنين و اربعاء نقرى صباح ..
اما احد و ثلاثاء و خميس نقرى عشية ..

و هي نورمالمون نخرج على 12h اما ببساطة قريت نصف ساعة برك و خرجت 10h30 ماشاء الله و دك ني في بلاصتي مغطية الله الله و نكونيكتي هههههه

ياريت يغلقوا كلش 🙊 و نرجوا للدار و نكمل نرقد .. معجبتنيش نتع نود صباح و بزيادة في نهار صبحية برك عندي 6 حصص 😢 و نخرج 12:25 زادولنا على موالف 😢 و العشية نخرج على 17:25 😢
اااااااه ارحموناااا 😭😭😭

هيا بسلامة بزااف عليكم انا نروح نتفرج مسلسل و لي راهم يقروا في عشية شح مح و اكرام تشطح خخخخهههههههعععع نزعق معاكم..

متنسوش تحكولنا كيفاه فوتوا نهاركم ايا باباي

Bon courage à tous ♥️
#love you ♥️