الهبال 🤪کنز لا يفنى 😎*كاملة*

من نتائح حب مزيف 💔

بون مرسي على كل واحد نصح طفلة لي قبل هذا بارت ..

جيتكم بمشكل جديد من طرف متابعة طلبت مني ننشر بروبلام هذا اكيد بدون ذكر الاسم ...

ميساج مطبوع :
سلام عليكم ..
بون انا في عمري 19 عام قريب 20 سنة .. عام لي فات ربحت باك و طلعت للجامعة .. و تما بدات قصتي و قد ما فات الوقت ندمي زاد
كثر ..
مهم انا طفلة من عائلة في مستوى و معروفة مليح يعني .. مهم عندي لاطاي شابة و كل و مكنتش متحجبة يعني مي كنت نلبس مستور يعني .. تقدروا تقولوا نلبس كيما حجوبيات مي غير مدايراش خيمار ..
عندي خويا كبير عليا في عمروا 27 سنة خدام في وحد شركة نتع تريسينتي و عندي ختي صغيرة عليا في عمرها 15 سنة هكذا ..

مهم كيما قتلكم انا عندي مفاتن يعني نجدب النظر مي كنت نستر روحي يعني نلبس حوايج عراض و كل مي نبقى نبان شوية و مكنتش مقتانعة بالحجاب كل ..

وحد خطرة جيت خارجة من دار على ستة صباح كيما موالف باه نركب و كان مورايا واحد معرفتوش شكون و لا و كنت نزرب طلعت كوس و هو طلع معايا تانيك و انا خفت قلت هذا راهوا يتبع فيا و لا هبطت للجامعة  هو مزال يمشي ورايا انا خفت دخلت لوحد مطعم و بقيت نستنا يفوت مي هو بقا مقابل مطعم سلمت امري و خرجت محبيتش نبين خوفي كل دخلت للونفي و جمعت و جات صحبتي قاتلي راح تجمع مع صاحبها قتلها اوك و هو جا حدايا انا كي شفتوا قتلوا لاه تبع فيا قالي لالا انا طالب هيا سكت قرينا هذيك حصة و هو كل وقت يشوف فيا و انا خفت كنت نستر في روحي و هو هكذا مبلق عينيه .. مهم فاتوا يامات و هو مرة حدايا مرة مورايا و لا قبلي هكذا من بعد بدا يقربلي و يحكي معايا بحنانة و انا كنت كي بهيمة طلقت روحي معاه و ولا يستناني عند كوس و نطلعوا مع بعض انا حسبت روحي نحبوا هيا وحد نهار قالي وليت نحبك تمشي معايا و لا و انا فرحت تغريت و تعميت قبلت فات شهر و انا معاه عطيتوا فيس نتاعي نفوتها تمعشيق معاه و في وقت قراية مندخلش نخرج و نروح نرندف معاه و هو ولا يتمادا رجع يقربلي قراف و يلصق فيا و انا كان يعجبني هذا شعور شيطان لعبها بيا من بعد رجع يرسلي تصاور مش ملاح و فيديهات تاتيك مش ملاح و مع صحبتي كنت نحكيلها كلشي كانت تقولي ساعفيه و تجاوبي معاه هكذا بزيد يعشق فيك قتلها اوك و حكيت معاه في مواضيع +18 و رجع يقولي توحشت نكون معاك و كل و انا نقولوا مبقاش قد لي فات و نرجع ملكك ... مرة قتلوا راح ندخل ندوش كي دوشت صورت روحي بسورتيدبان و رسلتلوا صورة و هو حكا كلام مش مليح و انا اخدت نصيحة صحبتي و مشيت معاه و تجاوزت معاه حدودي عامي هذاك عاودتوا خويا ولا يشك فيا رجع يتبعني و انا متولهتلوش وحد خطرة قالي رواحي نفطروا دخلنا لريسطوا شبه خالي راح شرى قرعة ماء و معابليش واش حط فيها و شرينا سوندويتشات من بعد حسيت بدوخة خرجنا بقيت شادة فيه و انا دوخة تلعب بيا قلت بلاك سونويتش مجاش عليا حاولت نتقيا مي مكانش يخليني من بعد محسيت بوالوا و طحت كي فقت لقيت روحي في بيت مظلمة عريانة ندت مخطوفة لقيتوا حدابا و حتى هو عريان فتحت عينيا على وسعهم نودتوا قالي انتي ق### متحشميش سلمتي روحك لواحد متعرفيهش و انا مكنت متفكرة والوا .. و كنت متاكدة انوا مش بارادتي تما عرفت انوا غتاصبني بابشع طرق جسمي كان كلوا زرق و مقدرتش مامبا نلبس قشي رجعت نبكي و ندعي ربي نموت كيفاش نقابل والديا لبست و هبطت شعري و حاولت تغطي رقبتي اما كي دخلت شافها خويا و دربني قالي فوتي نروحوا لطبيب كي رحتا قالتلوا ملي طفلة مش عذراء انا تما خلاص راحت عليا خويا زير عليا و قالي واش صرى حكيتلوا كلشي قتلني بالضرب و نستاهل موت مش غير ضرب ..
من بعد قتلوا مش بارادتي و كي كلينا مع بعض دوخة حكمتني درنا تحاليل و طلعت متعاطية مهلوسات هذا واش دار باه قدر يستغلني خدرني و عمل راي نتاعوا  طيشني في اخير ..

خويا حوس عليه و زوجوني بيه بسيف عيشني جحيم فاتوا شهور من بعد طلعت حبلة خفت نقولوا يقتلوا طلبة طلاق و هو قتلني بالضرب و غتاضبني كيما كل مرة بوحشية حتى قتل ابن نتاعوا .. عائلتي كي سمعت طلبت من خويا يطلقني طلقت منوا و حررت روحي و دك زوجت بولد فاميليا زواج تقليدي و مع وقت حبيتوا و دك راه عندي طفلة منوا ..

حبيت نوصللكم نصيحة مديروش كونفيونش في ولاد و لا صحاباتك انا نصيحة صحبة طيحتني في هاوية و عشيت خسرت شرفي و تعذب قي حياتي عام تقريبا عذبني ضربني عتادى عليا حتى ولوكان راجلي مكنتش نحب يمسني و هو كان يسيف عليا قتلي ولدي من كثرت ضرب مي دك حمد لله تزوجت زواج تقليدي و بعد زواج توالفت راجلي زاوج و حبيتوا ...

يا بنات حب مكانش منوا حب بعد زواج هذاك احساس مراهقة برك انا تبعتوا خلصت و ندمت مليااار مرة ..
نتمنى تاخدوا قصتي عبرة ليكم ..

اكرام انشريها بدون ذكر اسمي سيلتوبلي
حبيبة ♥️ ..

بون هذا واش صرى شوفوا با بنات مديروش كونفيونس ربي معاك ان شاء الله ربي يغفرلك ذنوبك وواش فوتي مش قليل وسعي ايمانك و تقربي لمولاك لعلى يقلال ذنب من ذنوبك ..
ان الله غفور رحيم 💔

متنسوش تدعموني بفوت بليييز و لي تحب تفتحلي قلبها راني هنا و بالقلب صافي ♥️

#love you ♥️