.. جاء صباح اليوم الثاني ..
الكل راح ع شغله
مينا بالغرفه جالسه تكتب رساله وقالت فيها :
عائلتي الجميله ، ارجوكم سامحوني انا غلطت بحق أختي وبحقكم
انا مو عاتبه عليكم ابداً انا اعترف اني غلطانه بحقكم وما كان لازم اسوي كذا من اول .. إيفا اطلبك السماح وأتمنى تسعين ورا تحقيق حلمك انا ما راح ارتاح الا لما اشوفك فنانه عظيمه ، انا عذبتكم وعذبت أرجون انا ما استاهل اعيش انا راح اترك الدنيا هذي ولا ابي احد فيكم يتضايق علي ، سامحوني انا احبكم جميعاً.
- حطت الورقه ع السرير حقها
اخذت الشرشف وعلقته بالمروحه وشنقت نفسها فيه ..
_
بالليل رجعت إيفا ودخلت الغرفه وشافت أختها!! صرخت بأسم أختها بأقوى ماعندها لدرجه أن الجيران سمعوها وراحوا يركضون عندهم يشوفون ايش فيه ، الأم والأب طبعاً شافوا بنتهم وانهاروا كل الحي تأثر وبكى وكانت ليله حزينه بفراق مينا.
- بالصباح شافوا رسالة مينا وحطوا اللوم ع إيفا حتى هي بنفسها حطت اللوم عليها.
بالليل والصباح سانجو يسمع إيفا حكي وانها هي اللي قتلت بنتهم و جينو ساكته ماتقدر تتكلم لأنها محروق قلبها ع بنتها
_
راج كان واقف جنب إيفا طول الوقت ويعتني ويهدي فيها، مانقول انه ما جاب خبر موت مينا بالعكس تضايق كثير ولام نفسه حتى هو لأنه جزء من المعركه اللي صارت.
- إيفا وراج كانوا جالسين سوا وكانت إيفا تبكي ع فراق أختها ، فجأه إيفا قررت تنتحر وتلحق أختها وترتاح واخذت السكين تبي تقطع شريانها
طبعا راج ماسمح لها ويحاول ياخذ السكين منها
إيفا: أتركني اموت وارتاح انا السبب
راج: إيفا هاتي السكين لا تتهورين
إيفا: انا السبب بموتها انا اللي خليتها تقتل نفسها ما كان لازم اضايقها ما كان لازم اعاملها بالطريقه هذي
راج: اللي صار صار انتي ما كنتي السبب صدقيني إيفا لا تسوين شيء بنفسك اعطيني السكين
إيفا: انا لازم اموت انا ما استحق اعيش بعد اللي سويته انا قتلت اختي
راج: انتي ما قتلتيها انتي نسيتي وش كتبت لك مينا؟ قالت ماراح ترتاح الا لما تشوفك فنانه هذي امنية مينا الاخيره انتي لازم تحققينها لها انتي مجبوره تسوين هذا الشيء عشان مينا
- راج قدر يقنع إيفا بكلامه وتركت السكين ورمت نفسها بحضن راج.
_
( كلنا نعرف كيف يعني فقد الأبن شيء ما يتعوض ابداً فيه منا ذاقه وفيه منا يتمنى مايذوقه ، موت مينا أثر ع حياة الكل! الكل صار يلوم نفسه بموتها! يمكن لو ماتت بحادث كان أهون عليهم من المنظر اللي شافوها فيه وشعور الذنب اللي ما يفارقهم ليل نهار! )
_
بعد مرور عدد من السنوات .. قدرت إيفا تحقق حلمها! وأمنية أختها وصارت فنانه مشهوره بمساعدة حبيبها راج ،
طبعاً زعل أهل إيفا عليها مستمر الى الآن رغم الوضع اللي تغير بحياة إيفا ..
قرروا راج وإيفا أنهم يتزوجون اخيراً وحددوا موعد الزواج بعد يومين.
- إيفا جت عند بيت أهلها تبي تعتذر منهم وهم رافضينها بحكم اللي صار قبل سنين!
إيفا تحكي ع أمها وأبوها: انا ادري انكم تعتبروني السبب الأول بموت أختي ومعاكم حق ، انا حاولت اترك الدنيا هذي واروح مع اختي لكن أمنية مينا منعتني انا صرت بالوضع هذا بسبب مينا هي طلبت مني هذا الشيء عشان تكون سعيده ، انا افقد اختي اكثر منكم كلكم ، مينا كانت اختي وكل دنيتي وانتم تعرفون انا اكره نفسي لأني عاملتها بالطريقه هذي وبالغت بالموضوع ! ادري الندم الحين ماينفع .. ع كل حال انا اتمنى منكم تحضرون زواجي بكراً ، انا بأنتظاركم ..
طلعت إيفا من البيت وهي ما سمعت كلمة وحده من أمها وأبوها! طلعت متضايقه.
- جينو وهي تناظر بطاقة زواج بنتها وجت بتتكلم؟
يسكتها سانجو: بس لا تقولين ولا كلمه هذي صارت مو بنتنا
راح دخل الغرفه وترك جينو تبكي ع بناتها .
أنت تقرأ
INFIDELITY AND LOVE ..
Kurzgeschichtenعليك أستغلال كل فرصه تواجهك ،قوي قلبك و تشبث بأحلامك ،قاتل للوصول لنجاحك و لتحقيق أمنياتك .. وإذا اعترض الحب طريقك؟ سلم أمرك للرب.
