بعد أسبوع ..
إيفا لاحظت انشغال مينا المستمر اللي مو من عادتها! استغربت منها وكل ماتسألها تطلع اعذار عن الدراسه ومن هالكلام وطبعاً هي بالفتره اللي راحت كانت تصور الأعلان.
( لندن )
أرجون يحاول أنه يشغل نفسه بدراسته وبكل جهد! وأمه تحاول تساعده عشان يطلع من الحاله اللي هو فيها.
أكيرا: ارجون انا بطلع ادور لي ع شغل
أرجون: خليني اجي معك
أكيرا: لا خليك انت ادرس وفيه اكل بالثلاجه اذا جعت
أرجون: اوك مثل ما تبين بس لا تتأخرين
أكيرا: اوك مع السلامه.
_
اكيرا طلعت تدور لها اي شغله عشان تقدر تصرف ع نفسها وعلى ولدها ، بينما ارجون قاعد بالبيت ع اساس انه يدرس بس طبعاً مينا مو راضيه تطلع من باله يفكر فيها طول الوقت مو قادر يبعد تفكيره عنها! كان يكلم نفسه ويقول:
أتصل؟ لا مايصلح أرجون تمالك نفسك ، طيب بتصل وبتطمن عليها بس ، لا لا تتصل خليك بدروسك
خلاص بتصل وبسكر بسرعه اكيد بترجع تتصل ومنها اسمع صوتها ، أرجون انت مجنون؟ ماتبيك كيف بترجع تتصل؟
- بعد محاوره مع نفسه وتفكيره يتصل او لا قرر أرجون اخيراً يتصل ، ردت مينا
مينا: خير فيه شيء؟
ارجون: سلام
مينا: ايش بغيت؟
ارجون: حاب اسألك عن مسأله تخص الماده
مينا: غبي انت؟ احنا مو بنفس الصف
ارجون: غبيه انتي؟ احنا عندنا ماده مشتركه
مينا: بس ياذكي انت مو نفس مستواي كيف بعرف
ارجون: ايه صح راحت عن بالي
مينا: يعني اقدر اسكر الحين؟
ارجون: ايه تقدرين واسف ع الازعاج
مينا: مو مشكله باي
ارجون: باي
- قفل أرجون الخط وهو كان يتمنى يسمع كلمه حلوه من مينا لكن الواضح له ان مافي امل تفكر فيه.
بيوم جديد..
إيفا بالطريق رايحه لشغلها .. كالعاده تطلع المجله وتتصفح فيها وهي تتصفح فجأه تشوف صور أختها وانها الوجه الجديد للماركه!!!!!! ، تناظر مصدومه بالطريق الا صور أختها معلقه بكل مكان بالشارع ! إيفا ماقدرت تستوعب! انهارت الارض ما عاد تشيلها خلاص مو مستوعبه خيانة أختها لها! قاعده تشوف مستقبلها وأحلامها كلها راحت لأختها! أختها اخذت مكانها؟! قالت لتاكسي يوقف وينزلها .. نزلت تبكي بالشارع منهاره مو قادره تتقبل اللي صار ..
راج قاعد ينتظر إيفا تجي ، حس أنها طولت بزياده ! يتصل عليها ماترد بدأ يخاف عليها قام طلع عشان يروح لها البيت وهو طالع شاف صورة مينا !! انصدم وانقهر وكل شيء راح ركض لبيت إيفا وهو يتصل عليها وهي ماترد ، وصل البيت وسأل عنها وعن مينا ولا وحده موجوده ! طلع يدور ع إيفا.
مينا بالجامعه مبسوطه والكل يهنيها بدأت تدخل مجال الشهره حست بأحساس ماعمرها حسته .. بس طبعاً كل ما تتذكر خيانتها لأختها يأنبها ضميرها وتحس بضيقه كبيره لكن برضو لما تتذكر حبها لراج وأنه يحب إيفا يبدأ شعور الغيره والحقد بداخلها وتبدأ تستمد القوه وأنها راح تواجه أختها بكل ثقه ، وطبعاً زي ماتعرفون مينا مايهمها أحد وأهم شيء نفسها!
( بيت إيفا )
الكل ينتظر إيفا ترجع لأن الوقت تأخر شوي ! وبنفس الوقت الجيران وأهل الحي داخلين طالعين يهنون مينا وعلى اللي وصلت له ، الأب والأم فخورين ببنتهم بس ما اكتملت فرحتهم لأن إيفا مايعرفون وينها ويتصلون ماترد كلهم قلقانين عليها وينتظرونها بفارغ الصبر بينما أهل الحي يرقصون ويغنون فرحه بمينا
طلعت الشمس وإيفا مارجعت للبيت! راج يدور بسيارته بكل مكان يدور إيفا وماوقف أتصالات وهي ماترد ع اي أحد ! أهلها للحين ينتظرونها ولا ناموا قرروا يروحون الشرطه ويبلغون!
سانجو: بنتنا مختفيه من أمس ماندري وينها
الضابط: جربتوا تتصلون عليها؟
سانجو: ماوقفنا اتصالات من امس للحين محد يرد
الضابط: احنا مانقدر ندور عليها الا بعد مرور ٤٨ ساعه
جينو: ٤٨ ساعه ايش ؟ احنا مافينا ننتظر كل هالوقت
الضابط: انتي مافيك تنتظرين واحنا مافينا نخالف الاوامر ، تقدرون تتفضلون
طلعوا من المخفر وهم معصبين وخايفين بنفس الوقت أهم طبعاً ماوقفوا مكتوفين الأيدي وراحوا يدورون عليها بكل مكان ..
مينا خافت يكون صار شيء لإيفا أو سوت بنفسها شيء خصوصاً أنو كان حلمها وهي أخذت منها فرصتها الوحيده عشان توصل لحلمها مينا بدأت توسوس وكان بنفسها تقول لأهلها الموضوع لكن خافت يحطون اللوم عليها ويعاقبونها.
أنت تقرأ
INFIDELITY AND LOVE ..
Short Storyعليك أستغلال كل فرصه تواجهك ،قوي قلبك و تشبث بأحلامك ،قاتل للوصول لنجاحك و لتحقيق أمنياتك .. وإذا اعترض الحب طريقك؟ سلم أمرك للرب.
