_
إيفا تمشي بالشوارع وتتفرج ع صور أختها اللي مفروض تكون صورها! رجعت إيفا البيت اللي كان فاضي وكلهم برا يدورون عليها ، جلست ع سريرها شوي وتفكر كيف مينا قدرت تسوي فيها كذا ايش السبب اللي خلاها تفكر تسوي بأختها كذا وتاخذ حلمها منها؟ ماوصلت لأجابه لأنها ماتوقعت حب راج ممكن يكون السبب ولا جاء ببالها حتى.
نامت إيفا بدون ماتحس وهي تفكر .. رجعوا أهلها وهم خايفين عليها مره صار لها يوم كامل برا البيت ومايعرفون عنها شيء!
دخلت مينا غرفتها وتصرخ بصوت عالي تنادي أمها وأبوها :إيفا رجعت تعالوا إيفا هنا
الأم والأب جو يركضون للغرفه وهم مبسوطين وضموا إيفا لا شعورياً
وهي قامت مرتاعه وتسألهم وش فيه .. طبعاً جلسوا يحققون معاها وين كانت وليش ماترد.
إيفا: تمام شوي شوي راح أقولكم كل شيء
( مينا هنا خافت أن إيفا تقول لهم عن الموضوع وتصير مشكله لها )
إيفا: أمس كان فيه شغل كثير بالسوبر ماركت واضطرينا نسكره عشان نرتب فيه من أول وجديد انا اسفه اني ما قلت لكم لكن المدير طلب مننا نخلي جوالاتنا سايلنت ولا نرد ع احد عشان نخلص بأسرع وقت
سانجو: مره ثانيه تقولين لنا عشان مانتوتر ونروح الشرطه
إيفا: شرطه؟؟ انا ادري تأخرت كثير لكن ما كان له داعي تروحون لشرطه
جينو: المهم انتي بخير ورجعتي لنا ولا عاد تخوفينا عليك مره ثانيه
إيفا: ماشي من عيوني
جينو بصوت عالي مبسوط: اه صح ماقلنا لك مينا صارت مشهوره وصورها بكل مكان وبكل شارع😍
سانجو: بنتنا بدأت تصير مشهوره وقريب راح نشوفها بالمقابلات والبرامج 😍😘
إيفا بتسليك : ايه عرفت مبروك
سانجو: لكن احنا زعلانين منك يا مينا كيف تسوين الاعلان بدون ما تقولين لنا او تاخذين رأينا
مينا: اسفه بس انا كنت حاطه ببالي أخليها مفاجئه لكم .
جينو: عرفتي تفاجئينا والله حبيبة أمها😍- تضم مينا -
إيفا: انا تعبانه ما نمت امس كله راح انام الحين تصبحون ع خير
جينو: ايه والله اصلا كلنا ما نمنا من امس يلا ع النوم
طلعوا من الغرفه وبقى مينا !
إيفا غطت نفسها بالفراش ولا تبي تتناقش مع مينا بالوقت هذا ..
_
راج المسكين ما ذاق النوم ولا الاكل ولا الراحه قاعد شايل هم إيفا وينها وإيش تسوي؟ وإيفا جوالها سايلنت ولا فكرت تفتحه.
مينا قاعده ع سريرها وتفكر وش راح تقول لإيفا؟ طيب أمها وأبوها إذا عرفوا وش بتكون ردت فعلهم؟ ، بدأت مينا تتوتر وتتحسف ع اللي سوته.
أنت تقرأ
INFIDELITY AND LOVE ..
Historia Cortaعليك أستغلال كل فرصه تواجهك ،قوي قلبك و تشبث بأحلامك ،قاتل للوصول لنجاحك و لتحقيق أمنياتك .. وإذا اعترض الحب طريقك؟ سلم أمرك للرب.
