..
بالصباح راج يتصل ع إيفا وهو خايف ، أخيراً إيفا مسكت جوالها وردت
راج: الو إيفا وينك؟ انتي بخير؟
إيفا: تمام تمام انا بخير لا تخاف
راج: وين كنتي؟ ليش تخوفيني عليك
إيفا: كنت حابه أجلس لحالي شوي
راج: أتصلت كثير كان ممكن تتطمنيني عليك لو برساله
إيفا: ما كنت منتبه للجوال اسفه
راج: مو مشكله ، انتي بالبيت؟ جاي اخذك
إيفا: ايه بالبيت ، أنا انتظرك
راج: تمام
_
مينا كانت نايمه أبو بالأصح مسويه نفسها نايمه بس عشان ما تتواجه مع أختها ، إيفا طلعت من البيت وراحت مع راج.
..
راج: إيفا انا عارف وش تحسين فيه بس ما أبيك تتضايقين كل شيء يتعوض
إيفا وهي تبكي: إي تعويض؟ انت عارف كيف ينسرق مني حلمي؟ ولا من أختي بعد؟
راج: ياليت تهدين وتتحكمين بنفسك شوي
إيفا: هذا حلمي من لما كنت صغيره! كنت راح أوصل له بس مينا خطفته مني
راج: يضم إيفا ويهديها.
_
بالليل رجعت مينا البيت ودخلت الغرفه ولقت مينا جالسه ، سكرت إيفا الباب بقوه وهي معصبه ، ( مينا وقفت وهي مرتاعه )
إيفا: كيف تسمحين لنفسك تطلعين بالأعلان مكاني؟؟
مينا: جاتني الفرصه وماحبيت أضيعها (تقولها بتوتر)
إيفا: أي فرصه انتي اساسا ماكنتي تفكرين بهذي الاشياء
مينا: وليش ما افكر انتي احسن مني بأيش
إيفا: أنتي تدرين أن هذا حلمي وهذي كانت فرصتي ليش ضيعتيها مني!
مينا ماترد وإيفا تكمل كلامها : ليش ماتردين هاه؟ فهميني ليش سمحتي لنفسك تاخذين مني فرصتي لتحقيق حلمي
مينا وهي تصرخ: انا ماكنت ابي اخذ مكانك ولا كنت ابي هذا كله
إيفا: اجل فهميني ليش سويتي كذا؟
مينا: لأني حبيت راج وانتي اخذتيه مني
(إيفا مصدومه)
مينا: من اول ماشفته حبيته وكلمته وهو قال انه يحبك ومافيه امل يفكر فيني!! انا اول مره احب بحياتي بس انتي حطمتي لي كل شيء ماقدرت امسك نفسي وفكرت احرق قلبك زي ما حرقتي لي قلبي
-إيفا تعطي مينا كف وتصرخ عليها بأقوى صوت وتسب فيها .. الأم والأب ارتاعوا من الصراخ وقاموا ركض للغرفه يشوفون وش فيه.
الأم: خير وش فيه ليش تتضاربون
مينا: مافيه شيء بس كنا نتناقش
الأب: اي نقاش هذا اللي قوم الجيران
مينا: معليش كنا متحمسين شوي ، خلاص روحوا ناموا مافيه شيء
.. طلعوا من الغرفه مستغربين منهم
(بالغرفه)
إيفا: ليش ماقلتي لهم الحقيقه؟ ليش ماقلتي لهم انك اخذتي مكاني وتحبين حبيبي
مينا: خلاص اسكتي انا ما عاد اتحملك انتي مين عشان تحاسبيني ع تصرفاتي خلاص انشغلي بنفسك واتركيني بحالي
إيفا بتهديد: انتي اللي خليك بنفسك وبعدي عني ، اخذتي مني فرصتي لكن ماراح اسمح لك تاخذين راج مني
- مينا تطلع برا الغرفه وتتركها.
أنت تقرأ
INFIDELITY AND LOVE ..
Short Storyعليك أستغلال كل فرصه تواجهك ،قوي قلبك و تشبث بأحلامك ،قاتل للوصول لنجاحك و لتحقيق أمنياتك .. وإذا اعترض الحب طريقك؟ سلم أمرك للرب.
