شيطانه عيلة الجارحى للكاتبة "زوزة"

الفصل ٢٤

اهلا يا عسلاااات قلبي وحشتوني أوووووووووى قد الدنيا دي كلها عاملين ايه يارب تكونوا بخير وصحة وسلامة و كل سنه وانتم طيبين و تكون سنه سعيده عليكم يارب و تكون كلها أفراح و سعادة و كمان فى مفاجأة أول فصل من دموع أبليس ( ملاك الألياس الجزء الثاني) نزل روحوا شوفوا وقولولى رأيكم

✨✨✨✨✨✨
✨✨✨✨✨✨

بقلم زوزه 

🌠🌠🌠🌠🌠
🌠🌠🌠🌠🌠

فى قصر الجارحى العيله كلها متجمعين و معاهم أيهاب و مروان و حوراء و الشابين التانين كلهم قاعدين قدام ياقوت اللى عماله تبصلهم ببرود يرعب و لامبالا تقتل

ياقوت ببرود:: امممممم يعنى عاوزين تفهمونى أنكم مش عارفين توصلوا لخيط يوصلنا للحيوان ده

حوراء بهدوء:: انتى عارفه يا ياقوت اننا مبنسكتش و بنحاول طول الوقت بس ده ليه علاقه جامد جدا مع المافيا الأمريكية

ياقوت بصتلها ببرود و ضحكت بخبث بث الرعب فى قلوب كل اللى موجودين الا زين و يزن الجارحى و زين باشا جوزها اللى بصلها بغموض و برود

ياقوت ببرود و شر:: تمام جدا كويس

ياقوت ادورت للشابين اللى ساكتين من أول لما دخلوا و قالتلهم:: وانتوا وصلتوا لحاجه ولا ايه يا نوح أنت و عمران

عمران بمرح و خبث:: ولا يهمك يا يويو كل شيء تحت السيطرة

ياقوت ببرود:: تمام

و بصت للشاب الهادى جدا و باين على ملامحه الطيبه و البراءة و الهدوء و كلمته بحنان

ياقوت بحنان:: ها يا نوح وصلت لحاجه

نوح بهدوء :: اه كل حاجه تمام متقلقيش يا حبيبتي

ياقوت بحنان ضحكتهله براحه و الكل اتصدم و استغرب من طريقه معامله ياقوت ليه كده بس رجحوا انه علشان هادى

عمران بمرح وهو بيهمس لحوراء و ديما اللى قاعدين جنبه:: والله اللى يشوفها وهى بتكلم نوح بالهدوء و الحنان دول ميقولش انها كتله الجليد اللى بتزعق لينا و بتشتمنا يا أخواتى عليها وهى كيوت كده

ياقوت ببرود:: بتقول حاجه يا عمران

عمران بصدمه و سرعه:: يخربيتك انتي سمعتينا ازاى

ياقوت بصتله ببرود يرعب وهو دور وشه بعيد عنها بسرعه وهو عارف جنون ياقوت و برودها

ياقوت بهدوء:: نوح تعالا عوزاك

نوح بهدوء قام و مشى وراها وهى دخلت بيه المكتب و قفلت الباب بهدوء وراهم و الكل شايفهم و مستغرب منهم الا زين اللى بصلهم بغيظ و غموض و سكت

ريناد بغل:: هى اصلا مش راحمه نفسها كل شويه مع راجل شكل و مش محترمه جوزها اللى قاعد صحيح تربيه خاين ااااااااه