شيطانه عيلة الجارحى للكاتبة "زوزة"

الفصل ١١

عاملين ايه يا حبايب قلبي أنا مبسوطه جدا جدا أن الفصل عجبكوا و متشكره جدا جدا علي الكلام الجميل اللي قولتوه و علشان كده قولت اعملكوا فصل جديد يارب يعجبكوا و تستمتعوا بيه

💕💕💕💕💕💕💕💕💕💕💕💕💕💕

            بقلم زوزه 

💕💕💕💕💕💕💕💕💕💕💕💕💕💕

فى يوم جديد هتبدا اسرار الماضى تظهر و يظهر معاها الوجه الحقيقي لشيطانه عيله الجارحى و اللى مش هتهتم بأى حد و هتاخد طارها و حقها و هيبدا كرها و حقدها و انتقامها يظهروا و هتقسى على كل اللي حواليها بس ياترى فى حد هيقدر يقف في وشها ولا طوفنها هيحرق الاخضر و اليابس

💞💞💞💞💞💞💞💞💞💞💞💞💞💞

على سفره الفطار الكل متجمع و بيفطروا و لسه ياقوت منزلتش و زين قاعد غضبان و مش طايق حد و الكل بيبصله بتوتر من عصبيته لانه أكيد هيخلى يومهم أسود على راسهم و دول طبعا شباب عيله الجارحى اما زين و يزن الجارحى بصوا لبعض و ضحكوا بخبث لانهم عرفوا اللى حصل بينه و بين ياقوت من واحد من الحرس و ريناد بتضحك بغل لانها عارفه أن زين مش هيسكت على اللى حصل

قطعهم صوت ضحك طفولى جميل بصوا على السلم لاقوا ياقوت شايله أويس و عماله تلاعبه و تهزر معاه و هو عمال يضحك بطفوليه جميله جدا جدا كلهم ضحكوا بفخر على حنان ياقوت اللي أول مرة يظهر حتى زين بس افتكر اللى حصل و وشه اتغير و ياقوت لاحظت كده بصتله ببرود و مهتمش و ريناد و منه و نادين بصولها بغل و كره

ياقوت قربت و قعدت جنب زمرد اللى عيونها لمعت من السعادة انها جت جنبها و الكل لاحظ كده و اتنهدوا براحه أن ياقوت ابتدت تتقبل حد على القليله

ياقوت بحنان لأويس: ها ياقلبي عايز تاكل ايه

أويس ببراءته و حبه ليها: أى حاجه يا مامتى

ياقوت بصتله بصدمه من كلمه ماما بس ابتسمتله بحنان و الكل انصدم منه بس لما شافوا ضحكته و ضحكت ياقوت ارتاحوا انها اتقبلته الا طبعا سحالى الروايه

ياقوت بحنان: ماشي ياقلبي

ياقوت بحنان بدأت تأكل أويس و تاكل هى كمان و بعدين وهى بتأكله أويس بالغلط وقع عليها كوبايه العصير ياقوت بصتله بهدوء وهو اتفزع و قال بخوف و دموع: والله العظيم مش قصدي انا اسف بس

ياقوت بحنان و هى بتهديه: بس يا حبيبى مفيش حاجه خلاص متعيطش

أويس ببراءة: يعني مش هتضربيني علشان بهدلتك عصير

ياقوت بحنان و هى بتسأله: لاء طبعا ياقلبي ليه بتقول كده

أويس ببراءة وهو بيمسح دموعه: علشان ابله حسناء كانت بتضربنى و بتحرمنى من الاكل لما بكب حاجه