شيطانه عيلة الجارحى للكاتبة "زوزة"

الفصل ٢٩

🌠🌠🌠🌠🌠
🌠🌠🌠🌠🌠🌠🌠

في قصر الجارحى كانت العيله كلها متجمعه و معاهم يوسف اللى أصر يخرج من المستشفى معاهم العقربتين ريناد و منه اللى مستنين ياقوت تيجي عشان يشمتوا فيها

ثواني ودخلت ياقوت اللى عنيها خاليه من الحياة و باردة و أول لما الكل شافوها اتنهدوا بتوتر من اللى جاى اما زين و رعد الجارحى اللى بصولها بقلق من عيونها اللى مليانه وجع و تعب

ياقوت لما شافت يوسف ابتسمت و قربت عليه و نزلت لمستواه باست راسه بحب و حنان أخوى و قالتله بهدوء:: عامل ايه دلوقتي يا وحش

يوسف بحب:: أنا تمام يا حبيبتي تسلميلي

ياقوت ضحكتله بحب و هو بادلها الضحكه و الكل بصلهم بحب على تفاهمهم اتدخلت روقيه خطيبته بمشاكسه:: جرا ايه يابت بتعاكسى حبيبى ليه

ياقوت بتريقه:: لسه يا اختى مبقاش خطيبك يا نحس هانم الواد اتصاب وعلى القليله اسبوع راحه

روقيه ببلطجة:: نعم يا عنيه اسبوع ده ايه هما يومين والا قسم بالله اخطفه و ماتشفوه تانى

ياقوت بصدمه:: يخربيت امك يابنت الجزمه ايه يابت الهبل ده

روقيه ببرود:: ده اللي عندي عشان منزعلش سوا

الكل انفجر في الضحك عليها و ياقوت بتبصلها بصدمه و ذهول من كلامها بس اتحولت لبرود و جبروت لما شافت زين داخل و اللى بص لياقوت بقرف و استفزاز خلوا ياقوت كرهته جدا

اما ريناد أول لما شافته ضحكت بخبث و شر و قررت تستغل الفرصه ليها مع انها عارفه انه مش زين بس قررت تهين ياقوت لأن فى نظر الكل زين الجارحى أكبر حفيد لعيله الجارحى و ياقوت متعرفش انه مش حبيبها و بديل ليه وده هيكسرها و يوجعها جدا

ريناد بكل بجاحه قربت من زين المزيف اللى لما شافها ضحك بمكر و حاوطها بأيده و قربها منه تحت صدمه كل العيله باللى بيحصل و خصوصا الكبار و منه كانت بتضحك بشماته للي هيحصل دلوقتي

عليا أم زين بصدمه:: زين أنت بتعمل ايه أنت اتجننت أنت نسيت انك متجوز و مراتك واقفة قدامك كمان

زين المزيف ببجاحة باس ريناد من شفايفها بكل قذارة و هى بادلته بطريقه خلت ياقوت عاوزة ترجع و بصتلهم بقرف و كره زين المزيف بعد عن ريناد و غمزلها بقذارة و هى ضحكت بطريقه مقرفه

زين المزيف ببجاحة لعليا:: مين قالك انى معتبرها مراتى دى واحده محناش عارفين اصلها ولا فصلها اتربت فين كانت بتعمل ايه مش ممكن تكون كانت زبالة و بتسلم نفسها للرجاله اضمن منين انا طهارتها و بعدين انا اتغصبت عليها علشان سمعتها اللى هى مسحت بيها الارض بصورها لما كانت في حضن راجل غريب و ههههههههههه و بيبوسوا بعض فاكرة يا بنت عمي