ميار : شيكمل اذا هما راحووو وهذا كدامك اعترف بعد شكمل بس اني بقيت يريد يخلص عليه
الواء هيج واروح يم اهلي
محد يحسس بيه لكم اهلي اللله وأكبر اهلي
يربي 😭😭😭
ضابظ علي: لا حوة ولا قوة الا بالله
استاذ احمد : يابه دصيحو واحد من عمامها خلي يطلعها
ضابط علي: حسين.
ميار : خفت اخاف يسدون البيت مثل مسوه ركضت صعدت على الدرج وركض لغرفه ماما دخلت وقفلت الباب
نقيب عامر : لمن صعدت ركض كولش خفت عليها
كولت هسة تنتحر لو سوي بنفسه شيء
لان لشافته مو شويه صعدت وراها
مياررر ميار
ميار : دخت لغرفه ملابس بابا على الجربايه العطور ضبيت روحي على الجربايه
اخخخخخ ولك بابا عفيه ارجع أريدك محتاجتك بابا
يوووووم وينج تعالي فدووة مشتاقتلج
حرام لي دسوووه بيه 😭😭😭
كمت ابجي والطم طلعت ملابس ماما أبوس وأشم بيهن
ليش عفتيني ماما وينج
نقيب عامر : اسمعها تبجي وتعيط بالغرفه دكيت الباب
مياررر مياررر افتحي الباب ميار
ميار : ماريددد احد عووووووفوني وحدي اخخخخخ ولكم ليش عفتوني ليشششش
يممممه ارجعي فدووة مشتاقتلكم والله
شلون اعيش وانتو مو هناااا
كمت ابجي
ضابط علي: اسمع عياط وبجي فوك صعدت هااا عامر وين
نقيب عامر : يمعود جوه بالغرفه خاف سوي شيء
ضابط علي: ميار افتحي الباب
ميار: عطت عوفوني ماريد احد انننني وحيده
كمت كسرت العطور كمت اضرب بالباب
اريد يبرد كلبي ماكووو. نارررر بكلبي تحركني 🔥
احس كوله دتضغط عليه
ضابط علي: لمن سمعت تكسر وصوت كزاز تكسر عطت ميار افتحي لباب
الكاتبه: نرجس_السعيدي
نقيب عامر : كوولش خفت عليها كولت علي حكسر الباب
ضابط علي: اي
نقيب عامر : كسرنا الباب دخلنه لها شفنا الكزاز تارس الغرفه نصدمت بميار خدودها تجري دم 🥺
عيونها حمر صاير
ميار : فتحوا الباب اني بقيت واكفه كتلهم عوفوني ليش اجيتوو اريد أبقى بوحدي
نقيب عامر : ميار ميصير لي دسوي بنفسج
ميار : شنوو لي ميصير هااا ياا نفس ولكم اني بس جسد روحي ماكووو روحي يم اهلي دفنت بالنجف
ضابط علي: ميار يله تعالي نزلي جوه بيت عمج
ميار : يااا بيت ماروح الى اي بيت هذاا بيتي
ضابط علي: يله لا تروحين بس نزلي جوه
ميار : كمت ارجع وراء لا لا ما اطلع
نقيب عامر : هي حافي والغرفه متروس كزاز تكول لألا وترجع ميار انتبهي كزاز
ميار : اني رجعت واحس شيء دخل برجلي ااااي مشيت عود واريد اكعد على جربايه بس صار برجلي كزاز اخخخخ 😭😭
نقيب عامر. : رجعت على كزاز دخلت برجلها ومشت على كزاز مره لخ عمود تكعد على الجربايه
اباوع رجلهاااا كولياته دددم
اجيت يمهااا اريد الزم رجلها عمود اطلع الكزاز.
ميار : كمتتت ابجي رجلي بيهن دم اجه هذا رجال ودنك يريد يلزم رجلي صراح اني خفت وخرت رجلي
كوتله لا تقربلي
نقيب عامر : بس خلي اطلع الكزاز
ميار : اني ابجي 😭😭 لا عفيه روووح معليك ماريد احد رحووووو
ضابط علي: عامر تعال نزل عوفها
نقيب عامر : علي بس شلون رجلها
ضابط علي: معليك عوفها
نقيب عامر : طلعت بس اني صراحه كوولش استحيت من علي والله مجان بالي شيء بس منظر رجلها وبيها كزاز
ودم مجرد اريد أساعدها بس هي ضاهر خافت او شيء
بس صراحه حزت بخاطري 😓 طلعت من الغرفه ونزلت جوه
ضابط علي : خليت وطلعت نزلنا اني وعامر
لكيناهم ينتظرون
استاذ احمد : هااا خير صار
ضابط علي: والله الله يساعدها لي شافته مو شويه
منهارة هدئنها ونزلنا
استاذ احمد : نكدر نكمل
ضابط علي: يله اباوع ماكوو عامر
نقيب عامر : خليت وطلعت بره وكفت على جهة يم السيارة وكمت ادخن بس حسيتت بداخلي نار 🔥
صارت
ضابط علي: كملنا كشف وشرحوا شلوون قتلهم وكامرات صورته خلينا وطلعنا.
صار بوجهي ابو عبد الله كال ابني اريد بس احجي وياا
ضابط علي: ميصير حجي تاخر والله ورانه شغل
ابو عبد الله : بويه والله من اخرك بس بكلبنا كم حجايه نريد نطلعها
ضابط علي : والله مادري يا حجي
ابو عبد الله : عوفك مني بس بنتي وعدتها تقابل هذوله
تقبل تكسر وعدي لبنتي
ضابط علي: لا حجي استغفر الله. كلمته وعدك متنكسر
خلي تجي
ابو عبد الله : اركان صيح اختك
اركان : بس بويه
ابو عبد الله : بلعجل عوف كولشي
اركان : دخلت وصحت سارة
سارة : لمن راحت زينب وأركان لمستشفى عمود ميار
اني بقيت بالبيت خابرت حمزة كتله ترى زينب طلعت لمستشفى
لازم يعرف لان زوجه هوو محجت شيء كال ها هي بقيت يم جهال مرت ساعتين هيج وسمعت يصيحون بالجهاز محد يطلع وجيش واستخبارات وسيارات اني صعدت ركض باوعت من الشباك لكيت
الدنيا مكلوبه باوعت لكيت واحد يفتح بالبيت مال بيت عمي ابو حسام
اني هنا راحت روحي اخذت عباتي ونزلت ركض فتحت الباب
اجه عبد الله وأبويه يدخلون بيه
سارة : فدووة جابهم 😭 بابا اريد احجي ويااا بس واللله
ما اسوي شيء
ابو عبد الله : ولج ممنوع ميقبلون
سارة : فدوووة بابا أبوس ايدك اريد احجي وياهمم بابا فدوووة 😭😭
عبد الله : فضحتينه دخلي جووووه
سارة : كمت الطم وابجي
ابو عبد الله : سارة ادخلي واني احجي وياهم اذا قبلوو اصيحج
سارة : لا بابا متحجي وياهم تريدني بس ادخل 😭😭😭
ابو عبد الله : والله احجي وياهم شنوو مصدين
سارة : 😭😭 وعد
ابو عبد الله : وعد والله دخلي
سارة :دخلت بالطرمه كمت ابجي بقيت طبعاً محد بالبيت بس اني شويه واجت زينب
كمت الطم وابجي سئلتها على ميار كالت بيت اهله راحت كسرت كلبي ولج 💔😭
سارة : اني وزينب كمنا نبجي وحدة تحجي وياا الخ مره الوقت
ودخل اركان وصاح سارة اني كتله هااا
اركان : يله تعالي
سارة : كتله يا الله هوو مشى كدامي وصارت عيني على حصوايه جبيرة دنكت على السريع اخذتها
خليتها اب يدي ودخلت ايدي جوه العبايه يعني
بس اليد وحدة
طلعتها مشيت لبيت لكيتهم مطلعيهم وعمو. ابو حمزة وأبويه يحجون وياهم
ابو حمزة : ولك جلال ليش هيج سويت ولك نزلت راسي ولك اني هيج ربيتك ولك تكتل عمك ولد عمك
ولك تكتل ٥ نقرات ليش ولك شلون أواجه العالم وابني قاتل والله ما فكرت بنفسك بينه بامك لي راح تخبل من وراك
ولك ما فكرت با اخوك لي صاله اكثر من اسبوع حابس نفسه بالبيت ما يكدر يرفع راسه
حمزة : ولك ليش ليشششش بدال ما اتباه بيك كدام العالم هيج سويت بدال ما ارفع راسي خليتني ادنكه
ليش هيج سويت ليششش
تفي عليك 💦 يا عار يا نكس يا مجرم هاي كدام الناس كلها
اني ماعندي اخوووو سمعوووون يااا ناس ياا عالم اني وحيد لهلي ما عندي اخ اسمه جلال.
بيت ابو حمزه عدهم حمزه وبس. دسمعوووون لحد يحجي ويكول اخوو. مجرد. اني ماعندي اخ بره منه دنيا وآخره
ابو حمزة : روح اني غاضب عليك ليوم الدنيا واني ماعندي ابنه جلال عندي حمزه. بيت ابو حمزه
ان شاء الله دم اخويه وعائله متروح هيج دمهم بركبتك ليوم الدين وانت لك خزي بالدنيا بالآخر عذاب اليم
والقانون ياخذ مجراه
سارة : اني وكفت وصحت ولك ليش سويتووو هيج ليش ولكم شنوو منفس عتكم 😭😭 ابجي واعيط عليهم
احجوووو ليش كتلتوهم ولكم متخافووون اللله
ولك شنوو انتو من بشر.
جلال انت هيج سويت ولك ليش قتلت حسام ولك ليش حرمتني منه هاااااا احجي لا تسكت جااااووووب
جلال : مووو اني والله ثائر كتل حسام
سارة : ثائر اااانت ولك كتلت حسام هااااا انت احجي انت
ثائر : 😔
سارة : ولك ليش سؤالك هاا غلط عليك جاوب
ثائر : لا
سارة : سبك تعارك وياك با اي ذنب كتلها هااا احجي ولك احجي كمت الطم على وجهي وابجي دا اااااحجي وياك عمود شنوو. كتلته هااا
ثائر: والله عمودج والله
سارة : اني لمن كال عمودي عرفت لان هوو جان رايدني ومعترفلي على اساس يحبني
جان اكوو جنود اثنين بيناتننه عمود لا نقترب منهم فاني موو احجي وياهم
أتقرب يمهم فلمن حجى وكال عمودج والله واني طلعت الحجرة وخايتها براسه
وردت اجيت عليه اريد اموته بس لزمني اركان وعبد الله واني اصيح واعيط.
صاروو يعيطون شلون وهنا مو كلنا لا تقربون مجرد حجي
عاد اني عطت.
شنووو يااا حجي ولكم قتل عائله انتو شنوو تخافون عليه ولكم شنوو انتووو عمود انتو قانون عتكم
تخلونهم بالسجون ياكلون وينامون هاااا
انتوووو شنوووووو محسيت بشيء كبل وكعت بالشارع
نقيب عامر : نصدمت 😳😳😳 لمن ضربته براسه خلت دمه ترس الشارع
والله كفووو منه يستاهل هالحقير. صح ممنوع وأحد يتقرب عليه وحنى محوطي عليه بس لمن كامت تعيط
وتبجي والله حقها بس صراحه بردت دمي بس لو خالته برأس جلال هذا الحقير 😡
اركان : ساررة ساررة كمت اضرب على خدودها شلتها ودخلتها بالبيت
زينب : يمممه اختي شبيها
اركان . ركض جيبي مي
زينب : اذب عليها مي شويه وكعدت وكامت تبجي
سارة : ولج ثائر طلع ولج زينب
زينب: اللله ينتقم منه الله لا يوفقه جهنم وبئس المصير
سارة : اووووف يممممه ولج يكولي عمودج
زينب : ياااا صدوك
سارة : اخخخخ كلبي ولج اي 😭😭
ضابط علي : بعدها صارت هوسة وهذا كام ينزف من راسه بس والله شلون ضربه خرب بيومها 😂 جابتها براسه عدل الولد وكع من طوله طبه مرض طلعنا من المنطقه ورجعنا لدوام
بقينا لعصر وبعدين خابرت على عامر وطلعنا جان عامر موو على بعضه ابد احس اكووو شيء بي
أنت تقرأ
القضية
Misteri / Thrillerقصه حقيقه لفتاة تروي جريمه قتل اهلها 🥺 تحدث في بغداد. تابعوا الأحداث الكاتبه نرجس_السعيدي
