عامر : الله يساعدك صدوك صعبه
علي: اووف هذا كله وما خلصت
عامر: هاا خير
علي: اخخخخ عامر دمرت صالي شهرين بالضيم
عامر : شهرين شكو
علي: عامر دمرت نهتني أريدها بس ما اكدر صعبه احسها حلم
عامر : مني 😳
علي: اخذت كلبي اريده محتاجه وكفت السيارة
عامر: ههه وكعت ومحد سمه عليك
علي: اي وكعت والله كلها فدووة اهم شيء هي
عامر : اويلي احجي منو.
علي: ميارر 😓
عامر : شنوووو 😳 ميار لي اهله نقتلو لو غيرها
علي: اي هي لك عامررر متروح من بالي راح تخبل لك عيونها لي كلها دموع باقيات بالي.
كل كلمه بالي باقيه حلكها وجها كولشي بيها حبيتها
رغم حزنها دخلت كلبي عامر شفت اشكال.
بس مشفت منها أريدها يمها اريد كل يوميه اشوفها
خبلتني
عامر. : 🥺 علي انت مثلي
علي : رفعت حاجبي 🤨شنوو مثلك بس لا حبيتها
عامر :اي
علي: هااا 😳
عامر : جذب 😂😂 بس انت مثلي
علي:وكفت كلبي شلون مثلك
عامر : اني هم جاي أتعذب 😔
علي: هاا من منو
عامر : وهم صعبه بس ماكو. غيرها حبيتها.
علي: اي منوو
عامر : ساره 😞
علي: هاا 😨ً
عامر: اي علاوي حبيتها موو بيدي والله اعرفها متحبني واعرف تحب حسام بس مدري حبيت من اول ما دخلت
لك علي تخبلت ماكوو وحده هيج خبلتني حجيها طولها عيونها كلشيء بيها.
بس اعرفها مراح صير اني حظ ما عندي
علي: جا مثلي اني وين صير
عامر: لا انت صير على اقل هي متحب
علي: هي متحب بس نسيت اني مطلك ٢ منو ينطيني مره لا وفوكاها بعدها زغير ولازمزوجه ولا شيء
عامر : بس اهون مني
علي: لا والله مو اهون وين البنيه ميته عائلته
عامر: دمشي امشي شلون حظ
علي: اي والله هههه
عامر: مشى علي كمنا نسولف على ميار وساره
علي: كمنا نسولف واحد يحجي شلون وكع 😂شغلنا أغاني حزينه ونغني ومره عامر يشغل حب مره حزين منا لمن وصلنا لبغداد
••••••••••••••••••••***************•••••••••••••
ميار : مرات الايام والأشهر
نفس الروتين بجي واني بس جسد امشي واكل بس كلبي وروحي يم اهلي ابجي واعاتب ومحد يكدر يعيش لي عايشته اني باقيه بالبيت كل يوميه متخربطه مريضه كمت على المغذيات فيتامينات
ايام حزينه وصعبه نقطعت عن العالم. جانه بلغ من المحكمه لاز م نحضره راح يصدر الحكم
رحنا اني وأركان وحمزه ابو حمزه وساره وعبد الله
لبسنا هم عبايه بس بلا بوشيه
علي: مرت كم شهر كمنا نراجع وتابعت القضيه لا ان اجه اليوم المحكمة بلغناهم جنت خايف اخاف ما اشوفها
اووف شكد. مشتاقلها
عامر ؛ هلا علاوي 😓
علي: هلا بيك شبيك
عامر: متجي موو
علي: مادري واني خايف
عامر: لا تخاف. تجي ميار بس ساره لا
علي: مدري بس خايف لك عامر. أريد أشوفها
عامر : اووف لك اني هم 😓
علي: خرب وين صاروو
عامر : 😂ً
علي: شبيك خبل ساعه تضحك ساعه تبجي
عامر : خاب امدانه هي سون بينا لعب طوبه. بينا نقيب وهيبتنا وصخامنا نتضر بالباب
علي: هههه خاب ياا نقيب هي عيونه تسوه العراق كله
عامر : بوياي
علي: ههه. عامر
عامر : هااا
علي: صرت كدامه
عامر: شبيك
علي: اجو وراي بس الولد
عامر: هاا 😨😰
علي: ههههه لك اجووو كلهم
عامر: احلف دوخر.
علي: صوتك دخلته بالغرفه شبيك فضحتنا
عامر: دوخر يمعود
علي: يمعود اثكل هسه يكعدون وهنا نروح انتبه لكلامك موو تكوم جفص
عامر: هههه مدري
علي: احم يالله تعال
عامر: يالله
علي: طلعنا
الكاتبه؛نرجس_السعيدي
ميار ؛ وصلنا لمحكمه نمشي وراهم بس اني رايحه روحي واشوف المتهمين كلبجات ومدنكين
كمت ارجف لزمت ساره
سارة : لج ميار. رحت اتخربط ً
ميار: اني هم 😭😭😭
ساره : يمه شوفي شلون يباوعون 😭
اركان: شبيج تبجن
ساره: نخاف
اركان : لا تخافن ماكو شيء 😕
ميار : عبد الله راح حجه وياي الحارس وانطاه ورقه واجه
كال اكعدو هنا
كعدنا اني مدنكه اطكطك باصابيعي من الخوف
وسمعت وصوت خشن السلام عليكم رفعت راسي. وجت عيني
علي: رحت يمهم واشوفها من بعيد طكطك بالصابعها عرفتها خايفه
يمه احس كلبي دكت الف وصلت كلت السلام عليكم رفعت راسها اجت عيني بعينها اوووف الله عيونها كلها دمع اموت على عيونها
اوف ولج موتيني
سارة : كعدت يم اركان كمت ابجي يممم رعب مو محكمه
عامر: اجيت يمهم كتلهم صباح الخير. باوعت على ساره اووف تبجي يبعد حيلي.
خايفه اويلي دموعها نازله على خدها 🥺ً
علي: شلونكم طبعاً. تاخرت الجلسه اكثر من مره طلبنا حضوركم عمود سمعون الحكم لو مؤبد لو إعدام
ميار: لمن سمعت هيج كمت 😭😭 والله كون اكطعه بسنوني.
علي: سوده عليه ميار اعرف صعبه عليج بس صدكي هذا عقاب بالدنيا بس بالآخر عذاب عظيم ربج ياخذ حقج منه
ميار: يحجي وياي اني بس ابجي واناشغ
علي: غير قهرتني يمه تناشغ زرفت كلبي 🥺
عامر: صار وقت المحكمه دخلنا حكم القاضي على ثائر مؤبد وعلى جلال بالإعدام
علي: بوقت الجلسه اباوع على ميار شبعت بجي
سارة: بجيت حكمو على ثائر مؤبد وعلى جلال إعدام
اني كمت وهلهلات كدامهم جان جلال يبجي وثائر يبجي
هلهل وابجي 😭
عامر: غير قهرتني لمن كامت تهلهل وتبجي.
ميار: لمن هلهلت ساره كمت كولته جهنم وبئس المصير يااا قذر لك ليش سويت هيج شنوو حصلت لك حرام عليك تعذبت لك ليش عفتني جان كاتلني وياهم
الله وأكبر عليك حسبي الله ونعم الوكيل😭😭
عسى ربي ياخذ حقي منك وان شاء الله تعذب ضعف لي دا اتعذبه هلهلت وابجي
دم اهلي مراح هيج حوبتهم بيك
سارة : طلعنا بس شنوو ميتا بجي
علي: كسرت خاطري بيومه اني نار منوو يحجي وياي اعيط بوجه
عامر : قهرني خلصت الجلسه خليت وطلعت كمت افتر مكدرت وصورت ساره متروح من بالي
ميار : رجعنا لبيت واني ميته بجي كمت لا اكل ولا شيء دمرت نفسيتي
رجعت لبجي وعياط
وكل يوميه نايمه بالمستشفى
تعبت نفسيتي دمرت
مرات الايام صعبه عليه لحد ما دارت السنه
مال اهلي
طبعاً لمن رحنا لنجف تخربطت وصار بيه عتاب اهلي وبجي وعياط وصياح ورجعت. مريضه
سارة : اني مو احسن من ميار
بس اني الحمد الله زينه صح اشتاق لحسام بس تقبلت فكرت انو هوو ميت ميرجع
صح ابجي انقهر
بس عشت اكل واشرب كمت ارفع من معنويات ميار
ميار دمرت انتهت نفسته صفر
احاول انسيها بس ماكو كم مره حاولن نطلع متقبل
باقيه بس بالبيت تفرح اذا أخذناها لنجف
أنت تقرأ
القضية
Mistério / Suspenseقصه حقيقه لفتاة تروي جريمه قتل اهلها 🥺 تحدث في بغداد. تابعوا الأحداث الكاتبه نرجس_السعيدي
