ضابط علي: طلعنا بسيارتي مريت أخذت عامر سئلت
اكو شبيك
نقيب عامر : لا مبيه شيء
ضابط علي: شنوو عليه اني اعرفك
نقيب عامر .ههه محد يعرفني خليها لله بس
ضابط علي: لا هنا اكوو سالفه بس ماريد تحجي شيء اريد أخذك لمكان.
نقيب عامر : هاا وانت ابن البصره
ضابط علي: اي بس اني اعرف بغداد شبر شبر
نقيب عامر: لا والله
ضابط علي: اي والله اني شبابي كله هنا بغداد
نقيب عامر: شتحب البصره لو بغداد
ضابط علي: بلا طائفيه ههه
نقيب عامر :ههه لا مجرد سؤال
ضابط علي: شوف بغداد ماكوو احلى منها ناسها واماكنها تخبل بس البصرة اصلي اكيد اميل لبصره ههه وانت
نقيب عامر : اني ما اجواب على السؤال لا تأخذني لمكان
ضابط علي: هاا وصلنا ديله انزل
نقيب عامر : نزلنا الله الله والله ااحلى مكان ترى مرات اجي بي
بالاعظميه على ضفاف نهر دجله وبليل عشق وجان جووه حلووو كعدنا اللله
ضابط علي: هههه هااا
نقيب عامر: يجننن والله جنت محتاج هيج طلعها 😓
ضابط علي: جاوب على السؤال وبعدين سولفلي
نقيب عامر : حتقق وياي
ضابط علي: عندك مانع
عامر : هههه لا والله حاضر اني
علي: يله كول
عامر : على سؤالك شتحب بغداد لو البصره صح مو
علي: اي
عامر :بغداد حلوه ومحد ليدخل بيها ويكول ما احبها بس البصرة عشقه يا اخي غير احسها
علي: هااا ابن بغداد يحب ولايتي بووويه
عامر : هههه ولايتي ولايتك يابن ولايتي
علي: 😳 لا بربك انت من البصرة
عامر : ههه اي ليش ممبين
علي؛ اي والله ممبين
عامر: ادري شنو مكتوب على كصتي وممبين
علي: لا بس طريقت حجيك بغدادي ومن الكرخ
عامر: اي تعويد
علي: اي سولف شبيك
عامر ؛ اااااخخخ يا ابو حسين سالفتي سالفه
علي: سولف لصبح وياك
عامر : والدوام ههه يطيح حظنا كفيلك الله
علي: ههه اخذت اجازة
عامر: لا تحجي صدوك
علي: اي والله 😂
الكاتبة:نرجس_السعيدي
عامر : واني
علي: واني شكو بيك اني لان اداوم بجازتي ونقل وتعرف بعد لازم ارجع لبصرة
عامر : اني وياك
علي: كل الهلا والله تنور بصرتنا بس دوام
عامر : منوره باهلها معليه بي
علي: هههه ديله سالفتك
عامر :اي منين ابديلك
علي: بكيفك
((احم اني الكاتبه👀 : هههه حبايبي حبدي اعرفكم على نقيب عامر 😁 شلون حتبدي قصتة ))
عامر : اسمي نقيب عامر عمري ٣٠ اني ولاتي بصرة عندي اخ واحد اكبر مني وعندي اخت
اخويه عماد وأختي اسمها فرح هي ازغر مني
جنا عايشين بالبصرة احنى اهلنا وعمامنا كلها اهناك
علي: هااا يعني هناك انتو اصلكم مو
عامر : اي
علي: جا جابك هنا لبغداد
عامر : اجيك بسالفه
انت من البصرة وتعرف بالعشائر شلون
جان عماد اخويه عمره ٢٠ سنه
واني ١٨ طالب سادس جنت
وأختي فرح جانت عمرها ١٦ سنه جانت اختي مدلله بينه يعني مدللينها خاص ابويه كولشي ولا فرح فرح روحه من الدنيا
فرح جانت تخبل انت اخويه علي مو تأخذها بغير قصد
علي: صدوك تحجي اختك اختي ابن ولايتي كمل
عامر : اي فرح حلوة مو لان اختي لا والله
كبرت والبنيه مو مثل الولد
علي: اي صح
عامر : اي هي بعيونه صغيره بس كامت الخطابه تجيها ها هي جانت تدرس جانت رابع ادبي
بحكم ولد العم وكرايب وناس عيب وعيب
ردنا نبطلها بس هي لا تاكل ولا شيء بأسبوع تغيرت
ابويه كال متبطل وعوفها تكمل. رجعت تكمل
ابن عمامي رادها هي متريده ابد وضوج منه
علي: انت كم عم عندك
عامر:اني عندي ٤ عمام وكلهم عدهم ولد خير من الله
علي: اي
عامر : اي فمحمد اصر على فرح هي متريده ابويه وياا فرح كال متريده ها هي
علي: وانتو
عامر : صراحه اني وعماد لا نريد محمد لفرح وخاصه اخويه
علي: شمعنه
عامر: اخويه عماد يحب اخت محمد يحب زهراء فإذا رفضنا محمد زهراء مستحيل تاخذ عماد انت تعرف صدق وكذا منتشر بالبصره وبالعشائر
(توضيح الصدقه معنى مبادله صير اخذ اختك وانطيك اختي هيج )
علي: اي صح وبعدين
عامر: اي فاني وعماد ضغطنا على فرح وكمنا نلح عليها وافقي بي شبيه محمد
ابن عمج ونعرفه شتريدين الولد مرتب ونعرفه ونعرف اخلاقه
علي:اي
عامر : وافقت فرح عمود محمد كموافقه مبدائيه بس شرطت عليه تكمل دراستها
علي: حلوو وهوو وافق
عامر : اي وأفق وكال عادي هنا عماد كال لاهلي تخطبولي زهراء
علي: اي
عامر : اي امي وأبويه راحوو وأخذوه عمامي وراحو يخطبونها كالو اي نطي زهراء بس هذا الحجي بس الرياجيل نسوان بعدها يوم هيج صارت قال وقيل وتعرف كرايب ونسوان جيب كلام وتودي كلام
لي عرفنا مرت عمي ما موافقه على عماد امي بهاي الحال صارت عصبيه وحجت كالت ما اروح ولا اخط
أنت تقرأ
القضية
Misteri / Thrillerقصه حقيقه لفتاة تروي جريمه قتل اهلها 🥺 تحدث في بغداد. تابعوا الأحداث الكاتبه نرجس_السعيدي
