مملكة إبليس

الحلقة 1 🔥

#مملكة_إبليس(المقدمة)

#ibrahim_qurji

سنة 1995

في يووم ممطر طلعت الساعة ما نعرفش كم كان الجو بارد و المطر خيط من السما و اني حامل في شهري خلاص ... هربت و اني ع وجهه ولادة قطعت الطريق و فتت للغابة و اني نجري بكل جهدي هاربة من الشي اللي شوفته و كنت عارفة ان في اشخاص يلاحقوا فيا و رح يقتلوني زي ما قتلووه ... تلبزط بالطين و حالتي حاله لعند ما وصلت قدام باب قصر كبير و بديت نطق بكل قوه ... لعند ما فتح باب القصر و خشيت و اني ما نعرفش شن اللي كان يستنى فيا الداخل كان كل تفكري ان هذوكم الناس ما يلقونيش و يقتلوني اني وولدي .....

بعد 25 سنه

ريان:وعيت كالعادة من الفجر بكري و خشيت دوشت و صليت ركعتين و خديت المصحف و بديت نقرا فيه شوي لعند الساعة 8 خشيت وعيت بابا و لقيت ماما واعية ... خشيت نجهز صفرة الفطور
فاطمة:شن درتي الفطور يا بنت
ريان:طلعت تن يما و اهو نطبخ في الدحي
فاطمة:به يا بنتي ... باش تجهزي رووحك شوي تاني و بنمشوا لقصر الفاروق من قداش ليها مكلمتني الحاجة عزيزة باش نجي نطيب في فرحهم و انتي باش تغسلي المواعين عليا
ريان:و الله ما عندي نية يما نمشي
فاطمة:الله غالب يا بنتي تحملي فترة الفرح بس عارفة وراك قراية و امتحانات ... بس انتي عارفه حالتنا ع دوبنا و مرتب بووك ينزل بعد 3 شهور ... باش تحصلي حتى حق مصروفك بس
ريان:حاضر يما
فاطمة:هي طلعي الصفرة و خليني اني نمشي نطلع بووك
ريان:تمام يما

اني ريان بنت عادية من عيلة عادية عمري 23 عام عايشة مع اهلي ماما و بابا و زوز خوات اصغر مني و عندي اخ واحد كبير عايش البرا ... بابا مقعد بسبب حادث صارله زمان ... و ماما طباخة ماهرة و معروفة في المنطقة و في اي فرح طالبينها ... و اني نمشي معاها نساعد فيها ... المهم اليووم ماشيين لقصر الفاروق لان عندهم فرح بنتهم و هي اول بنت تتزوج فأكيد رح يكوون مميز ❤
_____________

في مكان اخر

كانت التجهيزات ع اكمل وجهه من زينة و عزايم و جو حلو و المنظومة اللي تخبط و جو من الاخير و الصغار اللي يلعبوا فرحانين

راوَند:هيا يا رنين وقت عمتي قريب توصل هيا و انتي ليك ساعة ع المراية ما مليتيش بكل حطيتي الميك اب كله ع وجهك لو يشوفك بابا و لا حد من خوتك يندمك ع اليوم اللي فكرتي تحطي فيه اللبز هذا ع وجههك
رنين:كانت رافعة شعرها كودة و حاطه كيلو ميك اب و لابسة سروال جينز و بلوزة بيضاء و بوت ابيض ... اسمعي اليووم عمتي جاية و نبي نكون الاحلى فيهم
راوَند:من تقصدي الاحلى فيهم
رنين:بنات عمك الدراهات هذوكم اللي كل واحدة شايفة روحها ع التانية
راوَند:صبرك يا رب بس
رنين:بري بري انزلي اهو جاية و بعدين الحووش مش بعيد خطوتين و نكون الغادي
راوَند:نزلت و خلتها 🤦‍♀️🤦‍♀️
_________

طق طق طق ✊✊

فاروق:ادخل
ركان:كيف حالك جدي اليووم
فاروق:الحمد لله بخير ... شن صار كملت كل شي
ركان:اي يا جدي ... زي ما قتلي كل شي زي ما تبي
فاروق:عابي عليك يا ركان و العبي ع الله
ركان:ما توصي حريص جدي
فاروق:وين خوتك و صغار عمك
ركان:البرا يا جدي يركبوا في الخيمة متاع النساوين ... و كريم و فاروق ماشيين يجيبوا في عمتي من المطار
فاروق:به كويس ... خدي عكازة ... شن عزمتوا اولاد ادم
ركان:اءء نعم جدي
فاروق:كلامي واضح يا ركان عزمتوا اولاد ادم
ركان:لا يا جدي الحق ما فيش حد قال اعزموهم
فاروق:برا اعزموهم ... ما نبييش الناس يحكوا علينا و يقول الفاروق عزم الناس كلهم و اولاد ادم لا ... حتى لو في مشاكل بينا بس ما تجيش
ركان:حاضر جدي اللي تشوفه مناسب
فاروق:اي هكي نبيك يا اسد ... هي نمشوا نقعمزوا في البيت الناس قريب يوصلوا و يجيبوا البتات
ركان:ساند جده و طلع معاه
______________