مملكة إبليس

الحلقة 11 🔥

#مملكة_إبليس

#ibrahim_qurji

لايك قبل ما تقروا يا غوالييي ❤✌

ركان:و الصدمة ع وجهه ... انتم كيف قدرتوا اديروا شي بشع زي هذا ... كيف تحرموا ولد من انه يعرف حقيقته
الفاروق:اني درت هك عشان المرأة ... لانها كانت وقتها مش فاضية ... شن تبيني نديرلها نلزها و هي مش فاضية
ركان:لا و الابشع من هك انكم حتى انت يا بووي و يا امي عندك يد في الموضووع
كلثوم:شن تبيني ندير و انت عارف الكلمة شوور جدك
سلطان:اهدا يا ركان ... خلاص اللي صار صار توو و القصة انتهت ... و الولد عايش معانا و انت لازم تصكر ع القصة
ركان:تي كيف يا بووي تقولي صكر ع القصة زي هذا
الفاروق:خلاص يا ولد
ركان:بجد انكم مملكة إبليس ... و مش عارف شن مزال تاني مخبي خلف هاذم الحيطان ... و طلع بغلللللل
عزيزة:مش قتلك يا حااج سيوره و تنكشف القصة
الفاروق:خلاص يا مراه ...
كلثوم:نموت و نعرف من اللي قال لركان ع القصة هذي ... و خاصة انه ليها اكثر من 20 سنه
عزيزة:هذا اللي فالحه فيه انتي ... بري شووفي ولدك و نبهيه انه ما يحكيش في القصة و الا كل اللي صار ينكشف و ينهد الحووش فوق روسنا
كلثوم:طلعت و خلت الجوو مشحون بين الفاروق و عزيزة
_________________

شيماء:كانت ماسكه test الحمل و متفاجأ من اللي تشووف فيه كانوا خطين باللون الاحمر ... حطت ايدها ع وجهها لا يارب ان شاء الله غير اللي مش في بالي ... شن بندير لو طلعت حااامل 😨 ... قاطع تفكيرها ... طق طق طق
شيماء:بخووف ... نعم
حنان:هيا يا بنت اطلعي ... من بكري و انتي في الحمام (اكرمكم الله) هيا ورانا ترتيبات للفرح
شيماء:هي دقيقة بس ... خدت التحليل و حطاته في جيبها ... و غسلت وجهها و طلعت ...
حنان:شبحتلها ... خيره وجهك اصفر هك
شيماء:بتوتر ... اءء لا شي نفسي كانت تقلب ... شكلي واخده برده
حنان:به بري طلعي طواسي العصير باش تغسليهم و تجهزيهم
شيماء:هزت برأسها ... تمام
_______________

رنين:ادوور في المكتب و تفكر ... يا رب ان شاء الله يوصل ركان للسر بس
ركان:خش و صكر الباب بالقوة
رنين:نخلعت ... ها ركان شن صار
ركان:اطلعي من هنايا ما نبيش نشووف وجهك
رنين:اءء ... شن صار به اكيد جدي حكالك كل شي
ركان:و انتي شن دخلك ... اطلعي البرا
رنين:ما تنساش اني من قالك ع السر ... فلهاذا قوولي شن قالك جدي
ركان:بعصبية ... ما قالي شي ... و كل اللي سمعتيه غلط
رنين:و الله اللي سمعته جيت قتلك عليه
ركان:رنين بالله عليك اطلعي البرا بنجهز رووحي
رنين:طلعت ... و هي تفكر شن ممكن يكون قاله جدها
.
.
.
كلثوم:به شن الحل تووو
سلطان:ما نعرفش ... المهم انتي حاولي ترجعي تكسبي ثقة ركان ... و ديري بالك تخليه يغضب ... و سايريه و ديري كل اللي يبيه
كلثوم:و انت شن بدير
سلطان:اني بنشوف حل للقصة ... لان لو انكشف الموضووع تنتهي مملكة الفاروق
كلثوم:حطت ايدها ع رأسها ... ان شاء الله خير
_________________

يارا:تبكي ... قصدك تو بتخليني بروحي
ريان:بدينا عاد تنوحي و جو بتخليني بروحي 😒
يارا:ع من بنهدرز مع من بنشكي همي
ريان:اشكي للحبيب الجديد اللي مش عارفه حتى شن اسمه
يارا:ضربتها ع كتفها ... بارده
ريان:حضنتها بكل حب ... اعرفي حبيبتي يارا اني مش رح نخليك و رح ندعمك بأي قرار تتأخديه ... المهم انتي جيبي الولد للطريق بس 😏
يارا:بادلتها الحضن ❤ شكرا وخيتي
ريان:هي جهزي معاي الشنطه و الحوايج
يارا:هي تعالي