مملكة إبليس

الحلقة 13 🔥

#مملكة_إبليس 13

#ibrahim_qurji

لايك قبل ما تقرووا يا غوالي ❤

طلعوا كلهم يجروا ع صووت العيطة القوية ... خيره شن في شن في
كلثوم:شن في بسم الله من الصبح
حنان:ما نعرفش يا لخرا
سعاد:هذي الحاجة و مشوا جري للغرفة و فتحوا الباب
عزيزة:يا حاج يا حاج
كلثوم:شن في
عزيزة:نادي واحد من الاولاد يجي يرفع جده للمستشفى مش عارف شن صارله
وسام و كريم :جو يجروا طلعوا جدهم و ركبوه السياره و طلعوا جري
و الباقي ركب سيارته و لحقووهم
________________

ركان:اها تي به به في اي مستشفى
ريان:تمسح في ايديها ... خيره شن في
ركان:به شن قاللولكم ... به اهو مسافه الطريق و جاي
ريان:شن في شغلتني
ركان:جدي طاح عليهم و رفعوه للمستشفى
ريان:به شن صارله
ركان:ما نعرفش ... بس جهزي رووحك بالله عليك ما تعطليش
ريان:اي هي نأخد عبايتي بس ... صح كانت مدايرة جو و ميك اب باش تمشي للحووش ... بس مسحاته كله دارت كحل و بودرة خفيفه و طلعت
______________

فاروق:صباح الخير
راوَند:بوجهه متقلب ... صباح النور
فاروق:خيره الحلوو زعلان
راوَند:ما سمعتش امالا
فاروق:خيره شن في صبح يا فتاح 😒
راوَند:جدي الصبح طاح علينا و رفعوه للمستشفى
فاروق:بالله ... شن تقولي انتي
راوَند:اي و الله زي ما نحكيلك
فاروق:و خيركم خايفين اكيد بردة و لا شي
راوَند:من جدك و لا تبصر انت 😒 ... هذا جدي
فاروق:قصدي نقولك اني ... جدي قوي و بكرا تلقيه قدامك زي الحصان ... و توا شن بتفطرني و لا شن
راوَند:دير فطورك بروحك ... لان ما فيش حد فطر ... و طلعت من جنبه
.
.
.
يارا:بصوت تاعب ... صباح الخير
مسعود:صباح الورد بالورد
يارا:خيره صوتك هك
مسعود:جدي مرض اليووم و رفعوه للمستشفى
يارا:قفزت ... اءء شن تقوول انت
مسعود:اي زي ما نحكيلك
يارا:به لاباس عليه
مسعود:الله يوريك بااس ان شاء الله
يارا:به انت وين
مسعود:رفعت امي و مرت خالي و تو كيف وصلت بس ... دخلوه و داروله تخطيط قلب ... مزال ما طلعتش النتيجه
يارا:تنهدت ... ان شاء الله خير ... اني خليني نمشي نقوول لماما ... باش نمشوا للقصر الغادي ... و انت طمني شن يصير معاك
مسعود:بإذن الله ... هي سلام توو ... و صكر

_________________🔥رواياتي🔥_______________
_____________🔥ibrahim qurji🔥____________

ركان:انزلي هي
ريان:اول ما توصل كلمني و طمني ع الحاج
ركان:باسها من رأسها ... ان شاء الله
ريان:رغم اني خايفه بس ان شاء الله خير
ركان:من شن خايفه
ريان:اول مرة نفوت للقصر بصفتي كنه ... كيف رح نقعد هنايا و انت مهناش
ركان:شن تمشي معاي
ريان:لالا برا انت ... تو نتعود
ركان:خلاص امالا تو نكلم عليك اختي شهرزاد و تفوت معاك الجووو ... و نخليها توريك الدار ... و اني تو نجي
ريان:تمام ... و نزلت ... قدمت قدام الباب بخطوات بطيئة مخلطه بشعور الخووف ... تشجعت و ضربت الجرس .....
________________