مملكة إبليس

الحلقة 19 🔥

#مملكة_إبلبس (قبل الاخيرة)

#ibrahim_qurji

لايك قبل ما تقروا يا حلويين ❤❤

ريان:كانت طايحة ع الارض و الدم بنزف منها ... و مغمى عليها
كلهم:التموا عليها و بدو يوعوا فيها
كلثوم:من لما شافت منظر الدم ... تفركست و معادش عرفت شن ادير ... غير انها خدت عبايتها و طلعت البرا
رنين:كانت خايفة بجد ... ع ان اي شخص يتهمها بالشي اللي صار ... طلعت البرا ... و بدت توقف في السيارات
ولد:تفضلي اختي شن في
رنين:تتنفس بصعوبة ... طاحت و اغمى عليها
ولد:مني اللي طاح
رنين:خشت و لحقها الولد ... شاف ريان غطاها بالشرشف و ركبها السيارة و طلع ...
___________________

وسط اجواء الاستراحه و الشواء و الضحك بين الشباب ... ركان خدي تلفونه و انسحب من جنبهم

مسعود:تي ما ليكش ساعتين النم و انت كنت معاها ... لهذي الدرجة توحشتها 🙄
ركان:هذي قلبي و كل شي ... ما عندكش دخل 😒
فاروق:تستاهل ... اقوى قصف 🙂
مسعود:اسكت انت يا مهزب يا متاع رررررا
كريم:اووو ... من رررررا هذي
فاروق:انسى ... يخرط الراجل 😅
كريم:😒😒 ادس عليا يا فاروق ... تي مية مية
.
.
.
ركان:خدي تلفونه ... و اتصل مرة اثنين و ثلاثة ... ما فيش رد ... لا من ريان و لا من امه ... ضرب ع حناه
عزيزة:بتوتر ... ها ركان
ركان:ها حناي ... وينكم ما في حد يرد ... وين ريان وين امي ... خيرهم ما يردوش
عزيزة:اءء ... مش عارفه شن نقولك يا ركان
ركان:شن في حناي ... شن اللي صاير ... جدي فيه حاجة ... امي فيها حاجة
عزيزة:لا ما في شي ... بس ريان
ركان:خيرها ريان ... شن صارلها ... بعصبيه خلا الكل يركز عليه ... شن في خيرها ريان
عزيزة:صارلها حادث و طاحت من فوق الدروج ... و نزفت
ركان:نزل تلفونه من ايده ... و رماه ع الحيط ... خدي مفاتيحه و طلع ....
______________________

في المستشفى

الدكتورة:طلعت من الحجرة ...
فاطمة:شن صار يا دكتورة في بنتي ... شن صارلها
الدكتورة:بتوتر ... اءء صبروا بالكم ... البنت كويسه
فاطمة:الحمد لله يا رب
كلثوم:به و الطفل
الدكتورة:مع الاسف الطيحة سببتلها في تضرر في جدار الرحم ... و صارلها نزيف ... و للاسف خسرنا الطفل
كلثوم:تنهدت بقله حيل
فاطمة:المهم البنت حالها كويس ... و البيبي يتعوض
الدكتورة:اءء ... الباين ان ما عندكمش خبر بأن
فاطمة:خيره شن في ثاني يا دكتورة ... خبريني ما تخوفنيش ع بنتي ... شن صايرلها
الدكتورة:المريضة بنيتها ضعيفه ... و اصلا الحمل كان صاعب عليها ... و للاسف في نسبة 30% بالحمل الجديد ...
فاطمة:بصدمة ... قصدك بنتي معادش تقدر تحمل و تصير ام
الدكتورة:ما قلتش مش رح تصير ام ... هذا كله بأمر ربي ... و زي ما قلتلكم ما تيأسوش بحكم ربي ... و ان شاء الله لاباس عليها
كلثوم:ان شاء الله ... بارك الله فيك دكتورة
الدكتورة:ولو ... هذا واجبي
فاطمة:نقدر نشوفها يا دكتورة
الدكتورة:اي اكيد تفضلي 😊