أعـشـقـه ولـكـن...

البارت 1

أعـشـقـه ولـكـن....
AliaAli💙
ـــــــــــــــــــــــــــــــــــــــــــــــــــــــــــــ
يزن: ااااه وخلاص....الواحد حصل فيها هذه عليك هم اغبر وخلاص
يزن ناض من مكانه مشي اتجاه الدار حط يده علي مقبض الباب
يزن في خاطره:نفتح ونشوفها...تو بعدين تقول ميت عليا...لكن مافيش صوت طالع من الغرفه..يمكن راقده تو شويه ونشوفها

نزل يزن للأسفل اتصل بصاحبه
يزن:الوو نبيل
نبيل: نعم يزن
يزن:طول نعم هو
نبيل:هههه خليتها انتضار يا راجل بسرعه
يزن:لا حول ولاقوة الا بالله....كان تبطل هالهبال مش 24 ساعه هو
نبيل:تي غير هيا علي اساس انت
وقاطعه يزن
يزن: شنو قتلك علي هذا الموضوع اني...قتلك معاش تجيب امه ولا لا
نبيل:تي باهي يا همي نسيت
يزن:معاش تنسي
نبيل:حاضر...ايه تفضل تكلم
يزن:اني بنسألك وصل يلي نبوه ولا مزال!؟
نبيل:امبكري كلمني علاء قال في الطريق
يزن:اها باهي مليح
نبيل:معاش تبي شئ
يزن:خلاص سكر وانت بتهبل
نبيل:😂😂 سلام

سكر من نبيل...و ركب فوق في حوشه و هو راكب شافه
قعد يشوفله بنضره انسان متجاهله بنضره غريبه مش مفهومه ....ومشي لحوشه 💔
مشي جيهت الدار ونفس الشئ لا في صوت ولا اي حاجه طالعه منها تردد هلبا في الاول و بعدها فتحها
يشوف في المنظر قدامه ومصدوم
يزن: شنو هذا  😦😧😟

نبيل: والله الله يزن يا ليلي
ليلي: شكله ديمه يزن هو
نبيل: تو بنكذب عليك نبعتلك السكرين و شوفي الساعه وو التاريخ  وكم قعدنا
ليلي: خلاص انسي مش ضروري
نبيل: الله لا تربحك يا يزن يا حيوان
ليلي: هههه معاش تدعي خلاص صدقتك
نبيل: الحمد لله..
ليلي: ايه شنو بدير اليوم
نبيل: والله عندي شويه خدمه بعدين وخلاص هذا يلي بنديره
ليلي: في الليل قاعد في حوش ولا لا
نبيل: لا بايت في الاستراحه مع الجماعه
ليلي: اها باهي... اني توا ماما تنادي عليا... سلامات
نبيل: سلامات حبي ❤

نبيل: اااه من جو اليوم في الليل يلي نبوه وصل واخيرا وناض لبس وطلع

نعرفكم علي نبيل
نبيل يكون صديق يزن من الطفوله ❤
نبيل عنده أخت بس
اسمها سونا و هي صديقة ليلي هلبا
وليلي تكون حبيبته من زمان ❤
امه قاعده عايشه
وبوه متوفي
حالتهم الماديه كويسه وكيف الناس ❤

ـــــــــــــــــــــــــــــــــــــــــــــــــــــــــــــــ
في مكان اخر

كانت في بنت مقعزه علي الكرسي وقدامها لوحة الرسم 🎨❤
كانت ترسم في الشخص يلي تحبه، ترسم في الشخص يلي واخد عقله
ترسم فيه و ترسم في تفاصيله بدقه
ترسم في الشخص يلي صوره في كل مكان في الغرفه كانت مجنونه بحبه و بكل تفاصيله وادقهن ❤
بس مش قادره تنطق بحرف و تحكي يلي في داخلها
كانت تعبر عن مشاعرها بالرسم وبس
وفاتحه أغاني حب و تغني معاهن 🎵❤
كملت الأغنيه و فتح تسجيل الصوت
صوته هوا.....تسجيل يلي مستحيل انها تمسحه او مش مستحيل هي ماقدرتش تمسح اي شئ يخصه 💔
مع انه الكلام يلي في التسجيل تقدر تنهيه بيه بس مش حاتقدر اضره باي شئ 💔❤
تعبت من الرسم ناضت طلعت من الدار و سكرتها و خدت المفتاح معاها