أعـشـقـه ولـكـن...

البارت 9

أعـشـقـه ولـكـن.....
ΑℓiαΑℓi💙
عشان خاطر بنوته كيوت حانزلها وبس
لايك قبل ماتقروا ❤
البارت ماقبل الأخير❤
ــــــــــــــــــــــــــــــــــــــــــــــــــــــــــ
نزار:لالا شكلي بنموت يا نبيل مافيش طريق للطلوع
نزار دمعت عيونه: كنت مقصر مع ربي ومش عارفه توا يلي بنقولها في محلها او لا ...اشهد ان لا اله الا الله واشهد اني محمد عبده ورسوله و هوب يسمع صوت سيارات الإطفاء
فرح نزار مش لأنه مش حايموت...لالا لانه حايقدر يشوف سونا
يزن:اخيرا جوا سيارات الإطفاء والإسعاف
نبيل:بسرعه بسرعه انزلوا في شخص داخل
دخلوا رجال الأطفاء لداخل وبدوأ يطفوا في النيران

وتين:خزي قدروا ينقذوه الكلاب...بس اكيده سونا ماتت اكيده...لو مماتتش حانمشي للمستشفي و نقتلها بإيديا 🔥💔

عند تولين تشوف في سونا كيف كلها مشوه شافت نبضها وكانت تتنفس بصعوبه جدا
تولين:خودوها بحذر
الممرضه:جيبوا الناقله بسرعه حالتها سيئه
جوا حطوها في الناقله و ركبت تولين معاها من وراء و مشت سيارة الاسعاف

طلعت نزار من داخل
كنان:ياحيوان الحمد لله علي سلامتك...تي كان متت اني شنو كنت حندير بس
نزار:اين مستشفي رفعوها
نبيل:مستشفي الـ ### هي تعالوا

ΑℓiαΑℓi💙:ماتستغربوش كيف نبيل عنده عادي...لالا سونا مخبره نبيل من قبل انها علي علاقه بيه لانها ماتقدرش اتخبي شئ علي خوها...صح تقبل الامر بصعوبه بس الاهم انه تقبله 🤷‍♀️

مشي كل واحد للسيارة امتاعه و في طريقهم للمستشفي
سعاد:اااه يا بنتي اااه ياريتيني ماخليتك وحدك في الحوش ياريتني رفعتك معاي
نبيل:معاش تبكي يا امي تو ترجعلنا سونا زي قبل وأحسن
سعاد:ياربي اعطيني الصبر ياارب
نبيل: ان شاء الله

نزار: ضروري ما تلقاها و تمسكها
كنان:وتين قصدك تجيبهلك
نزار:من غيرها يا كنان...من يلي ولع النار
كنان:هي
نزار:خلاص يكفي غبائك مش وقتك
كنان:تي باهي...غير سوق بالشويه تو ادير بينا حادث و نموتوا
نزار: كيف تبيني نسوق بشويه تي سونا هذه
كنان:عارف يا صاحبي عارف
نزار كان يسوق بسرعه كبيره و هو كل تفكيره في سونا و في وتين يلي سببت الشئ هذا 💔

وصلت سيارة الاسعاف للمستشفي نزلوا دخلوا سونا لداخل و وتولين كانت معاها
تولين:ساعديها يا سلوى بلييز  هذه سونا...ولا خلوني ندخل مع الدكتور
سلوى (ممرضه صديقة تولين زمان):معندكش ثقه فيا يا تولين حانساعدها و ندير يلي تقدر عليه اني والدكتور..وانتي لو دخلتي حـ توترينا
تولين:تمام خليتها في امانتك 💔
سلوي:حاضر.......و دخلت هي والدكتور للعمليه
لحظات و وصلوا كلهم للمستشفي...دخل نزار يجري وهو مايشوف في شئ قدامه غيرها
نزار:وينها وينها...دخلت!!؟
تولين:هي في العمليه توا
سعاد:اااه يابنتي قاعده صغيره هي
تولين:خلاص معاش تبكي تو تنوض بخير حرق هو وان شاء الله مايأثرش عليها
كانت تولين تقول هي بس عشان تهدي سعاد بس هيا عارفه اني حالتها خطيره
نبيل مقعمز هو ونزار قدام غرفت العمليات...جت ليلي عند نبيل وحطت ايدها علي كتفه ❤
نبيل يشوفلها و في خاطره هلبا كلام.. بس مش قادر يتكلم من الحاله يلي فيها
ليلي:اهدي نبيل سونا حاتكون بخير اختي ونعرفها ...تو تنوض وترجع ليك يا خو 💔
نبيل اول ماسمع كلمت خو...اضايق شويه ووجعاته بس في نفس الوقت ابتسم ليها
نبيل:عارف يا ليلي....ان شاءالله ترجع لي خوتها ❤
ليلي:ان شاء الله
كل واحد قعد يشوف لثاني لفتره.... شويه ويطلع الدكتور
في اللحظه هذه كلهم وقفوا و حاطوا بالدكتور
الدكتور:حاليا وضعها شبه مستقر بس لازم تقعد تحت المراقبه لمده 24 ساعه...لين يستقر وضعها
كل واحد يحضن في يلي قدامه ويحمدوا في ربي
نزار:الحمد لله يارب الحمد لله
ليلي حضت نبيل
نبيل:الحمد لله اخيرا
ليلي:ايه قتلك اني يانبيل حـ ترجعلنا
نبيل:ايه ❤
تولين شافت لـ يزن و ابتسمت و هو نفس الشئ بادلها الابتسامه
بس كان في شخص يراقب من بعيد ومعجباش كلام الدكتور و هو مليان حقد وغرور
والشخص هذا اكيده وتين