أعـشـقـه ولـكـن...

البارت 5

أعـشـقـه ولـكـن....
ΑℓiαΑℓi💙
لايك قبل ماتبدوا في القرايه
وتفاعلوا اكثر راهو تفاعلكم مش حلو 💔
ــــــــــــــــــــــــــــــــــــــــــــــــــــــــــــ

سكر نبيل منها ومشي للحمام(حشاكم).... شويه طلع لمح دار امه مفتوحه وفيها شويه ضئ
نبيل: زعما راقده... خليني ندخل نشوفها
نبيل دف الباب
سعاد كانت ماسكه شئ حطاته وراء ظهرها مخلوعه
سعاد: بسم الله وليدي خيرك
نبيل: لاشئ قلت نشوفك
سعاد: اها
نبيل: شنو وراك يا امي
سعاد: شي
نبيل: شنو مخبيه
سعاد:ءءءشئ هذه مذكرة يوميات متاعة زمان كنت نتصفح فيها 🥵😫
نبيل:اها...ايه عادي ليش خفتي انتي ههه
سعاد:وين نعلم بيك دخلت بسرعه انت خوفتني
نبيل:اها هههه ماعلينا يلا اني بنمشي نرقد
سعاد:تصبح على خير
نبيل:وانتي بخير يا غاليه

ركب لـ غرفة.....
سعاد حطت يدها علي قلبها:الحمد لله...وناضت خبت المذكره ورقدت 😴🥱

ليلي:طولت
نبيل:شفت امي شويه هدرزنا
ليلي:اها
نبيل:هي افتحي موضوع
ليلي:اني يا نبيل نبي نقولك علي شئ ونبيك تجاوبني بصراحه..اوعدني
نبيل:تمام نوعدك اني امتي كذبت عليك
ليلي:اوكي....نبيل نحس في امك مش راضيه علي علاقتنا ولا كيف...تحسها ماتحبش امي حتي...ولما سألت امي في شئ بيناتكم توترت بس قالتلي مافيش
نبيل:هذه مشكلتك انتي!
ليلي:كيف!!؟
نبيل:شوفي....أولا تفكري هلبا ومعندكش ثقه في نفسه هلبا...وثانيا تركزي هلبا يمكن يكون في شئ في الماضي بيناتهم جيران احني...مرات في غيره او شئ انتن النسوان تغارن وهكي مرات وحده غايره من الثانيه من شئ
ليلي:علي شنو مثلا!؟
نبيل:وين نعلم اني قلت مثلا...ومرات مافيش شئ
ليلى:مش عارفه
نبيل:معاش تفكري هلبا نقصي من التفكير وهكي مش باهي
ليلي:اوكي

وكملوا هدرزتهم بگل حب ❤

ـــــــــــــــــــــــــــــــــــــــــــــــــــــــــــــ

شافت لمريم يلي كانت تبي تتكلم قعمزت عندها
تولين: خيرك وكأنك بتقولي شئ
رمشت مريم مرتين يعني ايه
تولين: شنو هو... انتي ماتبيش وتين تكلمه!؟
رمشت مريم مرتين
تولين: علاش شنو فيه.... مش كويس!؟
رمشت مريم مرتين... وهي فرحانه اخيرا شخص فهم عليها
تولين: شنو مدايره هو حاجه سيئه!؟
رمشت مريم مرتين
تولين:تعرفيها انتي شنو مداير
رمشت مريم مرتين
تولين:امممم وكيف تعرفيها يعني وتين حكتهلك شنو مداير!!؟
رمشت مريم مرتين
تولين:اها يعني هي ديمه تحكيلك...انتي قبل لما كنتي صحيحه كنتي تعلمي انها تحبه!؟
رمشت مريم مرتين
تولين:اها.....جابت ورقه وقلم وقعدت تسجل في گل شئ هي تسأل ومريم تجاوب فيها
فرحت مريم هلبا وانه واخيرا في حد فحمها و قدرت تقول يلي خاطرها تقوله
حبت تولين هلبا لانها كانت بنت طيبه وكويسه وعلي قيس نيتها ❤

ــــــــــــــــــــــــــــــــــــــــــــــــــــــ
في غرفة وتين
كانت تكلم في نزار
وتعرفوا علي بعض وقعدت تحكيله كيف تعرف كل شئ عليه
وهو فرحان و مصدوم في نفس الوقت
فرحان لانها لقاها لقمه ساهله و سهل جدا يلعب عليها وخاصتا انها مش تحبه بس و مش ميته في حبه
لا غارقه فيه بگل كبير 
مصدوم كيف تعرف معلومات هلبا عليه....حتي صاحبه يلي هو وياه راس ومتفارقوش مايعرفش نص يلي تعرفه
نزار:ماشاء الله....هذا كله تعرفيه حي.حي حي
وتين:ونسيت ماخبرتكش
نزار:مزال هو
وتين:ايه....تعرف اني رسامه و راسماتك اكثر من مره
كل يوم نرسم فيك...وبعد نكمل نبدا في رسمه جديده ليك
نزار:صوري منهم شويه خليني نشوف
وتين:انلا...يوم من الايام حناديك تجي لحوشنا و نوريهولك...نوريك الدار يلي مليانه بيك ❤
نزار عجباته الفكره وقال في خاطره:سهلتي عليا...لما نمشيلها ناخد الفلاش يلي فيه التسجيل 😏😉
نزار:نخلوها بكره!؟
وتين:لالا يوم اني بنعزمك وهكي احسن
نزار:باهي تمام غير مطوليش بس
وتين:علاش!؟
نزار:مستعجل نبي نشوفك كيف راسمتيني
وتين:اها...ههههه اوكي