الوحده.

Untitled Part 5

مجنونه وغريبه و تصرفتها عجبانى بتعيش اليوم بيومه بتحب الحياه وبتحب الرقص اكتر على طول عماله ترقص زى ما تكون عروسه لعبه (61)
وفى يوم خدتنى نتمشى انا وهى وقالتلى انت بتحبنى مش كده؟ قولتلها مش عارف ضربتنى بالقلم قالتلى بتحبنى ولا لاء قولتلها أنا اسف بحبك والله (62)
-
رد فعلها كان مش بطبيعى واحنا ماشين قاعدين نرقص بتقولى نط وارقص فى الهوا فضلت تعلمنى فى الحركه دى أكتر من اسبوع لحد ما بقيت بعملها (63)
-
وقت ما تحس إنك مضايق شغل اغنيه انت بتحبها وارقص عليها حتى لو موسيقتها حزينه ارقص فى اى مكان وانسى ان فى ناس حواليك (64)
-
عارف لما الناس تشوفك بتعمل كده؟ هتقول عليك مجنون بس هيقولو عليك جريئ و هيتمنوا يعملوا زيك كده عشان هما كمان نفسهم يرقصوا بس خايفين (65)
-
كانت بتقولى هعد لـ 3 و ننط نخلى رجلينا يسلموا على بعض يلا (66)
-
كنت بحس إن انا مبسوط معرفش ليه اوقات الاحساس ده بيجيلى كتير بس دلوقتى لما فرحت عرفت إن فى ناس بجد بتبقى هى سبب السعاده اللى احنا عايشنها(67)
-
وفى يوم وانا رايح ليهم الفيلا سمعت صوت مزيكا فى الجنينه عندهم واول ما دخلت لقيتها جريت بتشدنى وبتقولى يلا ارقص معانا سيبك نفسك وارقص (68)
-
علمتنى إن حتى لو كنت لوحدى قادر إن انا اسعد نفسى علمتنى لغه الرقص اللى عمرى ما كنت افهم معناها فهمت منها حاجات كتير (69)
-
وبعد ما خلصنا رقص روحنا نمنا على الارض انا وهى جنب بعض و قعدت تضحك وتقولى على فكرة إنت مجنون بس محتاج إللى يطلع جنونك بص هقولك (70)
-
حاول متهتمش لحد عاوز ترقص اجرى فى الشارع وارقص عاوز تغنى مع ان صوتك وحش ؟ غنى وبصوت عالى اتجنن و اعمل اللى بتحبه وطز فى الناس (71)
-
اعمل كل اللى نفسك فيه عشان لما تموت تبقى عملت كل اللى إنت عاوزة أعمل كل حاجه مستحيله المهم إنك متحرمش نفسك من حاجه إنت نفسك فيها (72)
قولتلها بس الناس نظرتهم ليا وحشه سبب فلوسى قالتلى مش كل الناس عارفه ان معاك فلوس فى ناس تانيه بتتعامل معاك عادى من غير ماتعرفك (73)
-
وبعدها سيبتها ومشيت و روحت اجيب الاكل بتاع الاسبوع وانا هناك لقيت واحد بيقول لواحد الفيلا القديمه هتتهد و هيتبنى مكانها مدرسه للأطفال (74)
-
قربت منه وقولتله فيلا ايه؟ قالى الفيلا اللى انت ساكن جنبها دى قولتله ازاى و أصحاب الفيلا موافقين بالكلام ده ؟ قالى اصحاب الفيلا ؟؟ (75)
-
الفيلا مهجورة بقالها 90 سنه مفيشهاش حد قولتله نعم؟ مين اللى مهجورة؟ قالى الفيلا قولتله ازاى ياعم ده أنا شوفت فيها ناس وقعدت معاهم (76)
-
ضحك و قالى ابقى اتغطى قبل ما تنام سيبتهم وجريت على الفيلا قعدت اخبط محدش فتح ليا الباب مفيش حد فى الفيلا وانا بلف وشى لقيت عربيه جايه (77)
-
يقولو البيت هيتهد قولتلهم ازاى؟قالولى الناس بتشتكى منه و احنا اشترينا البيت ده من الورثه اصحاب الفيلا قولتلهم ممكن اعرف عنوان الورثه؟ (78)
-
سافرت ليهم وقعدت معاهم كان فيهم شبه من اللى شوفتهم فى البيت ده قولتلهم ممكن اعرف حكايه البيت ده؟ قالولى ليه ؟ قولتلهم عادى عاوز اشتريه (79)
-
قالو إحنا خلاص هنبيعه وهنمضى بكرا قولتلهم طيب احكولى حكايه البيت ده لو سمحت قالولى البيت ده كل اللى فيه اتقتلوا مسمومين (80)
-