أحببت أهتمامك _رواية قصيرة

"الجزء الثالث"

أحببت أهتمامك _هاجر مجدى

#الفصل_الثالث

بداء الطبيب يسرد تفاصيل الحالة والأثار الجانبية التى ترتبت على الحادث وهم يستمعون له والخوف والقلق ينهش قلب كلاً منهم..

تنهد الطبيب بأرهاق: بس وخيطنا الجرح اللى فى دماغها وكلها ساعة وتفوق الأثار الجانبية فى البداية هتكون عبارة عن دوخة و زغللة و عشان سنها صغير هيبقى فى صداع فى بعض الأحيان أهتموا بالتغذية وأمشوا على العلاج وبأذن الله هترجع زى الأول وأحسن.

نادر وهو يتنهد براحة:تمام يا دكتور..شكراً جداً.

أبتسم الطبيب:مفيش شكر ولا حاجة..أبقوا غيروا على الجرح بعد يومين..عن أذنكوا عشان أشوف باقى المرضى.

نادر أبتسم بخفوت:أتفضل.

ذهب الطبيب ونظر نادر إلى أمير الذى يقف يظهر عليه الأرهاق أثر أرتعاد قلبه على حبيبته تنهد نادر براحة ووضع يده على كتف أمير لكى ينتبه إليه:خلاص يا أمير اللى حصل حصل وقدر الله وما شاء فعل..أكيد مكنتش تقصد..يلا تعالى ندخل نطمن عليها عشان نوصلها البيت قبل ما حد يقلق من تأخيرنا.

هز رأسه بصمت وهو ينظر لأسفل بأسف..دلف نادر يتبعه أمير وجدوها جالسة وتضع يدها على رأسها بألم والممرضة تضع لها الإبرة الخاصة بالمحلول.

نظرت لشقيقها بدموع وضمته بقوة:كنت هموت يا نادر!!

نادر ضمها إليه هو الأخر وهمس لها بحنان:بعد الشر عنك يا قلب أخوكى..قولى الحمدلله ده أبتلاء مش أكتر يا قلبى والدكتور قال بأذن الله شوية وقت وترجعى أحسن من الأول..وبعدين ندى أختى كيوت وقمر اه بس قوية وجامدة هه؟! صح!؟

هز كتفها بخفة وهو يبتسم أبتسمت هى الأخرى..نظر أمير إلى جمال و رقة أبتسامتها..

تنحنح أمير بخفوت:أاا أحم..أنا أسف يا ندى والله..أنا مش عارف اللى حصل ده حصل أزاى!!

نظرت له وظلت صامتة قليلاً ثم ردت عليه:هو أنت طبيعى..!! أنت بتأسف على إيه يا أمير..!؟ أنا عارفة إنك أكيد مش قاصد تخبط فيا عشان أقع! وبعدين ده قدر بيك أو من غيرك كان هيحصل.

أبتسم بخجل وأجابها:أديكى قولتيها أن أنا السبب فى اللى حصل!

ضحكت بخفة:لا مش أقصد كدة هههه..أقصد تعددت الأسباب والسقم واحداً بدل موت هههه

شرد فى ضحكتها التى تخطف العقول برقتها تلك ونظر إليها بأعجاب على وعيها وإدراكها الذى يسبق عمرها..بينما هى خجلت من تحديقه بها هكذا وخفضت رأسها..ولم ينتبه أى منهم لذلك الواقف بينهم كما عمود الإنارة ينقل النظر بينهم..