اللهم صل وسلم وبارك على سيدنا محمد وعلى اله وصحبه اجمعين .............
في فيلا الشناوي ...
وصل زين بالعربيه الفيلا .. وقف العربيه والكل نزل
وكان سوف يحمل مياده ولكن أوقفه صوت مها لو سمحت يا أستاذ ..
زين : زين الدمنهوري
مها : بعد إذنك يا استاذ زين مش هينفع تدخل بيها جوه وحضرتك شايلها كده ... إحنا متشكرين اوي لحضرتك على اللي عملته معانا ... بس إحنا ممكن نسندها وندخلها جوه .. ومتشكرين مرة تانيه على اللي حضرتك عملته معانا
زين بتفهم : تمام إتفضلو
سارة : ممكن حضرتك تتفضل معانا جوه
زين : لا متشكر مرة تانيه ... وسند مياده وقومها .. والبنات خدوها منه وكملو هما وذهب زين إلى وجهته
عند الفتيات بالداخل
منى بخضه : يانهار إسود اي اللي عمل فيكي كده
مياده : متخافيش ياماما انا كويسه وبعدين انا ميتخافش عليا .. وعلى رأي البت الممحونه اللي على التيك توك انا بطل متعوضش ههههه
ساره بضحك : يابت انتي فيك حيل تهزري
مياده : أوري عليا بأ ياختي
مها : إنتو هتفضلو ترغو كتير انا ايدي وجعتني .. يالا يا ساره إرميها في اي حته هنا
مياده : رميه تاخدك يابعيده إتلمي يابت
مها : والله اسيبك
مياده : لا خلاص أسفين ياصلاح ...
وأجلسو مياده على أقرب أريكه ..
مياده : اي ياوليه أنتي وهي مابراحه انتو بترمو عجل
مها : مانتي اللي تقيله نعملك اي يعني
مياده : انا .. دانا بطل متعوضش يا أوختشي ههههه على رأي البت اللي ع التيك توك دي 😂😂
مها بضحك : ههههه يخربيتك إفصلي شويه
منى : دي مجنونه طول عمرها متاخديش على جنانها ده .. انا هروح اجهز الأكل عشان تاكلو وتحكولي اي اللي حصل ..
ساره : أن ونبي ياماما عشان ميته من الجوع ..
وذهبت منى لتحضير الطعام ....
مياده بصدمه : الله يخربيتك يابنت المجنونه انتي مش لسه واكله انتي مبتشبعيش خالص
ساره : ده على اساس انك شبعانه ومش جعانه مثلا يعني ... يابنتي هو اكل المطاعم ده يشبع ولا هو في أحلى من أكل ماما منى
مياده : تسدقي اه وبعدين البنج بيجوع بردو
مها : فين طنط هناء تشوفك وانتي بتقولى كده
ساره : الله يخربيتك إسكتي دي بتطلعلي منين انا مش عارفه .. إسكتي دي بتيجي ع السيره
وفي هذة اللحظه رن هاتف ساره .. نظرت إلى الهاتف وضحكت
مياده بضحك : مش قالتلك بتيجي ع السيره .. طنط هناء صح ؟؟
ساره بضحك : اه هي ياختي
وذهبت لترد على أمها
مياده : مش قولتلك.. عيب
مها : ياشيخه إتلهي .. خليكي في اللي انتي فيه
عند ساره ...
ساره : الو ياماما
هناء : اي يازفتة الطين انتي فين ؟
ساره : هكون فين يعني ياماما .. أكيد عند ماما منى
هناء : يابن انتي معندكيش دم انتي مبتجيش بقالك إسبوع .. إسبوع مبشوفش وشك إتلمي وخلي عند اللي خلفو أهلك دم وتعالي قرفتيهم
ساره : هما إشتكولك ياحاجه .. وبعدين انا قاعده إسبوع كمان عشان مياده عملت حادثه وقاعده معاها انا مها شويه
هناء بخضه : حادثه !! اي اللي حصل لها إتأذت جامد ماترغي يازفتة .. ساكته
ساره : مانتي مش مدياني فرصه أتكلم .. وقصت لها ساره ماحدث
هناء : طيب أنا هبقا أجي أتطمن عليها بكرة
ساره : ماشي .. يالا سلام بقا عشان أروح أكل .. جعااانه
هناء : انتي يابنتي مش هامك غير على بطنك ديما كده
ساره :اه جعااانه
هناء : غوري من وشي
وأغلقت السكه .. ورجعت ساره
مياده : اي اللي حصل
ساره : الطبيعي بتاعنا .. هي امك إتأخرت كده ليه
مياده : أه صح ... وبصوت عال .... ياماما يالا ياماما انا جعانه
وأتت الأم
منى : ماتهدي يازفته .. ده منظر واحده مريضه
مياده : لا متقلقيش هتعب بليل .. يالا ناكل بقا عشان جعااانه .... جعانه ياناس
مها : يخربيتك خرمتي ودني ما تطفحي
مياده : ماتسندوني يازفته انا هتزفت أقوم ازاي
وسندوها لعند السفرة
