الحلقه السابعه .....
______________________________________
يالا نبدأ ....
زين وصل مياده البيت
مياده نازله من العربيه بعصبيه بس زين مسك إيدها قبل ماتنزل مياده بصتله وبصت لإيده اللي ماسكاها برفع حاجب .. زين إتجاهلها وفضل ماسك إيدها
زين : بكرة هبعت طقم حراسه هيرافقوكي كل مكان
مياده : لا
زين : اي اللي لا
مياده : احسنلك متبعتش حد
زين : مش بمزاجك
مياده : امال بمزاجك انت بقولك اي إطلع من دماغي مش فيقالك وايدك اللي ماسكني بيها دي لو مشيلتهاش هتلاقيها جمبك
زين بتحدي : وريني هتعملي اي
مياده : تمام انت اللي اختارت ... وفي خلال ثواني مسكت إيد زين ولفت جامد في إيدها ولف وبقت ورا ضهره
زين بخبث : كويس .. بس مش انا اللي تعملي معاه كده وفي اقل من لحظه بقت هي زيه وإيدها ورا ضهرها
مياده : اي ياعم انت مش بترحم هتكسر إيدي ورجلي .. إحنا أسفين ياصلاح .. سيب ايدي بتوجعني
زين : عشان تحرمي متتخطيش حدودك معايا تاني
وحرر إيدها ومسكت إيدها بألم وفضلت تدعك فيها
مياده : ياعم هو انا هشوفك تاني فين اصلا عشان متخطاش حدودي
زين : لا مانتي إعملي حسابك هتشوفيني كتير من هنا ورايح
مياده : معلش معلش .. عايزة أنزل .. ده لو مش هيزعج حضرت جنابك
ونزلت من العربيه بعصبيه ورزعت الباب وراها وظهرت إبتسامه على وش زين وبعدها ساق ومشي
______________________________________
في العربيه التانيه عربية أدهم
وصلهم الفيلا
أدهم : هي دي
ساره : باسسسس توشكر يابرنس
أدهم : هو انتي منين ياساره
ساره : من بولاق
أدهم : قولتيليي
ساره : ياعم هكون منين يعني انت بتوصلني فين خلي الطاسه تشتغل شويه
مها : شكرا يا أدهم يالا ياسارة
ونزلو من العربيه وادهم فضل يضحك على ساره
أدهم : ههههه طب والله مجنونه
وساق العربيه ومشي
______________________________________
في الفيلا
دخلت مياده : يا أهل البيت ياهوووو يا حاجه
منى من وراها : اي الإزعاج ده .. وبعدين انتي جيتي بدري ليه
مياده : انتي اللي مشيتي بدري ليه مشيتي من قبل ما شمس تحط الأكل
منى : إفتكرت اني سبت أكل ع النار بس الحمدلله كنت شيلت الأكل قبل ما أمشي بس انا نسيت وكنت جيالكو تاني بس قعدت أصلي العصر الأول ... بس انتي جيتي بدري ولوحدك فين البنات مجوش معاكي ليه انا قولت هتقعدو للفجر
مياده : خلااااص ياماما كل دي أسئله وكلام ماما حبيبتي انتي بالعه راديو ولا حاجه .. براحه ياحبيبتي وانا هفهمك كل حاجه
مها : ياماما انتي فين
مها : اهي الشياطين حضرت
ساره : انا سامعه حد بيجيب في سيرتي
مياده : دي ماما لسه بتسأل عليكو دلوقتي وانا برد عليها ياسطا
سارة : هعديها المرادي
مياده : حسنا يا زميلي
منى : اي اللي حصل بقا
مها : بصي يا منون إهدي كده واحنا هنقولك كل حاجه
منى : ماشي إنجزي بقا
وحكولها كل حاجه حصلت
منى وهي يتخبط على صدرها : يالهوي يعني بنتي في خطر
مياده : متقلقيش يامنوش بنتك ميتخافش عليها انتي ناسيه أن انا معايا الحزام الإسود ولا اي
منى : ياختي اتنيلي انتي قادرة تمشي على رجلك الأول حزام اي اللي بتتكلمي عليه ونبي ولا ابيض حتى
مها وساره بيضحكو
مياده : عجبتكو اوي ياختي انتي وهي
مها : اه ههههههه
مياده : بابا دربني كتير علفكرة
ساره : حصل
مياده بعتت بوسه لساره في الهوا : قلبي
ساره ردت ليها البوسه : حبيبتي 😍
______________________________________
