في فيلا الدمنهوري ...
دخلت مريم الفيلا وصدمت مما رأته
مريم بإندهاش : فاتن ...
الأم : تعالي يامريم سلمي على فاتن بنت عمك عوض الله يرحمه ومراته طنط ناريمان
إستتتتوووب
(فاتن بنت عم مريم وزين وباباها متوفي وأمها ......ناريمان ... ومريم وزين مبيحبهمش وفاتن معجبه بزين وأمها عقربه بتحب الفلوس جدا وفاتن وتصرفاتها وأفعالها محدش بيحبهم بسبب لبسها وعلاقاتها مع الشباب ) هنتعرف عليهم أكتر مع الأحداث ....
Back
مريم بقرف: أهلا ياطنط أهلا يافاتن
ناريمان : اي طنط دي انا ناريمان هانم
مريم : امم هنبدأ بقا المره الجايه ياطنط أن شاءالله ماما انت طالعه اوضتي أرتاح شويه اصل كان يوم مقرف اوي .. كانت تنظر لهم بقرف
فاتن : اي ده يامريم مش هتقعدي معايا ولا اي احنا مش صحاب .. امال زين حبيبي فين
انا مش حبيب حد
كان صوت زين دخل زين بهيبته من وراء مريم
وضع يده على كتف مريم ولم يهتم بهم
زين : عملتي اي انهارده ياحبيبتي السواق وصلك انتي وجميله
مريم : اه ياحبيبي بس كان في حاجه عايزة أقولك عليها
زين : تعالي ياحبيبتي نطلع فوق في اوضتك وقولي اللي انتي عايزاه
ناريمان : اي يازين مش هتسلم على مرات عمك
زين بقرف : أهلا
فاتن : ازيك يازين
زين : كويس يالا يامريم
مريم : ماما هو بابا لسه مجاش ؟؟
فريده : لا ياحبيبتي لسه زمانه جاي هو قال ممكن يتأخر انهارده في الشغل زمانه جاي متقلقيش
مريم : ماشي ياحبيبتي يالا يا زين
وصعدو الإثنان إلى الأعلى
***********************************
في فيلا الشناوي ... في غرفة مياده
ماماااااااا. كان هذا صوت مياده
منى بغضب وهي تدخل الغرفه : إي يابنت المجنونه في اي انا مش لسه كنت عندك دلوقتي .. عايزة اي
مياده : لا مفيش دانا بجرب صوتي بس
منى : والله .. طيب وامسكت حذائها ورمته في وجه مياده
مياده ببكاء مصطنع : اي ياما اه ياني ياما على وشي اللي باظ من كتر ابو ورده اللي ديما بيلبس في وشي والله ياماما انتي المفروض تشتغلي قناصه
منى : إتلمي .. وهاتي الشبشب ده .. وإياكي أسمع صوتك تاني مفهوم
مياده : إحنا أسفين ياصلاح
وخرجت الأم
مياده بصويت: مااااامااااااا
الأم دخلت : لا دانتي عايزة تتربي بقا وإتجهت نحوها بأبو ورده وظلت تضربها وسط صويت مياده
دخلو مها وساره وخالد بخضه
مها : في اي .. اي ده 😳
ذهلو مما رأوه وإتجهو نحوهم وسط ضحكاتهم
خالد بضحك : خلاص ياماما
مها : عملتي ايه يا مصيبه
أمسك خالد منى من خصرها وأبعدها عن مياده بصعوبه
خالد : اي ياماما خلاص إهدي
منى بغضب : سيبني سيبني على بت الجزمه دي
خالد بضحك : معلش إهدي بس وفهميني اي اللي حصل
منى بزعيج : بنت المجنونه عماله تصوط من الصبح وساكته واقول معلش يامنى بنتك وتعبانه إستحمليها شويه معلش معلش لما زهقت كل دقيقه ماما ..ماما البت مكملتش ثانيه طالعه من أوضتها وتصوط ماما جك موه يابعيده هديتي حيلي مكملتش دقيقة وتصوط روحتلها اشوفها عايزة اي تقولي مفيش دانا بس بجرب صوتي سيبتها ومشيت مش عايزه أتعصب عليها مكملتش قفلان الباب .. ماماااا مستحملتش قمت قولتلها طب تعالي بقا ... اااه ياراسي ياني جبتولي الضغط الله يخربيتكم اه ياارااسي انا هروح أخد حباية الضغط ... وقبل أن تخرج نادت عليها مياده ماما
منى : اي يا أخرة صبري عايزة اي
مياده : نسيتي تقولي أنا هسيب لكم البيت وأمشي
منى بغضب وهي تنظر إلى خالد : شوف شوف عايزة تعصبني والله هسيبلكو البيت وأمشي ... وخرجت من الغرفه بعد أن خرجت ... إنفجرو الجميع في الضحك ...
مها : يابنتي والله انا حاسه في يوم انك هتجننيها
مياده : والله ياجماعه انت مظلومه
ساره : انتي هتقوليلي
خالد : يابت إتلمي جننتي الوليه
مياده : متقلقش هصالحها ... بس بقولك اي انا مشوفتش الراجل اللي إسمه بابا إمبارح
خالد : الراجل إللي إسمه بابا جه إمبارح بليل متأخر
مياده : ياحبيبي يابابا أكيد مبعرفش اللي حصلي من ابن التيت ده
ساره : تييت !! الله ينور .. محترمه اوي البت
مياده : غصب عنك ... يالا ساعدوني عشان أغير
مها : كنا الشغالين اللي بيشتغلو عند جنابك
مياده : معلش معلش إنجزو بس ونشوف الموضوع ده بعدين ... ويالا يالوده طرقنا
خالد بتهكم : لوده .. انتي بتدلعي ابن أختك ... يالا يابت من هنا ... وخرج من الغرفه
