الحلقة 3
في مخزن كبير بعيد عن المنطقة
مختار : بس اعطيني بس كيستين نعدي بيهم واخر الشهر نعطيك حقهم
فتحي : وشن يضمنليي ان بتدفع
مختار : وربي بندفعهم خيرك هكي
فتحي : حط المسدس فقلب مختار
مختار : 😨😨
وطلقت الرصاصة في الارض فتحي حول السلاح من صدره وضربهاا لوط
فتحي : ره نجيبك من اي مكان ونوصلك ومتعرفش كيف نهاية الشهررر تدفعلي حق هادم ولي قبلهم
مختار : بخوف اي اي تمام
وطلع بسرعة ركب سيارة ويرعش مع بعضه وفتح الكيسة خداا شوي فيده وشمهااا وهداا واختفت رعشةة وولع سيارة ومشاا روح الحوش ....
.......
سكرت الاتصال
ريناد : نوض نوض بسرعة ارفعنييي
نوض ارفعني
عمر : لوين
ريناد : نوض نوض للمستشفى
عمر : خير شن فيه
ريناد : اختيي 😭😭 نوض هي بسرعة
عمر : به اهدي خلاص ياروحي وتي روحك وانزلي هي
ريناد : تمام ومسحت عيونها من دموع خايفة على اختهاا 🔥
.....
في المستشفى
ميرة : بنخش نشوف تسنيم
ميرة : حييي تسنييم بنيتي 💔💔💔
يحليلي عالحالة لانتي فيهاا
مشت قعمزت بحداهاا
ميرة : اهخ يابنيتي كان تقدري تدوي بس
قلبي محروق عليك
تسنيم : دموع ينزلوو بس وراقدة وتشبح فوق
باستهاا امهااا ومسحت عراسهاا وطلعت قعمزت بحداا غادة
ميرة : كلمي عيلت احمد قوليلهم ياجلوو البيان عالاقل تتحسن شوي اختك
غادة : اماا بيان امي كل شي راح التغا كل شي
ميرة : ووه عليا شن فيه
غادة : مش عارفة حتاا يما اتصل بيا وقالي كل شي تم ومفيش نصييب
ميرة : وامت صار امت كلمك
غادة : امس كلمني 🔥💔
ميرة : اهخخ يابنياتي اهخ مش عارفة عليش حظكم هكي الله غالب يجي غيره
غادة : توجع يمااا توجعع والله حرقة فنص قلبيي 💔🔥😭
وقعدت تبكي فحضن امهااا
بعد لحضات
غادة لمحت اختهاا جاية
ناضت تجري حضنتهاا
وعمر مشاا سلم ع ام ريناد
عمر : سلام عليكم
ميرة :وعليكم سلام وليدي شن حالك
عمر : الحمدالله
غادة : تبكيي وينك معش دورتينا هااا
ريناد : فوتيني اناا وين تسنيم وشن صار وكيف هكي وينهاا هيي قبل
غادة : داخل
خشتلهاا تجري
ريناد : انصدمت بحالل تسنيم
كيف كانت وكيف ولت البنت لي كانت تضحك ووتتسهوك عليهاا وديماا تنشد عليها وكل يوم تتصل بهااا ولت هك مدمرة متدويش ولا كلمة تبكي وبس بعد ماصارلهااا الموقف معش تنسااه 💔🔥
ريناد : حليلي ع اوخيتي 💔💔💔 كيف صارلك هك حسبي الله ونعم الوكيل في لكان السببب ربي بيحاسبه ع شي لداره فيك 😭😭
حبيبتي تكلمي قولي كلمة 💔🔥
تسنيم : ولا اي ردة فعل
ريناد : بعد مافقدت محاولان اقناعها انه تدوي خلاص بتطلع من الغرفة مش متحملة دمار اختها 💔
كيف بتنوض من الكرسي تسنيم شدت يدهاا
تسنيم : خليك 💔
ريناد طول قعمزت وقعدت تواسي فيهااا
وكل مرة شوي شوي تجبد منها في الكلام تحاول تفكهاا من الصدمة وتسرحها ....
.......💓راوية بتو💓......
مالك : شن الاخبار لشنو وصلتو على مختار وحاجاته الجديدة
معتصم : في واحد اسمه فتحي تاجر مخدرات ومختار متعامل معاه وعنده هلباا ديون عنده من مختار ياخد وميردش
مالك : ايييواااه صاحبناا مدمن مشالله
معتصم : اي شن يعني توو
مالك : هدا بيفيدنا 😏 هلباا
معتصم : كيف يعني
مالك : تو تفهم امشي لبوك قوله اشريت لقتلك عليه
معتصم : اي ارحوو ونا ماندري
مالك : غر برااا دير لقتلك عليه
معتصم : تي باهي بههه
وطلع مشا لبوه
.......
_________________________________
فحوش العيلة
سرور : الوو يماا
خيرية : بهي لتفكرتينا
سررور : 😂 بهي والله ماحصلت كيف نرن مافضيت تعرفي جوو مانحكيلك يماا
خيرية : اي كويس بكل هي روحي
سرور : بهيي اهوو كيف بنركبوو سيارة مروحة بتروح بيا خالتي
(خالتهاتسوق طبعا)
خيرية : تمام هيي نراجي فيكم
سكرت الخط
ياشهد
شهد :ارتبكت وسكرت تلفون
نعم ماما
خيرية : وتيي العشاا انتي واختك جاية خالتك منيرة
شهد : حاضر هي
..وتوو العشاا البنات دارو كسكسي بالبصلة ومعاه المسير ووتو كل شي
راوية : جوعوني ونا صايمة 🙂🔥
وصلت خالتهم واختهم
خشوو وقعمزوو قعمزة عائلية وجوو حلوو
وضحكة سرور لسما وتقرقر وغيرة جوو العيلة بعد ماشافت امهاا بحالة كارثية وعارفة ان بوها مش اول مرة هيي تشوف حالة امها هكي 🔥
.......💓راوية بتو💓......
مرو اسبوعين ومافيش شي جديد
فحوش عيلة مختار
الامور كيف ماهية بس كل مرة سرور تطلع وتوتي شوي شوي لعرسهاا
واما مختار على عادته مخدرات ادمن عليهاا هلبااا لين بداا يهلوس في اليل ويخبط مركب الرعب لعيلته 💔🔥
....
امااا مالك وخوته يخططوو وينضموو في خططتهم لبعدين مجهزين حاجات قوية لمختار مش معروفة شن 🔥
...
في حوش عيلة ريناد
شوي شوي تسنيم بدت تتكلم وتهدرز مع العيلة وبدت تطلع من دارهاا بدت من اسواء لاحسن
.....
سالم : هي نوضو نرفعكم لجردينة تغيروو جوكم وكلموو ريناد تجي غادي هي
غادة : اي والله عالاقل تتغير نفسيتهاا
وبنقولك ماعرفت شيي عن الشخص هداك
سالم : مافيه شيي بكل ولا حتا درة دليل على الشخص وكان ذكي مغمض عيونهاا
والبصمات مش موجودة قالوو كانه لابس قفازات (قوانطيات : او glafis امهم فهمتو )
غادة : اهخخ ياربي
ميرة: ربي رح يعاقبهم من كانو سبب 💔🔥
_________________________________
طلعوو لجردينة
ركبوو طلعوو من سيارة
واقنعوو تنسيم الف مرة بيش تقدر تطلع
واقتنعت نهاية الامر
وصلوو لجردينة
اول مانزلت جردينة
شافت شيي خلاا تعابير وجهاا فحالة صدمة ...
يتبع ....
– الحلقة قصيرة اليوم سوري لان اليوم تعبت هلباا صيام وطلووع يالله لحقت كتبتلكم الحلقة ضميري قالي نخليكمش منغير حلقة اليوم 😂 💕
– لايك وتعليق واعطوني رايكم ❤️🔥
– تحياتي ❤️
#راوية بتو
أنت تقرأ
سراب
Mystère / Thrillerقصة عميقة تحكي عن عائلات اتشبكت فبعضها من المصايب والمشاكل بسبب شخص واحد 🔥 كل عائلة راحت فيها ضحية بسبب ثار وانتقام قديم من عائلة تانية . سراب بقلم راوية بتو 🖤 انشالله تنال اعجابكم تحياتي 🔥
