خيرية: ءاااا مهوو عنده خدمة بنيتي مانشوفو فيه حتا احنا
ريناد ربي يعاونه انشالله
مفيدة : هي نوضو يبنات ديرو صفرة شاهي المرا قريب بتروح بظلم الدنيا
ريناد : ها بنوض معاكم
خيرية : عيب كيف عاد
ريناد : عادي عميمة هدا ولا حوشي تاني
خيرية :ربي يحفظك بنيتي الحوش حوشك هي يبناويت وروها الكوجينة وتعاونوو مشوو مع بعض كيف بيمشو طق الباب
عمر يلي كان في دار سمع الخبطة طلع يجري وقف قدام داره وشبح لامه
خيرية : لحظة صمت وجهاا اصفر من الخوف تدعي يارب مش هوو وفداخلها يقول هو مافيش مهرب
ريناد : اكيد عمي هذا 😊
عمر : بداا يعرق وخايف من شكه انه بوه لان لو يعرف بيلي يصير بتصير مشكلة كبيرة .
نور اخت عمر صغيرة : مشت تفتح الباب
مفيدة : مشينا فها 😰
فتحت الباب نور وخشت
اياد: خالتي قتلك ماما تعالي بنروحو ره
خيرية : استريحت ...
مفيدة : ها ها هاني جاية مال نستاذنكم ياعويلة هي بسلامة ياريناد
ريناد : خيرك عميمة اقعدي
مفيدة : لا هوو هداك بنتي مروحة خل نمشي نسقدهاا
ريناد : اهاا مال سلميلي عليها تو فرصة تانية نتعرف عليها
مفيدة : انشالله هي بسلامة
عمر بعد ما طلعت مفيدة
ريناد
ريناد : نعم
عمر : هي بنروحو
ريناد: بهي هي بسلامة
عمر : هي بسرعة عندي طلعة ضرورية
ريناد : بهي خيرك هي جيت
طلعوو ريناد ركبت سيارة وقعمزت كيف بيركب عمر جاا بوه بسيارة 🔥
عمر : خش فبعضة قدم بسرعة لبوه
مختار : ها يا ولد شدير
عمر : ااا بنرفع نور لحوش خالتي مدايرين لمة بنات
مختار : ااا باهي باهي وولع دخان
عمر : بطله يابوي ماهوو كويس ياريته دخان المشكلة حشيش
مختار : مدخلكشش ف امي امشي تسقد خير مانقتلك تو
عمر : ركب سيارة وبيمشي
ومختار كان معلق عيونه فسيارة عمر
ريناد : منوو هدا عمي مختار
عمر : ايي
ريناد : خل نسلم عليه
عمر : لا مرة تانية
ريناد : مش حنعطل
عمر : بعيطة ونبرة غليظة لاااا قلنااا
ريناد : خشت فقلبها العيطة ورتخت اول مرة تشوفه هكي
وطلع بسرعة بسيارة ...
......
خش مختار للحوش
خيرية : قول حتا سلام عليكم
مختار : مش لازم
خيرية : خيرك هكي تعامل فيناا شن درناا تراا قوليي ولا لعبولك عقلك ودرتنا زي الخدم اهني ره معش نتحمل عفنك رهه
مختار : ضربهااا كف يسمععع لفي الحوش اكله
طلعت نور
نور : امي شن فيه
مختار : علامات الاستفهام فوجهة
مدام نور اهني مالا مني مع عمر
خيرية : مشينا فيهاا ووه عليا
مختار : شدها من شعرهاا
من هيي لمعاه تكلمييي
وقعد يضرب فهاا بوحشية
مش قادر يسيطر عروحة
قعدت تحكيلة هو يضرب فها لين داخت من ضرب
خيرية : حسبي الله ونعم الوكيل فيك 💔😭
وقف مختار وطلع كيسة خدا منها حاجة مش مفهومة شمهاا بعدهاا ارتخا عالصالون كانه هدااه
هيي انتي يابنت
نور : ننن نعم
مختار : دخلي امك بسرعة
طول جوو نور وشهد قاموو امهم ومتحسرين كيف خلاها كلها دم من ضرب ويبكوو عالصامت خايفين تصيرلهم حاجة حتا هما بوهم كان مركبلهم الرعب ...
نور : يامي ليش مانطلعوش ليش مانمشو حوش جدي ويطلقك وتم الامور
شهد : منقدروش
نور : علاش
شهد : منقدروش واسكتي تراا
نور : فسرها شهد شن سر لتخفي فيه عليا ??
قعدوو يبكووو وشهد تحس بتانيب ضمريهااا وتبكي ع امها 💔
أنت تقرأ
سراب
Gizem / Gerilimقصة عميقة تحكي عن عائلات اتشبكت فبعضها من المصايب والمشاكل بسبب شخص واحد 🔥 كل عائلة راحت فيها ضحية بسبب ثار وانتقام قديم من عائلة تانية . سراب بقلم راوية بتو 🖤 انشالله تنال اعجابكم تحياتي 🔥
