ماما خيرك عليا مش معقولة راه تعاملي فيا هكي
نادية: وربي الكعبة نمشي غادي نشرب من دمك ياكلبه يلي معرفتش انربيك يا متعت الذكورة نجيلك غادي نمسح كبدي بيك يافانص نكرهك نتمنا تموتي ونفتك منك يا حمل تقيل ع قلبي
وقطعت عليها……
جود : ماما خيرك عليا راه يجي يوم ونخليهالك واسعة وعريضة مدام حمل تقيل توا يجي يوم ونخليك ترتاحي مني ومن وجهي وحطيها ف بالك راني بنتك مش عدوتك
وقربعت الباب وطلعت ل غرفتها
نادية: توا نوريك ياكلبه
جود خشيت ل غرفتي وانا نبكي بحرقة 💔🔥ع حياتي يلي هكي
_________________♪♪♪…طبعا كلكم استغربتو علاش نادية هكي تعامل ف بنتها صح وعلاش هكي تكره فيها ... ....
نادية كانت تحب ولد عمتها حباته بجنون ماتشوفش ف غيره بس هوا مايحبهاش يجامل فيها بس وبعدها اهلها غصبوها ع ولد جيرانهم وهوا كان يبيها ف وافقو عليه طول وهيا معندهاش علم لين جي وقت بيجيبو الفضانية قالولها ندبت شطحت بس ف الاخير خداها بعد شهر من زواجهم اكتشفت انها حامل وكانت تعافر ف راجلها ودارت المستحيل باش والبيبي ينزل بس شئ شئ مانزلش ربي كتبله انه يعيش .
و لانه يحبها تحملها بس بعد 7 شهور من حملها دار حادث وقعد ف العناية شهر وبعدها مات وهياااا تمنت انه محملتش منه لانه لو كان هكي خدت ولد عمتها يلي بعد زواجها حتي هوا تزوج طول. ف كرهت البيبي وبعدين قالت بالك يطلع ولد ع الاقل ابرك حال ياخد الورت ونعيش كيف مانبي بحكم هيا حالهم ضعيف ف كان راجلها عنده معرض سيارات وحوش كبير فا طمعت بس طلعت بنت وعمها بو راجلها ملك كله رجع ل عنده وخداه دار ل جود معاش يسدها وبزيادة 1000 شهريا بس تلخد فيهم نادية وتشري اغلا شئ وماكله من المطاعم عايشيه ب رزق بنتها وحال بنتها يقطع القلب وزاد كرها ل عيالها ولي بنتها يلي كيف نولدت بسبب انه رزق مش عندها ويعدها الناس قطعتهم بسبب لسانها لا خلت صاحب ولا عدو ومنكدة ع بنتها وانها هيا سبب تعاسته ........
ومن هني ح تبدا (قصة جود )
جود مواليد2001 بنت حزينة هلبااا ومتتكلمش هلباااا وغامضة مافي حد يفهم فيها ولا شن يلي تحس فيه بارده ل ابعد حد
معندهاش صاحبات ولا شئ وتقرا ف جامعةو وحيدة لانه الحياة قصت عليها مافي حد يقعد معاها
نقشها ع الاسود وبيضة وطويلة شوي وجسمها مليان شويجود: لازم ماندير حل ل وضعي شن يندير زعما
اي لقيتها غضوة ح نحسم الامر معاش فيها ياسر ما تحملت 💔-----------------------------
بلقاسم :شن في يا ياسين
ياسين : غير قتلك بضاعة وصلت ل الحد مزاال بيخلصو ونرجعو
بلقاسم ردو بالكم اني بنروح ل الحوش ونجي غضوة للستراحة مدورونيش…يتبع