حياة: ماشي توا نركب انكلمها
تعالي معاي ياسرور
وركبو ل جود
جود بعد ماسمعت الكلام هذا كله معاش تحملت قعدة تبكي حاسه روحها بتطلع منها مش عارفة ع شن تبكي بضبط بس يلي تعرفه انها حياتها كلها غلط
طق الباب
حياة من برا: جود بنخش
جود: مسحت دموعها ... تفضلي يا عمتي
حياة خشت هيا وبنتها سرور
قعمزو ع الكنبة يلي بحدا السرير
حياة :يا بنتي ياسر من الدموع وربي ل تحرقي فيااا
جود: تشبحلهم وعيونها تعبو دموع
يامرأة عمي مش كل شئ يمشي ب الغصب صح🥺
حياة: ايه صح بس بعض الظروف هيا يلي تخلينا ناخدو ف قرارت مش كيف ما نبو حني ولو بيدي يا بنتي نعطيك عيوني وما يصيرلك هذا كله 💔
سرور :جود اني صح مانعرفكش كويس وماعنديش معاك جو ولانعرفك بس وربي حسيتك زي اختي حبيتك وربي ونتمنالك كل خير ولو مش يلي يصير توا خير ليك ماكان واقفنا مع بلقاسم مش نشكر ف خوي بس وربي بلقاسم راجل بمعناه الكلمة كان سندي وعزوتي ووخي وحنين علينا هلبااا و يلي مايرضا فيا وغزة شوكة كانت فخورة بيه قدام صحباتي ولانه واعر وميحبش وجيج بنات همه شغله وحني بس حياته كلها ف الخدمة نص يومه غادي ل يوم ماتزوجت وبعدها بدي من يوم ويومين مايروحش لانه خدمته غيرها وهكي.
ومن يومه واحد عصبي وكتوم بس حنين برغم ظروف يلي تعرضلها بس كان قوي وحني يلي نستندو عليه وعمره ماقصر معانه ف شئ.
صدقيني خوي ح يحطك ف عيونه وف قلبه صدقيني والايام ح تتبتلك
جود تتكلم والعبرة خنقتها: بس اني ما نبي حد يشفق عليااا مش كان معنديش اب يلي يجي يتحكم فيا تقول لعبة ونزلو دموعها مسحتهم ومش معقولة امي اليوم ماتت واني غدوا بنتزوج وحتي كان معشتش معها كويس وعمرها ماحبتني وفضلتني ع فلوس ووسخ دنيا ح تقعد امي حتي لو ب الاسم بس 💔منرضهاش
حياة: نزلو دموعها يابنتي الله غالب مكتوبلك شقي ماتندريش ع دنيا سيوره ما ربي يعوضك ع مرارت الايام وسنين يلي فاااتت وحني مش شافقين عليك يابنتي انتي قعدتك معانا زي بنتي بس مش ح تقدري تاخدي راحتك لانه ماعندي غير شباب وانتي مش ح تخدي راحتك وهما نفس شئ لانه مش محارمك وانتي بلا سند ولو صارلي شئ كيف ح تعيشي يابنتي ف شئ يلي داره ولدي مش شفقة ولا غيره دار زينة العقل وانتي زيدي خممي وصلي صلاة الاستخارة يابنتي وتندريش ع الوقت شن مخبيلك
جود: اقتنعت نوعا ما من كلامهم بس لما فتكرة نظرة بلقاسم يلي كانت فيها نوع من تحقير وتجريح...... ....... ... ... ياعمتي وحتي كان اني رافضة ومش ح نتزوج بلقاسم ولا غيره ولو متبونيش بنطلع من عندكم ونشوف وين نمشي
حياة وسرور شافو ل بعض بمعنا ع الفاضي ناضو: ع راحتك وديري الكلمة هادي ف راسك عمرنا ماشفقنا عليك وانتي بنتنا واذا ماتبيش خلاص مش ب الغصب هوا وطلعو منها
جود: تنهدة واني قلبي مقبوض مش عارفة خيرني 💔
نزلو حياة وسرور وكان جوهم متفركس
وكان ف صالةمقعمز بلقاسم وشاد راسه ويشبح ل سقف وليث وجدهم طلعو
انتبه بلقاسم ل امه واخته وحس انه فيه شئ!!!؟
بلقاسم: ها يام شن صار
حياة: ياولدي شن بنقولك كل شئ نصيب الا انك تغصب شخص ع حاجة وهوا مايبهاش ف نهاية دنيا نصيب رفضت ماتبيش.
بلقاسم حس قلبه بيطلع من مكانه وبيتفجر بس تحكم ف اعصابه وقاللها تمام
اني بنطلع عندي مشوار ونرجع قلولها توتي روحها باش نجي نرفعها ولا وين تبي
حياة: به توا تركب سرور وتقوللها توتي روحها باش يمشو مع بعض
بلقاسم: وهوا شاد اعصابه بسيف ديرو رايكم
وطلع.
