وقف ع حاشيت البحر وطلع دخانه وقعد شارد وف باله زعماا وين بنلقها وين مشت وقعد يخمم طلع تليفونه من جيبه وفتح ع صورتها
قعد يتأمل فيها بدون اي تعابير طلع
من الاستوديو وخش ع المكالمات اتصل ب حمزة
بلقاسم: ايوه حمزاوي وينك
حمزة: حك عيونه وشاف ل ساعة كم
توا من جدك متصل من ساعة 7 شن تبي مني ووين بنكون من صبح ربي عارف متمرقد
بلقاسم: قولت بالك نايض تجيب ف الخبزة ل ميمتك تي اشحط روحك وكلمني زين
حمزة:احم ها صاحي شن في خيرك
بلقاسم: اسمع نبيك ف موضوع سري
حمزة: شنو فيه ها نسمع فيك
بلقاسم: بتريس والله ماني عارف كيف ندوي
يلي نعرفه انه بنت عمي معاش ألقيناها ونبيك دور معاي
حمزة: تي كيف ملقيتوهاش كيف هكي
بلقاسم: حمزة نبيك الدور ف المستشفيات ع بنت اسمها جود ال ... .... عمرها 20 19 مش عارف نظام هك
حمزة: مية مية توا نبدل ونطلع وانت وينك
بلقاسم: مدورنيش اني حتي اني اهو طالع ندور.
حمزة: تم هي تشاو يابروو
بلقاسم: سكر من غير ما يرد
وين بنمشي خلي ندور ف الفنادق
ومشي جهت الفنادق خش الاول وتاني وتالت ورابع والخامس بس شئ ملقاش لين وصل ل اخر فندق
وقف ع رسبشن سلام عليكم
وعليك سلام
بلقاسم معليش نزلت عندكم بنت اسمها جود ال.
متع رسبشين: من حضرتك
بلقاسم انا ولد عمها بلقاسم ال ... ....
: هيا ف غرفة 303
بلقاسم : تم وه شكرا
وركب يجري وصل ل غرفتها
طق مرة وتنين بس ماردتش
افتحي يابنت اني بلقاسم ولد عمك وقعد يطق تي افتحي وينك 😤😡 فجأة وهوا يطق انفتح الباب خش وشاف منظر الغرفة وهيا واقفه وراء الباب وخايفة وتبكي بهستريا وربي مادرت حاجة وربي هوا يلي اغتصبني وربي حافظة عليه بس هوا خداه مني وقعدة تبكي وتندب
بلقاسم: من كتر ما مصدوم الساني انربط معاش عرفت حتي شن ندوي ولا كيف نتصرف ممعقولة هكي نلقي حالتها دم معبي سرير بقعة كبيرة ودبشها المشرك اكتر من المستور والغرفة متبهدلة
متوقعتش انه بنت عمي ح تبيع روحها وشرفها ع خاطر شن مش عارف طاحت من عيني.
تحمحم
بلقاسم: اسمعي يابنية ضمي حوايجك ولبسي عبايتك وهي انزلي معاي
جود :بصوت متقطع و وين بتاخدني 😭
بلقاسم :عند حوشنا وشافها بنظرة يعني سكري فمك واطلعي
جود: هزة راسها تمام
طلع بلقاسم وقف فم باب غرفتها ورد الباب وراه وتصل ب حمزة:
ايوه حمزة فوته الموضوع
حمزة: شن لقيتوها
بلقاسم :اي وسكر عليه
جود: قعدة نلبس ف عبايتي واني خايفة ياربي مش بعيد بيقتلوني وه عليا 😭😭😭💔ولا بيرجعوني عند امي وربي ل تقتلني ياربي ارحمني وكون معاي
بلقاسم قعد يخبط ع الباب ب قوة لين خلعها:هيا وينك ساعة هوا
جود: طلعت هي هي وفتحت الباب😣
بلقاسم :شافها بنظرة 🔥تقتل امشي قدامي
جود: ت تت تمام ومشت قدامه من غير ولا حرف زائد وكملو مشي لين وصلو ل سيارة جت بتركب من الخلف سكره بيده بخبطة لين خافت مش سواق بوك اركبي للقدام
بلعت ريقها: حاضر😖
وفتحت متع القدام وركبت وحطت شنطتها ف حجرها😩
ركب بلقاسم وشاف ل شنطتها والله وصار منك يابنت العم وانك تهربي و تقعدي بلا شرف 😏 وحرك سيارة
جود فتحت عيونها وقعدة تشبحله بصدمة كيف هكي يدوي عليها ومن غير مايتحشم ع وجهه: انت شن تحساب روحك ومن انت اصلا باش تدوي عليااا اولا احترم روحك واني اشرف من وغصتها الكلمة 🔥💔 🥺
واني مادرت شئ غلط باش تقعد تهزب فيااا
بلقاسم: صار مادرتي شئ ههه ماشي ماشي توا ح نشوفو كان مزال فيه طولت لسان ياحلوه 😒😏
