#اختفاء
الحلقة { 6 }
للكاتبة : رودي
فتاة القمر 💜
نور : نضت الصبح عالمنبه خشيت الحمام دوشت صليت طلعت شنطة معش عرفت شن نحط فيها غمضت عيوني ودخلت ايدي في الدولاب وبديت نختار عشوائي 😂 لبست سكليز اسود لاصق وبلوزة غليضة مستورة لونها بيج وفوقهم عباية ازرق ملكي و وشاح اسود و سبيدرو اسود 🖤
زيد : نضت دوشت وطلعت فتحت الدولاب محتار شن نلبس لان في الصحراء الجو نو لكن النسمة مصقعة كيف مفهمتش!!😕 طلعت حوايجي ولبست
طق طق طق طق 🚪
زيد : خشي زينة
زينة : خشت.....صباح الخير
زيد : صباح النور
زينة : كيف جاية بنوضك امتى بتمشي
زيد : توا
زينة : اها تمشي وتجي بالسلامة
زيد : ان شاء الله هي البسي
زينة : وين
زيد : بنرفعك معاي
زينة : لا لا مش لازم
زيد : تي بري
زينة : مش لازم يا زيد منبيش نزعجك
زيد : هيا خفي روحك منبيش نعاود
زينة : بيأس.....حاضر....ومشت تجهز في روحها ❤
ترن ترن ترن
نور : الو صباح الخير
زيد : صباح النور
نور : نضت ولا مزال
زيد : لا نضت من بكري غر نستنى في زينة تكمل
نور : اها نستناك ولا نتلاقو غادي
زيد : تو نخطم عليك
نور : تمام
زيد : وتي روحك بسرعة
نور : واتية اني
زيد : ربع ساعة ونكون عندك
نور : تمام
روايات : رودي 💜
فتـــــــــاة القــــــــــمــــــــــر
نور : طلعت من الدار لقيت امي ادير في الفطور حكيتلها عالرحلة
سناء : علاش مقلتيش اني اخر من يعلم
نور : باست راس امها....لا لا الموضوع صار بسرعة وممكن قلت ل محمد نسحابه قالك
محمد : خش مشفشف......ايه ايه ديري عملتك ودكيها في راس غيرك 😒
نور : المهم قلتلكم توا 😂
محمود : صباح الخير
كلهم : صباح النور
محمد : به امتى بتمشي
نور : توا بيخطم عليا زيد
محمود : وين ؟
نور : عندي خدمة
محمود : فهميني
نور :....."حكتله الي صاير"
محمود : وانتي بتمشي توا
نور : اي
محمود : وعلاش مقلتيش
نور : جي كل شي بسرعة وملحقتش
محمود : من بيرفعك
نور : زيد
محمود : من زيد
نور : صاحب محمد وزميلي
محمود : شبح ل محمد
محمد : هز براسه
ترن ترن ترن 📱
نور : الو
زيد : اطلعي اني برا
نور : باهي....وسلمت عليهم بالاحضان ❤
سناء : تبكي.....ردي بالك على روحك سلم بنيتي 💔
نور : ان شاء الله يا ماما متخافيش معاي زيد و زملائي وزميلاتي و الشرطة ☺
سناء : لازم تمشي انتي ؟؟
نور : في بنت يا ماما لازم ننقدها وفي قاتل عايش ما بينا في ليبيا لازم نوقفوه عند حده تخايليني اني في مكانها يا ماما
سناء : بعيد السوو عليك 💔
نور : حضنت امها وباستها وطلعت لقت زينة في المقعد الخلفي قعمزت من قدام❤
زيد : يخبط ع الدومان ويعيط.....60 الف مرة نقولك منحبش نعطل منحبش نستنى باش تفهمي انتي😡
نور : تلفتت ل زينة.......كيف حالك زينة
زينة : الحمد الله وانتي
نور : بخير الحمد الله
زيد : معش تعاوديها اللقطة هادي فهمتي 😡
نور : بصوت واطي......هادا كان مزال ركبت معاك 😒
زينة : سمعتها ضحكت بصوت واطي 😂
وقعدو ساكتيييين فترة 😶
نور : كيف حالك زيد
زيد : ابتسم.....تمام الحمد الله
نور : مبتسمة.....متأكدة ان عندك انفصام وخلل في الجينات قسما بالله ماك طبيعي 😒
زيد : دمك خفيف الفترة هادي.......وركب للكوبري
نور : مش طريق الاستوديو هادي
زيد : بنخطم على مهيمن
نور : اها....وسكتت
