#هروب
الحلقة { 8 }
للكاتبة : رودي
فتاة القمر 💜
كانو راقدين لابيهم ولا عليهم وفجأة سمعو عيطة هزت الكرة الارضية ناضو مخلوعين 😳
اسماعيل : طلع من الخيمة يجري شاف منذر قدامه....شن الصوت هادا
منذر : حد يعيط
كلهم طلعو من خيمهم
سالم : الصوت من خيمة زيد وميهمن
مشي اسماعيل يبي يشوف شن صاير اول مفتح الخيمة شاف زيد مشفشف وعيونه حمر وقايم مهيمن في حضنه زي البيبي
نور : خيركم
زيد : رخي يديه ومهيمن طاح
نور : زيد شن في
زيد : تلفت ل مهيمن
مهيمن : خاف 😨😨😨
زيد : شد مهيمن من رقبة تيشرته وضربه وعزقه وقرصه وعضه ومهيمن يعيط واسماعيل ومنذر وسالم وباقي الشباب يحزو ومحدش قدر يفك مهيمن من زيد
زينة : تضحك......علاش يضرب فيه 😂😂
نور : منعرفش 😂😂
زينة : تحول ل وحش رسمي 😂
نور : غر والنبي اشبحي شكل خوك 😂😂😂
زينة : يمى بطني 😂😂
زيد : بعد مضرب مهيمن وقف يساوي في حوايجه مشى ايده ع شعره ب رجولية وخش ل خيمته
منذر : يضحك ويساعد في مهمين......شن صاير
مهيمن : مخلوع......منعرفش نضت لقيته مقعمز زي الغولة عيطت 😨
اسماعيل : تمام اصلا نضنا في وقت واحد خلي نفطرو ونكملو
طريقنا
منذر : خلي نمشي نفيق الي مناضوش
اسماعيل : تمام
نور : صباح الخير استاذ اسماعيل
اسماعيل : قام ايده بمعنى صباح النور 🖐
نور : معجبتهاش اللقطة.......اني بنحضر الفطور وين ال.........
اسماعيل : قاطع كلامها واشر على شكاير كبار
نور : مشت تخبط مش عاجبها اسلوبه 😡
مشت نور وطلعت الحاجات وبدت تجهز في الفطور جت زينة وجت حلا يساعدو فيها
حلا : والله امس قطعلي قلبي منذر 💔
زينة : خيره مسكين
حلا : حكتلهم الي صار امس كله....
نور : شبحت ل زينة وشدت ضحكتها 🤭
زينة : 🤭🤭🤭
حلا : شبحت ل اسماعيل لقاته متعصب ويكلم في سالم ومنذر......هلبة الراجل هادا ديما متعفلق
زينة : من هو ؟؟
حلا : ومن غيره الشرطي اسماعيل
نور : حدفت الموس.....نرفزني امبكري
حلا : وخيره
نور : متعصبة.....مبرده بجديات
زينة : مرات عنده عذر وهكي
نور : عذر شنو مثلا يعامل في الناس تقول خدم
حلا : معليشي اكيد عنده مشاكل
نور : مدافعيش عليه البارد هادا
حلا وزينة شبحو لبعضهم 😳
نور : تقول هو بس في الدنيا مغرور ومتكبر وشايف روحه تقول امبراطور
حلا : بلعت ريقها......ءءءءء
نور : كان نندري ان المشية فيها شكالات زي هادي راهو مجيتش
زينة : نور انتي ء......
نور : لو سمحتي زينة خليني نطلع الي في قلبي
اسماعيل : طلعتي الي في قلبك ولا مزال ؟؟
نور 😳😳😳
روايات : رودي 💜
فتـــــــــاة القــــــــــمــــــــــر
سناء : محمد محمووود
محمد & محمود : ننععمم
سناء : واحد منكم ينوض يجيبلي الحوايج طاحو مني من الروشن
محمود : وشن جيبهم ل الروشن
سناء : نوض وخلاص
محمود : يمى نبي نرقد كلمي ولدك التاني....وتغطى ورقد 😴
سناء : شبحت لمحمد لقاته راقد ويشخر.....صغار العازة والقهرة 😒
وطلعت على امل تلقى ولد من ولاد الجيران تقوله
سناء : عصووومي معتتصمم
معتصم : نعم عمتي سناء
سناء : سلم وليدي برا وراء الحوش في حوايج جيبهملي
معتصم : حاضر.....حط الكورة ومشي يجري🏃♂️
سناء : سلمه مش زي النتايات الي راقدين الداخل 😒
